حلمت بخبر وفاة زوجي

add_commentأضف إجابتك

thumb_downلم يعجبني0

حلمت ان جائني من شخص خبر وفاة زوجي بزعل وبنقهر وبتضايق كتير فابقلهون مستحيل ما مات بقللو للشخص يلي خبرني انت متأكد أنكم غسلتوه وكفنتوه ودفنتوه بقللي اي متأكد فابصير بتخيل شكل وجه زوجي بس وجهو وهنن مكفنينو فابقول ياالله شو حالو هلأ تحت اللتراب فابقول مستحيل انا لازم اتأكد اذا مات او لا فبفتح شنطتي الصغيرة لحتى اتأكد فابصير بدور على شيء بشنطتي لحتى اتأكد انو مات مابعرف شو هوي هالشي يلي دورت عليه المهم مابلاقيه فابلاقي بشنطتي دائرة حديد صغيرة مثل الحلقة بس كأنو مفقود جزء صغير من الدائرة . ارجو عدم التفسير اذا كان سيء انا قلقة جدا من احلامي الحلم الثاني :حلمت اني بكون بسيارة مع زوجي وعمي عمي بسوق السيارة وزوجي جالس بالكرسي يلي جنبو مع العلم بالحقيقة انو زوجي وعمي يلي بالحلم اللتنين بالسجن فأنا بكون جالسة بالخلف من جهة اليمين خلف زوجي وابكون معانقتة من الخلف بس مابشوف وجهو وابصير ببوسو من رقبتو وخدو وبكون خالع بلوزتو بشوف بطنو بكون زعلانة بيقلولي محمد يلي هوي زوجي رح يموت وبكون عمي عم ينتظر زوجتو لتطلع من المدرسة فابتطلع وابتمشي فمنقللو زمرلها بالسيارة لحتى تشوفك لأنو ماشافتك مانتبهت ف بيمشي عمي بالسيارة جنبها فابناديلها فبتناظر وراها وبتشوف عمي وابتتفاجأ ملاحظة: انا كنت قبل ما انام واحلم بهالحلم كنت عم فكر بزوجي لأني حلمت قبل هاد الحلم انو بزور جدتي المتوفية بالمستشفى وكانت تعبانة كتير جبت الكرسي وقعدت جنبها وقلت ليش الجو حر هون عندها وضيق نفس ضاق نفسي بس ماحكت ولا كلمة بس اشرت بإيدها عالمكيف اللسبلت يلي مواجه السرير يلي متسطحة عليه انو حامي وانو حر من المكيف وداق نفسها منو فابيقلولي هي حالتها ميؤوس منها حتموت فبسمعها من ورايي عم تقول جملتها يلي قالتها وقت توفا جدو (خلص نفخها بوجهي لروحو معناتها حموت بعدو ) هاد اعتقاد كان عند جدتي انو اذا الشخص يلي عم يموت لفظ اخر نفس بوجه شخص تاني فبكون هالشخص رح يموت بعدو وبعدها بحس انو نفخت روحها طلع هواء من خلفي فابقول لا مستحيل مو انا بعدها لانو هيي ماتت بعد جدي وبعدها مات عمي وبعدين النفخة ما اجت بوجهي وبعدا بشوف حالي بالبيت مع عائلتنا بس مابتذكر مين كان معنا ومابتذكر شوقلت بالضبط كمان شفت زوجي من الخلف بس ماشفت وجهو وابقول انو حيموت بس مابتذكر انو عالأكيد قلت بالحلم انو زوجي رح يموت وخايفة عليه يموت او يصير معو شي سيء لأنو عمي السجين يلي شفتو معو بالمنام هوي السبب بدخول زوجي السجن وقبل ما انام وشوف هالحلماجت جدتي على بالي واتذكرت كيف كنا نقعد سوا ونسهر واترحمت عليها فبعدها نمت وشفت هالحلم امانة اذا كان التفسير سيء ارجو عدم التفسير واذا كان تحذيري فلا مانع من التفسير انا قلقاتة وخايفة كتير من هالاحلام
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • صورة علم Syrian Arab Republic
    صورة علم Syrian Arab Republic
    مجهول
    ملاحظة :انا قبل ماشوف هالاحلام توفى عمي بمرض السرطان فدائما بفكر بالموت ودائما خايفة موت او زوجي وبنتي يموتو كتير بخاف من هالتفكير صار معي وسواس وخوف من هالشي انا بعرف انو اذا شفت شخص مات بالحلم او حيموت اذا كان سجين هالشخص فيدل على فك اسره وطول عمره انا هيك فسرت احلامي بالمعنى الايجابي فهل هاد الشي صحيح لأنو الموت للسجين بالمنام فك اسره مزبوط ؟
صورة علم United States
أضف إجابتك على السؤال هنا