صورة علم Jordan
من مجهول
منذ سنتان 12 إجابات
1 0 0 1

فاقد الشيء لا يعطيه فكيف سأتزوج وأصبح أم!

مرحبا انا بنت من عائله مفككه بابا متزوج وعنده ولاده وامي نفس الشي ... وصرلي تقريبا سبع سنوات بسكن عند ستي وسيدي ... المهم انا بنت منحوسه كتير لانه بابا وأقارب على طول بحكولي هيك انه انا عقاب من الله لاي حدا سيء ... لانه متل ما همه بحكموا علي اني بليده ولا مباليه ومعقده ومصيبه لأي حدا بيعرفني او مكتوبله يعرفني وع هاد الأساس إنزرعت في الشك والوحده وكتير شغلات وأهمهم ( إني انا مجرد عقاب لأي حدا سيء بالكون / والله ما بيخلي في طريقي إلا السيئين ) وهاد تأكد لالي من تجارب كثير ... ومن فترة قريبه وانا بالشغل ظل يتردد واحد على مكان عملي وانا كتير بشوفو من لما أبلش شفتات شغلي لحتى أطلع وهو براقب في وسأل عني كتير متل ما حكتلي والدته وعاجبته شخصيتي ومن هالحكي ... أنا لما شفت انه كتير لحوح وبده ادخل معه هالعلاقه يلي اسمها حب إنبسطت ع الموضوع لانه راح اقطع وقت واتسلى متل ما كتير من الشباب بيعملوا هيك وألاقي حدا يتزكر عيد ميلادي يسألني عن شغلي يمليلي فراغي بخاف علي بيطمن علي ... حنون علي بعصب من لبسي وهيك شغلات ( هاد الحكي قبل ليعرفني على امه ) ولما طلب مني الإرتباط وكنت قبل اطلب منه هاد الشيء لحتى يزعل ويبعد لاني مليت من الحكي معه ومن الروتين تبعه وبعرف انه الشباب بيزعلوا من هاي المواضيع ... فعرفني ع امه ... وبعدين صرت إطاوش معه ع أتفه الأسباب ... وغيرت اوقات دوامي واي شي بعصب منه صرت بعمله بس حتى يبعد عني لأن صراحة من سابع المستحيلات اني أشوف حالي زوجه وام لأبناء انا نفسي انحرمت من أشياء وأكيد فاقد الشيء لا يعطيه ... وحكتله هاد الشيء وهو لهلا مصر يا أوافق ع طلبه يا إما بروح ع بابا ويحكيلوا كل شيء ... وكمان راح يظل مثل خيالي ومش راح يسمح لحدا يتقرب مني ... يعني انا جد وقعت في مشكله ... بدي أخلص منه شو الحل 😦