صورة علم Saudi Arabia
من مجهول
منذ 7 شهور 11 إجابات
0 0 0 0

كيف ألفت نظر هذا الشاب وأجعله يبادر لخطبتي؟

عمري ٢٤ سنة، و قال لي عمي على رفيقه إنه كتير مواقفه رجولية وخلوق ورح يقله عليي لأنه بيعرف إنه عم يدوّر على عروس.... خرجنا للبحر وشفت اهله و شافوني و شفت الشاب وانا ملتزمة كتير و ما حكينا و صرت أتمشى مع أخته و بنت عمي، و وقتها عمي عرض عليه الموضوع و قله حكيت عنك لبنت اخي بس قله الشاب انا ما عم فكر حالياً بالخطبة، ف صار اخوه يقله اخطبها و المهر بيكون خلال سنة فجاوبه الشب إنه عندي التزامات كتيرة، عجبت أهله و ما بعرف اذا عجبته ولا لا و شفنا بعض ٣ مرات بس ما صارت نظرات متبادلة،،،،، زعلت كتير لأنو قال ماعم فكر بالموضوع، و امه و ابوه صاروا يناقشوني بكتير مواضيع و أعجبوا بأخلاقي و تفكيري وحيائي، و هم بدهم ياني عروس لابنهم بس ابنهم ماعم يفكر هلأ بالارتباط... بكرة رايحين على حديقة معه و مع أهله، وانا ما بقعد كتير معهن يمكن اتمشى مع اخته منشان ما احرجه، بس من كلام عمي و زوجته عنهم، كتير تعلقت بالشاب و تمنيت يصير نصيب و حبيت اهله لأنهم بسيطين و اخلاقهم حلوة كتير، الشاب مر بتجربة خطبة و ما تم النصيب و حب البنت و تركها لأنها كانت كتير تكذب،،،، علماً اني جامعية و الشاب ما كمل دراسة و انا اكبر منه بسنتين بس تفكيره أكبر من عمره و اهله ما عندهم مانع و انا كاتبة معروفة، و مخترعة، مواصفاتي ما بتخلي حدا يرفضني الحمدلله، بس جداً معجبة بالشاب و زعلت لأنه رفضني و صرت ابكي بقوة بيني و بين نفسي، كتير صعب هالشعور على البنات إنهم ينرفضوا، هل فيه احتمال يتغير فكره و قراره بالأيام؟ شو اعمل؟ انا قاعدة بمدينته شهر تقريباً و كل اسبوع بنطلع معه و اهله على حديقة او بحر،، انا ما بدي بادر بشي ولا بدي حاكيه لأني ملتزمة كتير و أول مرة بظهر على عائلة غير عائلتي .. ساعدوني شو اعمل و كيف ارتاح و كيف خليه ينتبه و يهتم بالموضوع و يبادر؟