حلمت أني عدت لمقاعد الدراسة وكان لدي اختبار

حلمت اليوم فترة الظهر اني رجعت لمقاعد الدراسة وكان عندي اختبارين ولكن كل مادة في مدرسة وفي نفس اليوم بين كل اختبار ساعة فقط وكنت جداً متوترة وما ذاكرت شي أمي قالت بجي معاك عشان الاستاذة مريم مارح ترفض تدخلك الاختبار اذا شافتني لأنها طيبة وهي استاذتك من كنت طفلة في التحفيظ وصلنا المبنى ووقت الاختبار خلص رحت لها في الادارة وشرحت لها عن تأخيري واختباري الثاني قالت تعالي اختبري اهم شي حلي سريع عشان تلحقي عالمدرسة الثانية المشكلة لما استلمت الورقة مو عارفة اجاوب شي وانا في الحقيقة كنت طالبة شاطرة أيام دراستي الواقعية المهم قعدت اقلب في الاوراق واكتب من فهمي قدر المستطاع لأني ماذاكرت اصلا وسلمتها الورقة عشان الحق عالاختبار جيت البس عبايتي مالقيتها وقعدت ابحث كثير ولقيت طرحتي ومعاها عباية قديمة بس مو حقي انا في موقف ماقدر اتاخر قلت البسها وبعدين ارجعها وطلعت ولما وصلت المدرسة الثانية لحقت عالاختبار في نص الوقت وكانت أستاذة المادة اسمها ميمونة كانت تدرسني في المرحلة الابتدائية اعطتني ورقة الاختبار ولكن مكتوبة بخط اليد مو طباعة زي البنات تقول خلصت الاوراق مشيتها وقلت اهم شي اختبر وجيت اقرا الاسئلة وانا متوترة وبرضو مو عارفة احل شي لأني مو مستعدة وشوية ببكي لاني متعودة احصل على الدرجة الكاملة وجت ميمونة تحاول تساعدني وتشرح لي وانا اكتب من فهمي لاني التعبير عندي ممتاز وهي مادة دين اعتقد فقه مع تاريخ انتهى الحلم "ملاحظة كل اختبار كانوا معايا زميلات الدراسة من مراحل مختلفة وكانوا يقولوا ايش لك بالتعب تدرسي في مدرستين وفي النهاية ماتنجحي " ٢٩ سنة عزباء جامعية معلمة