صورة علم United States
من مجهول
منذ 3 شهور 7 إجابات
0 0 0 0

كيف اساعد صديقتي بعلاجها من مرض السرطان؟

السلام عليكم ورحمة الله وبركاته، أنا عندي شخص أعز علي من أختي، محاربة سرطان وعندها ورمين "واحد بأعصاب العين وواحد بالفقرة الثانية بالعمود الفقري" وأهلها بظلموها كثير ورغم أنه الله أغناهم بماله إلا إنهم ما بعالجوها إلا بأزفت المستشفيات بالأردن "عذرًا على اللفظ" وأنا دبرت لها بدون ما تعرف شخص يتكفل بعلاجها كامل، ومستعد يأمن لها مسكن وتكاليف علاج لو مرضت كمان بالمستقبل وأنه يجوزها شخص غني ومتدين كمان، بس هي للأسف رفضت عرضه، وبتحاول تبعد عنه، لأنه بتحكي "لو أهلي بدهم يعالجوني كان عالجوني" فبدي أعرف كيف ممكن نقنعها بالعلاج لو ممكن تساعد، وما بقدر أنا أحكي معها بالموضوع لأنها لو عرفت إني حكيت أسرارها لحدا بكسر قلبها ملاحظة: عندها التهاب كلى من كثرة الأدوية وتلف بالكبد ونزيف داخلي شديد بتجدد بمكان بجسمها كل فترة قصيرة وأخوها عنده مرض بشل الجسم وأبوه بعالجه بمصر واليابان وأوروبا وما بعالجها، ممكن جواب سريع إذا بتسمحوا💜