حلمت بأن أخو زوجي يقف أمام بيتي

السلام عليكم ورحمة الله وبركاته عندي٣أحلام .. وأرجو تفسير هم جزاكم الله كل خير الأول قبل ثلاث أسابيع تقريبا حلمت باأخو زوجي واقف أمام باب بيتي فاتح له الباب زوجي وزوجي كأنه واقف عند الباب جوا البيت باب بيتنا مواجه لباب الغرفه حقت النوم وأنا قدام باب الغرفه من برى وهو يطالع وأنا جالسه وكأني ارجع على ظهري وبنتي الصغيره عمرها أربع سنوات وثلاث شهور وعشرين يوم واقفه قدامي وكأنها ترفع علي فراش من الأسفنج وأنا ماسكته ويوم شفته يطالع ارفعه قدام وجهي وبعدها راح ورحت لغرفة الجلوس ولقيت أخو زوجي جايب حليب او لبن حاجه زي كذا وبنتي اللي ترفع الفراش علي كابته بالغرفه كأني تضايقت لأنها كابته بس بعدين قلت في نفسي خيره يمكن فيه شيء. متزوجه وعندي ثلاث اطفال والثاني، حلمت أن أمي وأخوي الأوسط جالسين في مكان ماأعرفه وأنا جالسه معاهم وهم يتكلمون جابوا في طاري اخوي الصغير وقالوا الله يرحمه وعرفت من كلامهم أنه مات قمت وبعدت عنهم وجلست أبكي جاء أخوي اللي مع أمي الأوسطوكأنه متضايق وكأنه بيهاوشني وقلت له أنا مادريت ليش ماقلتو لي جاء وجلس جنبي وأخذ راسي وباسه ماني متأكده وحط راسي عليه وجلس يبكي معاي. الحلم الأخير لبنتي بنتي عمرها ست سنوات وعشرشهور حلمت أنهم طلعوا من المدرسه والبصل حقهم قال لباص ثاني ياخذهم أخذهم ووصل البنات لبيوتهم وهي أخذها الصحراء وقالت له خذني لبيتنا وقال ماأعرفه وقالت خذني لبيت فلانه صديقتها وقال ماأعرفه ونزلها في الصحراء وهي تمشي ما وصلت البيت وصحت. وقالته لي وهي خايفه .