أفكر بهجر زوجي حتى يهتم بي لكني خائفة أن ينقلب ضدي

من فترة حكيتلكن عن زوجي انو خاني عالنت مع أمرأة من غير دولتنا وانا واجهتو بالحقيقة و من يومها وعدني ماعد في فيس بوك. مع العلم انو حارمني كل مواقع التواصل وانا ماعندي مشكلة بالعكس مرتاحة والاه بس ليوم اكتشفت انو عندو ٤حسابات فيس ومن خلال البحث فيهن اكتشفت انو عم يدور على المرأة نفسها مع انها متزوجة وعندها طفل وبنت مابعرف ليش هيك عم يعمل فيني. بيجي عالبيت كأنو مو شايفني ومابيتذكرني الا وقت بسطو والكلام الحلو لبنات النت وانا بيعاملني كأني مجرد ام ولاده ولوقت بسطه والله بكيت لشبعت وانا حامل و ام لطفلين صارت س٣ بليل ومانمت لسه من حزني صارحتو و واجهتو انو انا اكتشفت كل شي قام ما جاوبني بشي ودار ضهرو ونام وقلي تعالي نامي. قلتلو مابدي نام واذا انا مقصرة معك بشي طلقني وريحني انا مابدي ضل عايشة بالخيانة تبعك واذا في حدا بحياتك احكيلي والله مابزعل بس ريحني من هالعذاب انا حرمة حامل ونفسيتي وهرموناتي متغيرة عالحمل وهو ما اهتم لوجعي ولاجاوب شي قلتلو انا ماعد اكل شي واذا بيصرلي شي بيكون بسببك. وكل هالشي كان ماسك جوالو ولا اهتم وصار يقلي تعالي نامي. مع العلم انا مو مقصرة معو بشي وبحبو كتير وزايدة محبتي الو عالحمل واهتمامي وحناني عليه ومافيني اطلق لأني حامل يعني مابينرمى اليمن علي لأولد. واهلي مو ناقصهن لأنن خسرو ٣ اخوات شباب الي وانا مابدي ازيدها عليهن. بشو بتنصحوني انا عم افكر اهجر زوجي بالفراش وداخل المنزل ليحس بيقيمتي. مالقيت غير هالحل. بس كمان خايفة يقلب ضدي هالشي. حدا يعتبرني اخته او بنته وينصحني بدون تجريح مشاعر.