صورة علم United Arab Emirates
من مجهول
منذ 26 يوم 19 إجابات
0 0 0 0

هل أخطأت عندما طالبت بحقي؟

مرحبا.. حابه اطرح مشكلتي بصراحه مدايقني الموقف الي، صار معي وبدي اشوف ازا انا غلطانه... انا زوجي مآ بشتغل ووانا بشتغل بالبيت مربيه أطفال ومحتاجه كل قرش ت اصرف ع أطفالي وأجرى البيت وعلومكم المصاريف الباقيه.... المهم اتاخرت ام طفل بسداد الفلوس وخبرتني رح تجيبهم بعد يومين.. وانا حكيت مو مشكله بستنا هاليومين.. بعد مآ مرقو اليومين رنيت عليها وحكتلي بكرا ببعتلك اياهم... اجا بكرا ووبعدو وما بعتتهم.. المهم رنيت عليها خمس مرات مآ ردت وبعتله ع الوتس تقرأ وما ترد..


وبعد اربع او خمس ساعات ترد تبعتلي ييي نسيتك بكرا ببعتلك اياهم.. المشكله المبلغ اقل من التافه وانا بنسبه الي هالمبلغ فكه زنقه وحليب ل طفلي واكل للتاني... المهم كانت كتيير مستهتره بالموضوع لانو مبلغ ١٥٠ درهم... المهم بعد اسبوع وشوي بعتلها مسج ع الوتس اب انو انتي ع اي اساس بتعطي وعود وما بتوفيها.. ازا المبلغ عندك تافه عندي شي، كبير... المهم ردت علي بتحكيلي انا مآ شفت وحده بتطالب بمبلغ تافه زي هيك متلك عيب عليكي تعملي هيك تصرفات مش مستاهله كل هالركاض.. وعملتي بلوك... رحت رديت عليها بمسج انو المبلغ تافه عندك بس فكه زنقه الي.. وما ردت تاني يوم بعتتلي بتحكيلي بدك اياهم تعي خديهم وانا عشان مضطره رحت جبتهم.. حسيت بكسره انو انا مآ قصرت ب أطفالها وشلتهم ع راسي والوقت الي هي كانت مشغوله وما تهتم فيهم انا كنت اكتر من ام وهي تتأخر ت تيجي توخديهم بالساعات وعادي مآ احكي بلعكس اوريها اني مقدره... واخدتهم.. المهم حسيت ابصر... هل تصرفي غلط اني ضليت اطالب فيهم... ولا هي صح انو انا اتصربعت ع الفلوس، بيهمني رايكم

أضف إجابتك

صورة علم United States
السؤال التالي