صديقتي سبب عقدتي

دايم احس ان الناس تجاملني و انها تبتسم بوجهي بس من وراي تكرهني رغم اني انسانة مو مؤذية و لا تتعمد ايذاء احد ابدا ، و لا تتعمد السخرية من احد بس هذا كان شعوري من سنتين ، صديقاتي اذا انتقدوني على تصرف عطول يجي ببالي ايه لاني انسانة غثيثة ، لاني انسانة مملة و نشبة و الكل يتحملني و ما يقدر يقولها بوجهي ، لاني غاصبتهم علي ، السبب كان مشكلة مع صديقة قبل سنتين و قالت لي انها تجاملني و غيره و انا من وقتها تعقدت رغم انها اعتذرت و قالت ان الكلام كان مقصده غير و ورتن اسبابها و اقتنعت في اسبابها بس احيانا افكر و اقول يمكن هي سوت كذا شفقة علي لاني درامية ، اكيد انا درامية ، ايه لاني انسانة مو محبوبة ، رغم ان بنات فصلي كلهم يحبوني و يقعدون معاي لكن هالعقدة ما تروح عن بالي ، تتعبني و يتعبني التفكير فيها و قد ما احاول ما افكر في هالموضوع الاقي نفسي افكر فيه ...