اكتشفت أن زوجتي تزوجت غيري سرًا فماذا أفعل؟

السلام عليكم، اكتشفت أن زوجتي تزوجت غيري سرًا فماذا أفعل؟ بغيت نطلب المساعدة فهاد المشكل. أنا متزوج من 3 سنين وعندي بنت وحدة. فآخر عام بديت نلاحظ تبدل فتصرفات مرتي، ديما مشغولة بالتلفون وما بقاتش مهتمة بيا، وكتتهرب من العلاقة بيناتنا، وولات كتخلق المشاكل على والو

حتى تفاجأت نهار رجعت من الخدمة لقيتها مسافرة لبلادها فالمغرب وما كتردش على التليفون ولا على المساجات، وأهلها كيقولوا راه غير معصبة وخليها حتى تهدأ

من بعد 9 شهور رجعات لعندي ففرنسا ورجعات العلاقة بيناتنا مزيانة. ولكن بالصدفة خديت تلفونها من عند بنتي الصغيرة وحليت المساجات والإيميل، وكانت الصدمة. لقيت بأنها ملي كانت فالمغرب كانت كتحب واحد تعرفات عليه فالفيسبوك واتفقوا يتزوجوا، وفعلا تزوجات بيه، وكاينين بزاف ديال التصاور ديالهم بجوج

تصددمت بزاف وواجهتها باللي شفت، وبكات واعترفات وقالت بلي ضحك عليها، ومن بعد الزواج بدا كيستغلها فالمادة وكيطلب منها الفلوس ديما، وملي حبسات تصيفط ليه الفلوس طلقها ورجعات لعندي

دابا كتقول نادمة بزاف وكتبكي وكتطلب مني نعطيها فرصة. أنا حاس الدنيا سودات قدامي وما عارف اش ندير، حيث كنحبها بزاف وما نقدرش نعيش بلا بيها