زوجي يغيب عني كثير فنظرت لرجل آخر

السلام عليكم انا وحدة متزوجة من 10 سنين وبحب زوجي جدا بحكم اني أتغربت معاه من سن صغيرة ومعاملتو معاي مرة كويسة بس زوجي دوامو مرة طويل 12 ساعة فبظطر اني كل مقاضي البيت انا اللي بقضيها ولما كنت بروح السوبر ماركت كان في واحد مرة عاجبني شكلا طويل واسمر وشعرو ابيض يعني في الأربعينات مع العلم انا الحين 28 سنة وكان هو كمان يبادلني نظرات اعجات لدرجة صرت لما اشوفو يصير قلبي يدق مرة سريع وأحيانا برجف وأدمنت الروحة للسوبر ماركت بس عشان اشوفو واستمر الموضوع دا 3 سنين نظرات متبادلة وأحيانا يطنشني مرة سمعني أتكلم مع صحبتي في التلفون طبعا انا متعمدة قدامو عشان اجلب انتباهو فأنا خارجة نادا باسم صحبتي عشان يبينلي انو سمعني ومن يومها وتيرة النظرات زادت الين يوم كنت تعبانة وما رحت دوام و رحت السوبر ماركت و كلمت منها سواق اللي يوديني الشغل ونسيت جوالي فحصلو جوالي ودقو على السواق جا شال الجوال وطبعا كان فيه صورتي كاشفة شعري مع العلم انا من بيئة منفتحة وهو جدا محافظ من اامملكةودقو على السواق وجاء خد جوالي وإداه لسواق تاني يعرف زوجي وراح الجوال على زوجي ورجعت انا السوبر ماركت ادور تلفوني وهو واقف فطنشتو عشان كنت مرتبكة وعشان ما اطيح في الحرام  وتكلمت مع واحد يشتغل معاه وأخدت جوالو الخاص ودقيت رقمي واديتو يتصل عليه ورد عليه زوجي بس وبعدين اتصلت على الولد واتشكرتو انو ساعدني من يومها والتأني اللي المفروض انو بيننا حب وأعجآب ساحب علي ماعاد يعبر ني كل ما يشوفني ينزل رأس أو يتجاهلني أو يشرد قلقتني معاملته الموضوع ليه سنتين بس ماني قادرا اتعدا الموضوع مرة جرحني مرة مرةمع اني حبيتو كثير ماني فاهمة ليش اتغير صرت اقول يمكن متهيالي ما كان يحبني ارجوكم أحد يفيدني من غير تجريح لانو والله العظيم انو غصبا عني الحب وماني قادرة اتعدا جرحو ليا بس ابغا أفهم هو من جد حبني ولا كان بس وهم.الين الحين أفكر فيه بردو غضبا عني . اللهم لا تاخدني بما لا املك .