نظراتها المكسورة تجاهي جعلتني أتردد ولا أخبر أحد بماضيها فما رأيكم؟

السلام عليكم , بداية السالفة ان خالة امي خطبت بنت لابنها عن طريق فلانة مرشحتها لابن خالتي , ومن الكلام عرفنا انها بعمري وكذا ويوم عرفت اسمها شكيت اني اعرفها بس ما هتميت للامر , وبعد ما ملك ابنها على عليها صار يوم انها تزورنا في جمعة الاهل علشان نتعرف عليها و انصدمت لحظتها !! طلع انها وحدة اعرفها و كانت معاي في الثانوية لسانها طويل وقليلة أدب واخلاقها رديئة وتسب وما كنا نحب نصادقها واكثر الصف ما كان يحبها وصديقاتها نفس نوعيتها حتى ان وحدة من الاهل كانت معاي فالمدرسة وتعرفها , ويوم دخلت وسلمت علي انصدمت يوم جافتني بس انا ابتسمت ابتسامة خفيفة وتمت هي متوترة طوووول الوقت وهادئة كانها توهقت انها جافتني لكونها كانت في صفي وكنت اعرف بلاويها ومشاكلها حالي حال صديقاتي وبنات الصف , والاهل كلهم جافوا نظراتها ونظراتي وعم السكوت لدقيقة او دقيقتين وكان ملحوظ الشي وحاولت اغطي عالموضوع وقمت احوس بتلفوني علشان اتغاضاها لما كملت الزيارة وطلعت هي , وكان شوية من الاهل باقيين وانا انتظر الوالدة تجهز نفسها عشان نرجع البيت , مرة وحدة الاهل قاموا من اماكنهم وجلسوا يمي يكلموني شنو بينكم شصاير وكذا , ليش البنت تخرعت يوم جافتج وانتي تنرفزتي منها شصاير علمينا !!؟؟ طبعا اكثر اللي سالوني بنات عمري والخالات ينتظرون ردي وهم فمكانهم , وترددت اتكلم عنها وقلت الله يستر عليها ولكن اصروا اني اتكلم وقلت يمكن البنت اهتدت ليش اتكلم , ووحدة من الاهل اللي كانت تعرفها ومعاي فالمدرسة تكون بنت خالتي ما كانت حاضرة ذاك اليوم , فيوم خبرتها عنها انها كنة خالتنا انصدمت وقلت لها الاهل اصروا اني اقول بس سكت وهي قالت لي احسن احنا ما يصير نتكلم عنها و يمكن اهي اهتدت وتعدلت وصارت سنعة , ومرت فترة ممكن شهر او اقل ويات مرة ثانية و جافت اللي تصير لي وعرفتها وكانها انحرجت اكثر بس ضلت ساكتة والاهل تموا يخزوني خايفين اني اسوي شي لكني ما عطيتها وجه وكنت مو مهتمة وكملت سوالفي لما انتهى اليوم , لكن الاهل اصروا اني اتكلم وانا رفضت فراحوا لبنت خالتي وسالوها شنو مشكلتها البنت شصاير وهي قالت نفس كلامي , لكن وحدة من الاهل قالت لي شي " لو كانت البنت عكس اللي سمعناه عنها وعشان كذا خطبناها ؟عشان كذا تقولين الحين ولا باجر يعرف الولد عنها شي ويكون بينهم عيال وتصير مصيبة كبيرة" فخايفة اسكت ويكون ذنبي واخاف اتكلم و احط فذمتي اني خربت على البنت , بس هي البنت مكسورة وميتة من الخوف كلما تجوفني خايفة اني اتكلم عن اخلاقها , ولله الحمد حاولت احافظ على اخلاقي في مرحلة المراهقة وبنات عدة نفس حالي لكن في فئة منا المراهقات الباقيين اخلاقئهم رديئة ولسانهم اطول منه مافي فشوفوا شنو صار موقفها لما كبرت الله يهديها , فشرايكم اتكلم لو لا ؟ واهم مالكين وكتبوا الكتاب لكن ما حددوا تاريخ العرس لكن اغلب الظن بعد سنة العرس , فياريت تخبروني برايكم اتكلم لو لا وانا صراحة ما احبها ولا اواطنها حتى وحدة من صديقاتي لما خبرتها بمشكلتي استغفر الله عظيم قالت "الله لا يبلينا بها "من كثر ما كنا كارهينها والمعلمات ما كنوا يحبونها و فبغيت اسمع رايكم.