ابنتي تكره والدها بعد أن اكتشفت خيانته لي

السلام عليكم ورحمة الله، ابنتي تكره والدها بعد أن اكتشفت خيانته لي، بنتي تغيرت معاملتها مع أبوها، عمرها 12 سنة، ما صارت تجلس معه ولا تسلم عليه، وأبوها يشتكي علي، يقول: وش فيها متغيرة؟ ما تسلم، وأنا أنصح بنتي، ما في فائدة، آخر شيء قلت: إذا ما راح تكلمين أبوك، لا عاد تكلميني أنا

أخيرًا لما جاءت تروح المدرسة وجيت أستودعها الله عند الباب، قالت: ماما اقري الملاحظة بجوالك انصدمت، كاتبة: (ماما، أنا ما أكلم بابا عشاني شفته يكلم بنت، وما قدرت أقولك، وكل ما أشوفه أحس إني حقيرة إني خبيت عنك هذا، صرت أكرهه مقدر أشوف وجهه)

وبعد ما جاءت بنتي من المدرسة، كلمتها وقلت يمكن غلطانة، يمكن صديقة قالت: لا متأكدة، ومو أول مرة، كشفته مرتين، وكلمته إني عرفت، ووعدني ما يكررها، وعادها، وأنا ما قدرت أتحمل وعلمتك

ورحت لزوجي وقرأت رسالة بنته وقال: متى؟ وقلت له كل الكلام اللي قالته بنته، وقال: آخر مرة، وسامحيني، الحين لي يومين أنا وبنتي ما نكلمه إلا للضرورة، الحين وش الحل؟ كيف نتعامل؟ مرتين يعتذر ويقول أوعدك ما تتكرر، بس أنا ماني طايقة أشوف وجهه، أنا ما أبي أنطلق، بس أبغى أسوي شي ما عاد يكررها، دلوني تكفون، هو طيب ويصلي وبيتوتي، ما يطلع من البيت، عشان كذا مصدومة