حلمت أن الزجاج انكسر في المنام

حلمت اني بكون بفتح الستاره تبع الشباك بفتحها بقوم بسمع صوت انو الزجاج طق يعني انشعر الزجاج بدو يتكسر فابأكد بالزجاج بلاقي المكان يلي طق منو وطلع الصوت وابلاقي خطوط رفيعه طالعة منو بدو ينكسر فابسكر الستارة وابروح بقعد مع امي ومابحكيلها انو الزجاج رح ينكسر فابقول بنفسي انو هلأ اذا قلتلها بتفكرني انا يلي كسرتو وبكون قاعد معنا شخص مابتذكر مين هالشخص فبتقللي امي قومي شوفي الزجاج طق وحينكسر او لا فابقلها لأمي اي طق الزجاج وانشعر ورح ينكسر بس والله انا مادخلني ماقربت عليه لحالو طق وابقول انو هلأ بفكرني الشخص يلي قاعد معنا انو انا يلي طقيتو وخليتو ينشعر ورح ينكسر المقطع الثاني :من الحلم بشوف حالي رجعت عالعماره لبيت اهلي القديم يلي كنت فيه صغيره هوي البيت بالحقيقه دور تاني انا بشوفو انو دور ارضي بكون قال انتقلت من بيتي يلي متزوجه فيه بالحقيقه لبيت اهلي القديم بالحلم بكون بالحلم بيتي اللجديد انا وزوجي فبفتح الباب تبع بيتي وبدخل عليه فبتشوفني جارتي الهندية يلي كانت ساكنه معي بعمارتي بالحقيقه طبعا بتحكي انجليزي بالحقيقة وبالحلم وانا مابفهم عليها شي فابتجي بالحلم بتشوفني بتكون ساكنه قبالي وابتحكي معي انجليزي انا مابفهم عليها فبتعيد كلامها وبتصير بتعملي اشارات بإيدها لأفهم فابتدخل على بيتي لتشوفو وبتذكر انو انا فرشت غرفة نوم بنتي وامرتبتها وامنظفتها قبل ما اطلع من البيت بكون بالحلم صرلي زمان ما اجيت على بيتي وباقي بيتي فيه شي مفروش وفيه شي مو مفروش فبدخل على غرفة نوم بنتي مع الجاره فابتتفاجأ وبتلاقيها حلوة وامرتبه وانظيفه بتندهش فيها بكون فيها تلات أسره تبع اطفال وابكون غاسله تلات لحافات شتويات وناشره كل لحاف على تخت بشكل مرتب ومفرود فابقول هلأ بشيلهون لأطويهون بكونو نشفو وانظاف ريحتهون نظيفه فبكون بالغرفه فيه ألعاب دباديب صغيره على شكل افلام كرتون توم وجيري القطة والفاره وبكونو شوي وسخين فابحملهون للجاره وابتاخدهون بتقللي بالعربي عندي كتير دباديب بس بعطها ياهون وبكون الدبدوب يلي على شكل توم القطه مكان اذنو لزقان من الدبق والوسخ بتحملهون الجاره وابتمشي وبالحقيقه اناجارتي الهندية هندوسية مش مسلمة وكانت كتير وسخه ببيتها عندها فيران وصراصير وبالحلم لما بدخل على بيتي بحس بالأمان وابكون مبسوطه انو رجع صار عندي بيت خاص فيني وابحس بالراحة لما بفرجيها غرفة نوم بنتي مرتبه وانظيفه ارجو اذا كان تفسير حلمي سيء ماتفسرولي ياه متزوجه ولدي طفله شفت تفاصيل بالحلم مابتذكرها بس هاد يلي تذكرتو من الحلم وانا زوجي سجين وبعد مادخل السجن تركت بيتي يلي شفت حالي الحلم انتقلت منو واغراضي بعتها مشان الأجار يعني انخرب بيتي الحمد لله على كل حال وزوجي فيه امل ان شاء الله انو يطلع من السجن وبتمنى انو يطلع زوجي ونرجع لبيتنا بالعماره يلي ساكنين فيها انا هلأ ساكنه عند اهلي ببيتهون اللجديد