صورة علم Jordan
من مجهول
منذ 6 شهور 21 إجابات
0 0 0 0

ضرب ابنتي بطريقة وحشية حتى...

مساء الخير للجميع بدي استشيركو عندي بنت اتزوجت صغيره وانا اعرف ان اكبر غلط بس في البدايه كان متدين يصلي ويقرأ القرآن قلت هاذ الي رح يحميها لانو عنده مخافة الله بعد الزواج بين غير بعد اسبوع ضرب ومسبات واهانات كنا نقعد معو ونحل المشكله لحتى تتطورت بعدها قدمنا شكوى وتعهدو اهلو بأن ينصلح حالو يقعد اسبوع ويرجع مثل الاول وأكثر ورجعنا قدمنا شكوى صلح ويتعهدو اسبوع ويرجع حتى أنجبت بنتي طفله وزاد الإهانات والضرب لاانكر انو بنتي كبرت وعية أكثر بطلت تسكت مثل مابهينها بتهينو ويضربها تضربو يلغط عليها تغلط يغلط علينا وتغلط على اهلو حتى لم نستطيع مسك الأمور حتى آخر شي ضربها ضرب مبرح وجبتها لعندنا وقدمنا شكوى ضدو طلاق وهلا القانون ياخذ مجراه بدي تنصحونو شو اعمل اجو اهلو يعتذرو بالي عملو وبدهم نسقط حقها واحنا رفضنا بنتي أصبحت عنيفه هي وبنتها منحاول نتحملها وترجع لوضعها وانا خايفه على مستقبلها والطفله الضحيه