صورة علم Saudi Arabia
من مجهول
منذ سنة 82 إجابات
2 0 0 2

هكذا يتصرف زوجي معي بعد أن يتناول حبوب الكبتاجون

السلام عليكم ورحمه الله وبركاته،، انا متزوجة من ٦سنواات واخذته بعلاقة حب غير طبيعية ومن يوم ماتزوجت كان يشك ومايثق فيني ولا حتى يصدقني بالرغم من حبه الكبير لي وكنت دايم اقول اكيد يغار علي عشان كذا كنت اعذره كثير وكان شخص غير سوي وكنت من حبي له اقول مسحور أو محسود لان كانوا يخطبوني كثير بس كنت أرفض حتى قبل استخيىر المهم كنت اعذره وكان يكذب كثير ويألف قصص ويصدقها ماكنا متفاهمين ولا حسيت باستقرار لو فترة بسيطة جبت ثلاث عيال كان فبالي أنهم حل وراح ننشغل فيهم وبعد ثالث سنة تقريبا اكتشفت أنه يأخذ حبوب كبتاجون وعرفت كل اللي كان فينا وارتحت لاني عرفت السبب بس كنت مضحية واقول بكرة يعقل ،، في يوم من الايام كنت لابسه فستان وقلي هذا ما اشتريته وحصلت مشكلة مرة كبيرة وقال اعترفي لاذبحك بالسكين المهم هديته وعرفت أنه يبغى اي سالفة قلت جاني هدية وخليته لين دخل يتحمم وهربت لشقة أهله فوقنا وبعدها بيوم وداني الفندق انا قلت مبغى ابغى اروح لاهلي رفض ورحت معه ودلعني طول اليوم وجا وقت النوم قال نيمي العيال ونيمتهم وجاني بسكين يقول اعترفي ياخاينة وسرت اجيب قصص من راسي بعدين قلت والله ماسويت شي وسار يخنقني لين شفت الموت بعدين قلت خلاص ابي اعترف هذا واحد من الجماعة هو اللي جاب الفستان وقال خلاص سامحتك بروح اجيب من الصيدلية مكركوم عشان الجروح اللي من السكين قلت طيب واول ماطلع قفلت الباب وكلمت اخوي يجيني وكلمت السيكورتي اللي فالاستقبال وهو كلم الشرطة المهم تنازلت عن المشكلة لأنه فالنهاية ولد عمي وابو عيالي وقررت اتطلق ومارضي وجلست شهرين عند اهلي ورجعت له وحياتي خوووووووف ورعب وخيرته بيننا وبين الحبوب وكذاب للحين يستخدمها ورجعت لاهلي شوروا علي وش اسوي ،،