هل كنت مخطئة عندما تركته؟

add_commentأضف إجابتك

thumb_downلم يعجبني0

كنت مخطوبه لشخص كان بيشتغل ف المصنع مع والدي و ف يوم انا في بره مع بابا جه سلم ع بابا و شافني و بعدها بيومين طلب ايدي من بابا انا كنت رافضه في البدايه لاني الطريقه مش كانت عجباني اني اتجوز كده و بعدين بابا طلب مني اني بس اقعده معاه مره و بعدين احدد واني مش هينفع خالص احكم علي شخص من بعيد و فعلا وافقت اني اروح لكن اول ما رحت غيرت رايي تماما حسيت ان هو ده الشخص اللي انا عاوزه اكمل معاه حياتي و الموضوع مشي رسمي هو كان بيحبني جداااا كان بيحاول بكل الطرق اسعادي و انا اتعلقت بيه جدااا رغم كده كانت احيانا ليا تصرفاته رخمه شويه لما بزعل منه هو كان بيفسرها عدم حب لكن الحقيقه غير كده هو سافر شغل ف الخارج و من يوم سفره و هو بقي انسان غريب جدا عصبي زياده عن اللزوم مش بيقتنع خالص انو غلط ف حاجة بدا يهملني مش بيكلمني زي الاول بيكون فاتح نت كتيير ومش يبعتلي حاجه ولما اكلمه يقولي شغل ومش فاضي حسيت للحظات انو ممكن يكون بطل يحبني ف قررت الانسحاب و اني اسيبه لكن لقيته اتمسك بيا وقالي تبقي كده مش بتحبيني وانا بحبك ومش عاوز ابعد عنك وكلام ده بعدها والده تعب ودخل المستشفي و هو بين الحياء و الموت ف اضطر ينزل مصر فورا و للاسف وقت نزوله انا كنت مسافره ف نفس اليوم وكان غصب عني لظروف كشف لوالدتي هو ادايق اني جيت قدام المستشفي اشوفه قبل ما اسافر من غير ما اقوله اني بره وعاوزه اشوفك هو فسرها برضوا تفسير تاني رغم اني انا لو مش عاوزه اشوفه مش كنت هروح قدام المستشفي من البدايه ( مع العلم ان كانت رجلي مكسوره و متجبسه ومش بتحرك وكنت مسافره يعني زعل جدا لما عرف وقالي اني مش فارق معايا والكلام ده و لحسن حظي اني لما رجعت من السفر كان هو لسه موجود مش سافر و فكيت الجبس قبل معاده علشان لو مش قدر ييجي يشوفني انا اشوفه اعرف انزل رغم ان رجلي كانت وجعاني جدا هو والدته متوفيه و والده متجوزه سيده قريبه من سنه الي حد ما يعني الفرق بينهم 12 او 10 سنين احنا كنا كل ما نتصل نطمن ع والده مش كانت بترد علينا مع العلم انها بترد ع ناس تانيه ف سبتلها رساله قولت اكيد لما تشوفها هترد لقيتها شافتها ومش ردت ولا اي حاجة خالص يعني اتصل بيها والدي ليطمئن قالتله احنا مش بنرد علي حد خالص ف شئ طبيعي ان وقتها هنبطل اتصال و مش نروح نزوره لانهم مش حابين كده ف كنت بطمئن عليه من خطيبي بساله عن احوال والده وكده فضل لحد قبل ما يسافر بيوم جالي يزورني و معاه كادو ف انا كنت مدايقه جدااااااا لان خطيبي و حبيبي ف نفس البلد بتاعتي وكان بقالي 4 شهور مش شفته و جاي يشوفني قبل ما يسافر بكام ساعه ف كنت مدايقه جدا من مرات بباه لاني حسيت انها السبب ف ده لانها لو كانت بترد علينا زي كل الناس كنت هقدر اروح ازور والده واكون جمبه ف الموقف ده واكيد مش هنروح بيتها و بيت جوزها بدون ارادتها هيا يعني ف كنت مدايقه و متعصبه ف اتكلمت معاه بطريقه مش كويسه وقولتله و خصوصا بعد ما عرفت انها قالتله ان خطبت مش سالت علي بباك خالص وده طبعا مش صحيح هيا اللي مش بترد و زعل ومشي ومش كمل عندي 10 دقايق بعدها حسيت اني كنت اوفر معاه وان مش كان المفروض اكلمه كده ف الوقت ده ف اتصلت بيه فورا بس هو مش كان حابب يتكلم معايا روحت تاني يوم نفس يوم سفره قدام بيت 3 ساعات او اكتر برجلي اللي كانت وجعاني علشان بس اشوفه و هو نازل مسافر انا من طبعي الحرج و الكسوف ف اتكسف جدا اني اكلمه اقوله اني تحت عاوزه اشوفك والكلام ده اتصلت بيه بعد ما ركب العربيه متجة للمطار قولتله توصل بالسلامه قالي عرفتي ازاي اني مشيت قولتله اني كنت شيفاه اخد موقف مني جامد وبعد ما كنت فاكره انو هيفرح زعل وزعق وقالي اني مجنونه ومش بعرق اتصرف واني ازاي اكون تحت ومش اكلمه اقوله بعدها سافر وبقي متغير معايا كتير و طريقته كلها بحسها عقاب ف عقاب ومش بقيت عارفه ده ضغط بسبب انو سافر و والده تعبان ولا مني انا شخصيا قولت خليني استحمله لانه اكيد مضغوط حاولت اصالحه كتيير و افهمه وجه نظري وانه اهم حاجة ف حياتي واني بحبه ومدايقه انوا زعلان مني لكن كان ديما رده بيدايقني ومش بيحس بكلامي و فضل الموضوع يطول جدا بنفس الطريقه لحد ما حسيت انو بقي يبعد عني احساس كان جوايا كنت بكلمه ف يوم كان لسه راجع من الشغل رد عليا كلمتين وقالي هقفل علشان هاكل مع العلم ان قبل كدا كان ديما يقولي هقفل اعمل كذا و اكلمك دلوقتي لا وكان صابح عليه اجازه يعني ف وقولتله طيب هتاكل و تكلمني الرد الطبيعي بتاع اي حد عادي هيقولي يا اه ماشي يا مش هقدر ورايا حاجة مثلا اي مبرر لكن ده قالي بزعاق كده ما تتصلي انتي طبعا ادايقت وقتها لاني يعني انا هتصل ازاي هعرف منين انك خلصت اكل ولا ايه بس برضوا قولت مش مهم تعالي علي نفسك وكانك مش سمعتي حاجة هو مدايق بعدها استنيت ساعه كده و رنيت عليه كانسل عليا المفروض بقي يرجع يتصل بعدها بحبه مثلا لا مش اتصل ف استنيت حبه تانيه و رنيت مش رد عليا فتحت النت لقيته كان فاتح من نص ساعه كده قولت يمكن نام ولما يصحي هيكلمني اكيد ف بعديها بساعه كده لقيته فتح فرحت قولت هيكلمني بقي فضلت مستنيه بالساعات مش كلمني لحد وقت الفجر كنت خلاص اتخنقت وفضلت ابكي جامد كنت بتكلم مع صحبتي قالتلي طيب جربي رني عليه وشوفي لو صاحي اكيد هيرد يمكن النت معلق وجايب انوا فاتح وهو مش فاتح اكسري شكك قولتلها تمام قفلت ومعاها رنيت عليه ولكن للاسف لقيته ف مكالمة تانيه وصاحي سبتله مسج قولت اكيد هيشوفها بما انه بيتكلم ولا جاله اني كلمته لكن برضوا مش كلمني ولا حتي فتح مسجاتي رن تاني يوم الصبح قولتله اني رنيت عليك امبارح زي ما قولتلك قالي لما رنيتي كنت بغسل ايدي (( طيب تمام جميل يعني انت كنت بتغسل ايدك طيب لو انت حابب تتكلم معايا هترجع تتصل تاني بعد ما تغسل ايدك انا وقتها مش كنت شيفاه مبرر خالص قولتله طيب رنيت بعدها قالي ما كنت نمت (( يعني انت غسلت ايدك و رحت للسرير تنام ولا كان وحده رنت وكانت عوزاك ابسط حاجة لو في اهتمام كان هيبعتلي مسج يقولي انا تعبان هنام معلش هكلمك بعدين دي وجه نظري قولتله طيب انا كلمتك الفجر لقيتك بتتكلم قالي اه دول البنات اخواتي كانو متصلين يسالوني علي حاجه تخص الدراسه بتاعتهم (( اووووووه ماي جاد بجد مصحيينه الفجر علشان يسالوه علي حاجه تخص الدراسه وانا ولا كاني بتصل وباعته حاجة وقتها حسيت اني مش ليه قيمه عنده خااالص و قررت اني ابعد عنه واخبر والدي بقراري لكن قولت ادي فرصه اخيره واشوفه مهتم ولا لا بعتله مسج و قولتله انت مش شايف اننا بقينا مش موجودين ف حياه بعض رن عليا بس انا كنت قافله التليفون رغم اللي مهتم يعرف في ايه هيعرف يوصلي يعني اهلي مش بعاد عنه ولا اخواتي لكن ده مش رن تاني فتحت تليفوني مش رن تاني برضوا فضلت مستنيه تلات ايام قولت يمكن يرجع يتصل بيا علشان يشوف في ايه لكن برضوا مش اتصل وقتها قولت اني لازم تسيبه بعتله مسج ان كل شئ بيني و بينه منتهي واني حضرتله كل حاجته و هبعتها لوالده و رده كان عادي جدا من غير حتي ايه السبب بعدها ب 10 ايام كده انا رجعت كلمته لقيته بيتكلم معايا علي اساس اني غلطانه واني ازاي انهي كل حاجة بينا بمسج وابعتله حاجته كمان يعني انا اخدت القرار و ببلغه بيه وانو مش ليه اي قيمه عندي حاولت افهمه اسبابي شاف انها اسباب تافهه جدا ومش تدخل دماغ عيل صغير وانها مش سبب يخليني انهي كل حاجة بينا بالاسلوب ده بمسج يعني وقتها قولت اني فعلا ممكن اكون غلطانه حاووولت اصلح الموضوع كتييير و اصالحه كلمته كتير كان مش بيرد عليا خليت عمي يكلمه علشان يصلح الموضوع رفض ان الموضوع يتصلح بعتله مسجات كتيييييييير كان مش بيرضي يشوفها ولا يفتحها اصلا وعدي شهووووووور كتير 8 شهور دلوقتي انا حاولت تقريبا بكل الطرق اصلح الموضوع معادا اني اقابله لانه مسااافر ف الخارج ومن وقتها مش رجع مصر اناا فعلاااا غلطانه اني سبته ولا كان صح لازم اسيبه بجد مش فاهمه حاجه وانو لو كان بيحبني بجد كان هيرجع ولا كرامته منعاه هو بيقولي ان انا مش لعبه ب ايدك تسبيني و ترجعيني براحتك وان دي مش اول مره اسيبه انا قوتلهاله مرتين قبلها بس كانت ليها اسبابها يعني مش لوحدي كده دلوقتي انا غلطانه اني سبته ولا لا وهو فعلا المفروض مش يرجع ولا لو كان بيحبني كان هيرجع ؟؟؟؟؟؟؟
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا ابنتي وارى انك لحوحة وتركضين وراءه لاهثة وكانه مقطوع وصفه وانك كنت لا سمح الله فيك مشكلة ويا دوب صدقتي وشفتيه وتقدم لك وحتى بعد ما ارسلت له اغراضه وان الامر انتهى بقيت تركضين وتركضين ومصرة على البهدلة واهانة نفسك وكرامتك واهانة ابوك وكل العائلة معك، انت ارسلت له ان الامر انتهى وفسخت الخطوبة وارجعت اغراضه لماذا اذا هذه الاتصالات؟؟ انتهى الأمر ونقطة على السطر، اعملي له حظر وتابعي حياتك فهي لم تتوقف عنده ولكن تعلمي درس ان يكون لك كرامة وتكوني ثقيلة ويكون لنفسك قيمة وتلعمي انه لا فائدة من ان تنتظري 3 ساعات في الخارج او على باب المستشفى ولا تدخلي ولا تتكلمي، فكل هذه تصرفات خطأ، كوني اكثر وعي وادراك لتصرفاتك والحب لا يكون هكذا ، وهو لا شك لا يريدك او عنده امر ما او مشكلة، وفي كل الاحوال الامر انتهى فتابعي حياتك ولا تبقي عالقة هناك، وربي يرزقك نصيب افضل منه.
animate
  • صورة علم
    صورة علم
    مجهول
    والله الانسان في الغربة يكون حالته مختلفة ،انت لا تعرفين ظروف الشباب ، من ظروف عمل أو ظروف معيشه أو غيره من الأشياء ، وصدقيني كل هذا يحبط الشاب ويتعبه فلا تكوني انت والزمان ضده
  • صورة علم
    صورة علم
    مجهول
    أختي الرجل له كرامة ، وبالطبع ابتعد بسبب كرامته ، حاولي أن تتواصلي معه ان كرامته هي ما تمنعه من أجل ذلك
  • صورة علم
    صورة علم
    مجهول
    أنا أعرف شيئاً واحدا يا عزيزتي ه هو أنه اذا كان يحبك لم يستطيع ان يبتعد عنك ، لا تقبلي بمستوى أقل من هذا في الحب ، وان لم تشعري بالراحة فإبتعدي
  • صورة علم
    صورة علم
    مجهول
    لو كان بحبك كان تحدى كل شيء لأجلك لكن الظاهر لا يحبك .
  • صورة علم
    صورة علم
    مجهول
    الظاهر انه هو شخصية مغرورة ولا يحبك .
صورة علم United States
أضف إجابتك على السؤال هنا