حلمت أن عندي محار وفيه لؤلؤ ووضعتهم كلهم في صندوق

السلام عليكم طبعا صار لي فتره طويله ما حلمت وبالذات حلم حلو اساسا ما اتذكر ان ف في حياتي حلمت بشي حلو صار تقريبا اسبوع وايد متضايقه ومهمومه ولا اقدر ارقد الا بصعوبه و ايامي والله تمر بثقل علي المهم حلمت حلم امس وخلاني استانس فالحلم وحتى لما قعدت وتذكرت الحلم وايد استانست حلمت ان انا كان عندي محار او شي نفس المحار و فيه لولو وكان فيه كميه وكل محاره افتحها يكون فيها لولو ولامحاره فتحتها خاليه كلهم كان فيهم لولو حتى فالحلم كنت مستغربه ان ليش ولا وحده خاليه بس كنت فرحانه وايد وبعدين يمعت اللولو كلهم في صندوق صغير والصندوق من داخل تحت اللولو كان احمر بس اللولو اول ماكنت اطلعهم من المحار كان لونهم غريب مايل حق اللون الرصاصي على لمعه بس كان وايد حلو وغريب اللون وكلهم نفس الشي فالبدايه اول ما اطلعهم لونهم جذي وعقب يتغير لونهم يصير لؤلؤي نفس لون اللولو الطبيعي ف يمعت كميه متوسطه وحطيتهم فالصندوق لصغير وكان احجامهم متفاوت في احجام وايد عوده واحجام متوسطه و احجام صغيره وفي احجام وااايد صغيره ورحت محل يبيع اللولو بس ماخذيت معاي الصندوق عشان استفسر عن سعر اللولو وعقب ماعرفت الاسعار وديت الصندوق المحل والعامل اللي يشتغل انبهر باللولو ويسال من وين حصلتيه وجذي وبس انتهى الحلم طبعت حتى انا فالحلم نفس العامل كنت فرحانه وايد و منبهره بالانجاز ان انا حصلت لولو بهالعدد وباحجام مختلفه وبس والله