سيطر علي مشاعري وجعلني أفكر بطلاق زوجي

عمري أربعين سنة وتزوجت من ثماني سنوات زواج أهل زوجي يعتبر إنسان محترم بس كتير ايدو ماسكة وبخاف على القرش بس العلاقة بيني وبينو ابدا ما في حب وبصراحة ما كان فارقة معي لأن ما عندو علاقات وطلعات وفوتات لأن كتير بيحسبها ومن جهة تانية أنا انسانة عندي طموح وبدرس وبطور حالي على طول وعندي طفلين أغلى شي بالدنيا المشكلة هي أني بتعامل مع رجال بشكل دائم وعادي الأمر ما عندي مشاكل بس من شهر اتعرفت على واحد من شان نعمل برامج محاسبية وشغل محاسبة وبدأت قصة حب اصلا ما بعرف كيف بدأت وطلب مني أنو يشوفني بالبيت عندي بس ما قدرت وخفت وكنت ادعو ربي أنو يحفظني ويحميني حتى من نفسي بس بشكل لا يوصف تعلقت فيه وحبيتو بشكل كبير بس هو ادايق لأن وعتو كذا مرة أنو نجتمع وبعدين غير رأي لأني كنت خاف كتير ولما قلتلو أنو الله منعنا لأن بحبنا عصب علي وقال خلص ما عاد بدي احكي معك أنت انسانة متزوجة وتركني وعملي حظر على كل مواقع التواصل وكل يوم وأنا عم ابكي حاولت ارجع مع زوجي عادي وطلبت منو بشكل صريح أنو يحاكيني حكي حلو ويجبلي ورد أحمر بس كتير زوجي مطنشني مع إني متل الفراشة بالبيت وبحب الضحك والفرفشةكيف فيني سيطر على حالي ومشاعري وانساه مع العلم كنت ناوية طلق زوجي من شانو ولا تستغربي قول أنو خلال شهر خلاني اخد قرار طلق زوجي لأنو عيشني مشاعر كانت ميتة عندي وأحلى وقت كان لما احكي معو