صورة علم Syrian Arab Republic
من مجهول
منذ شهران 20 إجابات
0 0 0 0

مشكلتي مع زوجي أنه وسيم

انا متزوجة من شاب وسيم كتيررر وفيه كل الصفات اللي بتحلم فيها أي بنت (وهي هيي مشكلتي إنه حلم أي بنت) والمشكلة الأكبر يا جماعة إنه رغم حبه إلي إلا إنه نسونجي كتير وبيتطلع بالنسوان ووين ما منكون لازم نرجع على البيت متخانقين بسبب إن البنات بيتطلعو فيه وفي منهم بيوصلو لدرجة يغازلوه وأنا معو تخيلووو!!! والمشكلة إنه هو بينبسط بهالشي. أوقات بندم أني تزوجت شب بهالوسامة والمشكلة الأكبر إني اكتشفت إنو عم يسهر مع نسوان وعندو علاقات ولما واجهتو وصارحتو صار يقلي هي مجرد نزوات وعلاقات عابرة أما إنتي الأساس وإنتي الحب الحقيقي ومرة زعلت وتركت البيت لما سمعتو عم يحكي مع وحدة، واللي خلاني ارجع هو حبو إلي، اجا راضاني ورجعني على البيت معززة مكرمة وقلي البيت ما حلو بلاكي ووعدني يبطل هالشغلات وظبط وضعو فترة قليلة ورجع لعادتو من جديد ولما طلبت الطلاق منو صار يترجاني سامحو ووعدني إنها آخر مرة، ورجعت من فترة شكيت بأمرو مرة تانية قمت راقبتو وطلع شكي بمحلو قمت صرت قلو طلقني وتزوجها قلي لك كيف بدي طلقك واتزوج وحدة فلتانة، حدا بيبدل غزلانو بقرود؟ (يعني بذمتكم هادا انسان طبيعي؟) ومرة مرضت ودخلت المشفى بقي جنبي وصار يبكي من خوفو عليي ووعدني إنه يمشي متل ما بدي ولما شفيت وطلعت تفاجئت إنو متعرف على الممرضة ومعو رقمها (يعني بذمتكم هادا إنسان طبيعي؟) صار يقول إنه أخد رقمها منشاني أنا لو لزمني شي يسألها بس خلص ما بوثق فيه أبداً، كل ما بيروح محل بضل على أعصابي والمشكلة إنو هلأ بدو اياني احمل وطاااير عقلو إنو حيصير أب بس أنا ما مبسوطة لأني ما بعرف إذا راح كمل معو أو لأ (وهو بصراحة مانو حدا خبيث بالعكس هو حدا كتير طيوب وحنون وكريم وبيعاملني باحترام وكل طلباتي أوامر وحتى أهلو ناس صعبين شوي وبيتسلطو على كل كناينهم إلا أنا لأنه حاططلهم حد وفارض عليهم احترامي، بس عندو هالسوسة رح يجلطني، واللي مصبرني أكتر هو حبي إلو بعشقو وبموت فيه)