ماذا أفعل بعد أن خنت زوجي؟

السلام عليكم من فضلكم من غير تجريح فيا انا تعبانه اوي ونفسيتي بتدمير وبدأت احس ان في طريقي للموت  انا متجوزة وعندي ولد ٤ سنين وبنت ٧ سنين وتعليمي عالي وبشتغل وجوزي تعليم عالي وبيشتغل وحياتنا مستقرة من ٧ سنين للاسف انا عملت ذنب وخونت جوزي ولكن ربنا ستر عليا وندمت وزعمت ع التوبة واعترفتله وهو سامحني

لكن الثقة تعبت علي مابدات ابنيها من تاني ولكن يمكن نجحت ويمكن وهو كمان كان بيخوني ومكنتش اعرف لكن اعترفلي فيما بعد وأنه برده تاب وفضلت وقت طويل اوي بعيد عن اي قرف لحد ماجه وقت فجأة علاقتنا ببعض حصل فيها فتور وبقي يشدني للأفلام إباحية واحدة ورا واحدة كنت برفض تماما واحس بالندم لحد ما وقعت فيها وجرت تخيلات ووو والفترة دي اتقرب مني شخص في شغلي معرفش ازاي اتسلل لقلبي وللاسف ضعفت وقربت منه وحسيت معاه اني بني ادمة ليها حق تتحب زي ماهي مش لافلام ولا لا ولكن انا عارفة انها مشاعر مزيفة ومتزينه لكن طالت المدة مبينا كان هو كل فترة وفترة يبعد نفسه ويقرب هو كان اعزب وعارف قصتي لكن فجأة حاله سفر شغل وسافر وقبل مايسافر كان بيقولي انا معاكي وكلميني لو احتاجتيني ف اي وقت ولكن ف يوم من الأيام كانت نفسيتي متدهورة واتكلمت معه بأسلوب جاف ولأنه بعد فجأة وسابني لدماغي ولنفسي ولكن حصل مشادة مبينا وجرح ف الكلام وانتهت اني قررت البعد تماما

الفترة دي وهو موجود كنت عملت عمره وكنت ناوية لما ارجع ابعد عنه لأنه خيانه وكنت قررت ده هو للاسف لما رجعت اضعفني ورجعني ليه مع أن كنت بدعي اني مضعفش قصاده تاني ولكن للاسف ضعفت وضاعت عمرتي وبعدها سافر وكنت ادعي لزوجي أنه يهديه ونعيش فى استقرار لكن كل حاجه رجعت زي الاول واوحش زوجي فضل مصمم ع القرف ده كل فترة وفترة وكنت ببكي واقول ابعدني عن القرف ده الله يخليك مش عاوزاه ولكن كل فترة وفترة يرجعني ليها فترة طلبت الانفصال بسبب اني مبقتش شيفاه راجل ولكن يشاء القدر نكمل وقعت في خيانه تاني وتالت وبعت رسالة للشخص اللي سافر انه يحاول يساعدني أو يتكلم معايا ولو مجرد مرة يفوقني أو مناجاة ولكن جرحني بكلامه اووي وقال انه علاقتنا حرام وكلام كتير اوي بالرغم أنه هو اللي اتسلل لحياتي بالتدريج وهو السبب ف العودة للذنب معاه من بعد العمره هو وجوزي

انا انسانه ضعيفة اوي نفسيا انا مبقتش عارفة اعمل اي انا موجوعة اوي من نفسي وكارهه حياتي ومش عارفة ارجع لربنا زي ماكنت برجع مش عارفة اقرب لربنا كل مااقرب اللاقي حاجه ترجعني انا تعبانه اوي وقرفانه من نفسي اوي انا مش عارفة اعمل اي يستغرب نفسي ازاي عملت كل ده وانا بصلي النوافل وبقرا كل يوم سورة البقرة واذكار ازاي كل ده مقدرش يمنعني أن معملش القرف ده كله انا فيا اي ؟؟؟؟ ارجوكم ساعدوني انا بنهار وبكيت كثيرا ولكن دموعي عمرها ماهتغسلني انا ليه بعمل كل ده ليه انا اي ؟؟؟