حلمت أن مفتاح السيارة كُسر

السلام عليكم حلمت اني في مكان وكان زوجي معاي ووالدتي كان زوجي يدخل غرفة ويسأل كل من في هذي الغرفة عن مكان وكل مرة يتبدل الشخص الموجود بالغرفة واخر شخص تبدل لبنت وكانت جميله فقال لي ماشاء الله هذي جمالها رباني وانا زعلت وعطيته محاضرة في كيف يقول لي وكيف ما يخجل من ان يقول بزوجته ويجرحها ومن هذا الكلام وزعلت بعدها قال تعالي وركبت سيارة وكانت بي ام دبليو اكس 6 قال هذي سيارتش وعطاني المفتاح ولمن جيت بشغلها انكسر المفتاح بس وشلته قلت له شوف ما انكسر داخلها خلاص ما بشغل قال لا تحاتي بخذ لك من الوكالة مفتاح جديد ولا يهمك وبعدين نزلت من السيارة وشفت والدتي وقلت لها وين اخوي الصغير بوريه سيارتي الجديده ولمن درت اشوفها لقيتها ماشاء الله لاحول ولا قوة الا بالله سيارة كبيره جدا وجديده لونها رصاصي وتلمع من كثر ماهي جديدة وشكلها مو مثل السيايير مرة جميله  تقريبا حجمها حجم الباص الكبير وكانت مرة جميله وانتهى الحلم