حلمت أننا في غرفة نومنا وكل أخواني فيها ومستعدين للنوم

حلمت ان في غرفة نومنا اللي في بيت اهلي و كل اخواني فيه الا اختي الكبيرة و كنا كلنا مستعدين للنوم و كل واحد نايم بمكان اللي في الارض و اللي في السرير و محوسين الغرفة بالبطانيات و شوي اختي اللي اصغر مني كسرت بالغلط طقم فناجيل قهوة انو كان تحت و ما دريت عنه و دقته برجولها و انكسر و انتشر على كل الغرفة صارت الغرفة مليانة قزاز مفتفت و في قطع صغيرة كلنا صرنا بربكة و القزاز جاء على اماكن متفرقة من اجسامنا بس و لا شيء دخل جوا اجسامنا بس على سطح الجلد و احنا كنا ننفض نفسنا و نشيل شوي شوي و خايفين على اخوي الصغير و نبي نحاول نخرجه من الغرفة ابوي و اختي الكبيرة كانوا يحاولوا يساعدونا يجيبوا لنا مسحة معقم و بعض الاشياء بس كانت اختي الكبيرة كأنها متضجرة و بس و انا احاول اشيل القزاز من جسمي دخلت في باطن يدي اليمنى قطعتين زجاجة و كانت مؤلمة صرت ابكي ابكي من قلبي و يصب دم مو قليل منها و اخوي يقولي خلاص بسيطة دحين اشيلها و نزعها مني و انا ابكي مرا قمت من النوم و انا اتألم ، هذه الفترة احس اني تعبانة نفسياً و حاسة اني مهزومة بسبب اني ما قدرت احقق الهدف اللي كنت اسعى له ، حتى علاقتي بربي تغيرت كثير عن قبل ، دحين كل اللي اسويه بس اني احافظ على الواجبات و الفروض حتى صلاة الليل صارت صعبة عليا بعد ما كنت اصليها حتى لو كنت مريضة