كيف أقنع زوجي بأني أريد الإنجاب؟

تمت خطبتي لشخص من 20 سنه ولكن بعد سنه ونص خطوبه سافر للعمل بالخارج اهله مكنوش كويسين معايا ولا اهلي كانوا بيحبوه اخر مره اتصلت باهله قالولي انه تزوج ولكن كدبوا ولم تكن هي الحقيقه .اتفسخت الخطوبه وقعدت بعدها 13 سنه من غير زواج ولا حتي خطوبه وهو دور عليا ولاقني وعرفت انه تزوج بعد سفره ب6 سنين وعرض عليا الزواج بدون علم اهله لانهم مش كويسين ويخاف هم اللي يخربوا بيته ولكن عملت فرح بعد موافقه اهلي لانهم كانوا ملوا مني لاني كنت ارفض العرسان .بعد الزواج وحتي الان لم انجب ولم احمل وطبعا ده رغبته واتخانقت معاه كتير بسبب الوضع ده هو بيشوفني مرتين في السنه وطبعا بينزل الاجازه معاه مراته واولاده وبيجي بس كل يوم او يومين يقعد معايا من ساعتين لثلاثه مش اكتر علشان متحسش بغيابه .دلوني ازاي اقدر اقنعه بالانجاب وخصوصا ان سني بيكبر