موت الجنين الذي في رحمي سيحل مشكلتي!!

أنا إمرأة مطلقه عندي طفل صغير عمرو سنتين تقريبا تزوجت من شي 6 شهور تقريبا من شخص انقلبت طباعو بعد الزواج بنفس عمري انا عمري 25 سنه .. مكان سكنو بعيد عن مكان سكن أهلي كتير وانا كنت مستأجره قرب اهلي وبعد اسبوعين رح اسلم بيتي ونقلت العفش تبعي لعند زوجي والآن حامل بالشهر التاني .. انا بحب الاطفال كتير مشان هيك استعجلت بالحمل وقلت يعني مو كل الناس متل زوجي الاول عديمين المسؤوليه .. مشكلتي الكبيره مع زوجي الجديد انو بيصرخ كل الوقت كل اسلوبو بالحديث صراخ .. بالخطوبه كان ماكتير بيرفع صوتو وما لاحظت انو هاد الشي عله مستحيل الواحد يتحملها .. صراخو على اسباب تافهة احيانا يصرخ بلا سبب هو وعم يحكي حديث عادي ابني توتر من هالشي وانا اعصابي ما بقا تتحمل وقت بقلو نوص صوتك لاتصرخ وحاولت اكتر من مره هو ورايق احكي معا بالموضوع بس عبث .. ردو الدائم انو هو هيك ومارح يتغير وسوي يلي بدك ياه طبعا بجاوبني بصراخ .. وفي شي تاني انو ما بيعرف يتصرف ابدا .. ما بيعرف يدير المصروف بالبيت بأول الشهر بروح كل الراتب وبيدين باقي الشهر وما بيقدر يسددون .. هو كان عايش بالمظاهر الفارهة والرفاه المادي كونو كان اعزب ومصري كلا على حالو ولبسو غير يلي بياخدن من اهلو .. وبزيد مزاجو حده بسبب هالشي وبحاول راعي مشاعرو وظروفو بس مافي طريقه للحوار معو.. وعصبيتو وصراخو ابدا مو مرتبط بظروفو الماديه هلأ هو هيك من قبل الظروف وبيزعل وبصير بدو ينام بالغرفه التانيه على اقل شغله وعلى اتفه شغله انا الصراحه ماعندي طاقه ابدا اني صحح وقوم سلوكو او اني امسك زمام الامور بالمصروف انا حاسه حالي مضغوطه وانا بزياره حاليا عند اهلي مو طايقه ارجع لعندو ولا طايقه شوف وشو ولا طايقه العيشه معو بس غير اني حامل ورح عيد نفس السناريو يلي صار معي اول مره ورح يجي يقول بدي الولد وبدي شوفو وبدي وبدي واخر شي انا بعرف انو فيو ياخدو برا البلد بكل سهوله ومافيي اعمل شي .. غير هاد كلو اجراءات الرجعه لهون صعبه كتير كتير يمكن الحكومه هون ما تقبل اني انتقل مره تاني لعند اهلي الا اذا قلت انو هالشخص عم يعنفني او عم يأثر عنفسيتي وعنفسيه ابني وابنو يلي رح يجي وهالشي بياخد وقت وممكن ما يظبط يعني ممكن يأمنولي سكن بعيد عنو بس بنفس حدود المقاطعه .. انا كل يوم عم يمرق عم حس حالي عم غوص اكتر وعم اتورط اكتر .. بطلع بحالي وبقول لك شو سوي بخاف من الله اني نزل البيبي .. البيبي اذا بينزل نص مشكلتي بتنحل .. بس بقول هي نعمه وياما حلمت بالخلفه الكتيره واني اتجوز بعد هالزلمه مستحيل .. وبضل بفكر انو ابني يلي معي هلأ ممكن يجي ابو بأي لحظه يعملي مشاكل او يخطفو ساعتا ببقى لا ولد ولا تلد .. وبخاف كمل مع جوزي هاد وبالمستقبل اندم اصلا كل يوم عم يمر عم اندم واخر شي كون جايبه منو ولاد اكتر واعلق بهالجحيم للأبد .. اهلي ماخرج الون ابدا كل التفاصيل لان مارح يقدرو يسوو شي وبزيد همون هم .. انا خليفه كل هاديأثر عنفسيه ابني الصغير واولادنا بالمستقبل اذا صار عنا ولاد