ما تفسير رؤية الطوفان في الحلم

السلام عليكم اخوتي فالله الله يسعدكم فسرولي الحلم انا جدا خائفة.حلمت اللهم اجعله خير ان كأن مر طوفان او كأن فيضان مر وراح بعدها قلت لناس فالبيت منهم المعروفين ومنهم مجهولين وين بنتي م الكبيرة وانا بالفعل ام لبنتين الكبيرة اسمها م قلت لهم وين م قالو لي ان الفيضان اخذ السيارة لي كانت فيها كانها كانت مع احد من العيلة او المعارف المهم انا خرجت من شباك طابق التاني وماخفت اسقط بس كنت مدعورة ونطيت على شباك اللي تحت وبعدها وصلت الارض وصرت ابكي وادور وادعي يارب بناتي اللهم لا تحرق قلبي على بناتي المهم انا اشفت ناس كتيرة هاجة تدور على اهاليها لي جرفهم الفيضان وبقيت بعدها ادور وادور ورحت لعند الكورنيش واناظر للسماء وشمس واقول يارب لاتحرق قلبي على بناتي يارب وابكي وصوتي احس بيه راح ما اكدر اصرخ.وكل اللي اساله يقولولي مستحيل تلقيها يمكن جرفهم المهم بعد شوي اشوف السيارات خارجين من وسط البحر حق الناس اللي غرقت وانا ابي اروح ادور فيهم واشوف كأن دبابة جاية من وسط البحر بسرعة وعليها بنات صغار وقبل ما توصل شفتزبنتي م الصغيرة مو الكبيرة شفتها طاحت تحت الدبابة والدبابة كانها مرت عليها فالموية المهم ركدت اخدهتها وصرت انفضها وبعد ماشفت وجهها لقيت عينها اليمين بس ابيض مافي سواد ومجروحة فجسدها بسبب الدبابة المهم حطيت يدي على عينها واقول يارب اشفيها يارب محروق قلبي على م الكبيرة والان م الصغيرة يارب وابكي عقلي يبي يخرج من مكانه بعدها رجعت عين بنتي وكانها رجعت روحها واستفاقت وانا رايحة ابي ادور على بنتي م الكبيرة فقت من الحلم لانني كنت ابكي واقول يارب يارب لا تحرمني من بناتي ولا تحرق قلبي عليهم..اخوتي فالله واصحاب الموقع الجميل انا مالي احد بعد الله الا انتو اشتكيلكم واحكيلكم حلمي بالله ابي تفسير انا بعيدة عن بناتي انا متغربة وبناتي ببلدي وبالي معاهم دايما والظروف مو مساعدتني اجيبهم الله يسعدكم ابي تفسير وسامحوني على الاطالة.