ما تفسير حلم القطار في المنام

هو حلم و كنت ارجو تفسيره حلمت اني كنت على روحت مستعجلة على محطة قطار الاسكندرية عشان اركب القطار متجه إلى بورسعيد عشان كنت مسافرة الزقازيق و هي من ضمن المحطات اللي بيقف فيها القطار و بعدين لما و صلتي المحطة كان في قطار و صل ركبت فيه و بعدين اكتشفت بعد ما وقف في المحطة الأولى و مشي انه مش القطار المتجه إلى بورسعيد و اني ركبت القطار الخطأ و جيت عند المحطة التانية عشان أنزل و قلت أخد وسيلة مواصلات لاسكندرية و بعدين اركب مواصلات للزقازيق و لكن لقيت واحدة موقفاني و قالت لي انت نزلة ليه فقولتلها اني ركبت القطار الخطأ و لازم أنزل بس هي مصدقتش و مسكتني جامد وقالتلي مركبتيش قطار غلط و لا حاجة و بعدها القطار مشى و بعدين شكيت في نفسي فسألت واحدة تانية عشان اتأكد فقالتلي انه فعلا القطار ده مش رايح بورسعيد فقررت اني أنزل في المحطة الجاية و فعلا نزلت و كانت محطة دمنهور و كنا العصر و اخدت مواصلات منها لاسكندرية و من اسكندرية للزقازيق و وصلت الزقازيق متأخر حوالي الساعة 10 ليلا فلو أمكن تفسرولي الحلم علما بأن حالتي دلوقتي مريضة و ابحث عن عمل في وظيفة أحبها