كيف نتصرف مع ابن خالي الذي استغلنا مادياً من غير رحمة؟

قضايا اجتماعية
كيف نتصرف مع ابن خالي الذي استغلنا مادياً من غير رحمة؟

السلام عليكم اولا احب أشكر كل شخص افادنى برأيه فى استشاراتى السابقه بس المشكله المره دى كبيره جدا جدا والله مش عارفه اعمل إيه المره دى تخص أخويا تخص اهلى عامه اتحملونى على الاطاله وفيدونى من حوالى سنه ونص حصل أن أخويا اتخانق مع شباب معاه ف المدرسه المهم أنهم مش كويسين نظام بلطجة وشرب مخدرات المهم عملو ليه كمين ومسكوه طبعا بالاتفاق مع واحد المفروض أن أخويا معتبره صاحبه مسكوه ضربوه وكتفوه واخدوا منه التليفون وخلوه مضى على أربع وصولات امانه على بياض طبعا أخويا خاف يعرفنا لأن ولدى مريض ووالدتي عندها سكر وضغط وبتخاف فوق ماتتخيلو على أخويا ده على الرغم أننا بنتين وولدين يعنى ليا أخ تانى وهو أصغر واحد فينا بس زى ما بيقولوا كلنا فى كفه وهو لوحده ف كفه مش تمييز بس هى عندها هاجس إن ف حاجه هتخده منها أو بمعنى اصح هيموت المهم هو خاف وماقلش على إللى حصل معاه خاصه أن الولد ده اتقبض عليه فى قضيه تعاطى مخدرات فهو اطمن وقل انه مش هيطلع منها والموضوع اتنسى بس الولد طلع بشطارت المحامى وبدا يساوم أخويا على الوصلات طلب تسعين ألف جنيه وبعد كده عملنا مفاوضات لحد ماوصلناهم عشرين ألف بدون معرفه أمى وابوى أنا وعمر الكبير إللى حليناها أنا أخدت 15000 من جوزى وعمى كما الباقى وعملو قاعده مع رجاله كبار وخلصوا الموضوع وبعد كده عمى عرف ابويا والموضوع خلص وانتهينا منه وارتحنا طبعا هتقولو فين المشكله المشكله أن ليا ابن خال مش تمام ويشرب مخدرات وسكته مش تمام كان عرف الموضوع .وقتها لقيته من اسبوعيين بيتصل بيا وبيقولى عايزك ضرورى فى مشكله تخص اخوكى طبعا روحتله بسرعه قالى أن الناس دى معاها الوصولات الاصليه واللى إحنا اخدناها متفبركه وهما عايزيين 3000 جنيه ويرجعوهاوالا يحذو اى مبلغ فيها ويبلغو الشرطه بيها طبعا أنا مكنش معايا غير ألفين جنيه ادتهملو وهو قلة هيعمل الباقى لما ابقا اديهملو طبعا عرفت ابويا بس لما قولتلو هات بقا الوصلات قلى قطعتها وتانى يوم أمى كانت شايله 5000 جنيه فى دولابها هشترى بيها حاجه لجهاز أختى لقتهم مسروق منهم 3500 جنيه ولما دورنا عرفت من بنتى الصغيره إنها كانت بتلعب لما كنا عند جدتى ف الوقت ده وهو راح رامى المفتاح بتعنا على السلم ولما بنتى لقيته ادتهولى ولما كلنا شكينا فيه أكتر لما اتصل بولدى وقاله عايز باقى فلوسه فقولنا لعمى على إللى حصل فراح للناس دى وقلوله احنا منعرفش حاجه عن الكلام ده وابننا فى مصحه لعلاج الإدمان وطلع ابن خالى هو إللى عمل فينا كل ده السؤال ازاى نواجهه باللى عمله ونرجع الفلوس مع العلم ان أمى خايفه على خالى من الصدمه لأنه مسافر بيشتغل بره مصر

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا سيدتي وشكرا لك لكلماتك الطيبة وربي يعينكم على ما مررتم به، ويجب توثيق عملية اعطاء المال مقابل الوصولات مع انه كان من الأجدر تبليغ الشرطة وهم يحققوا بالموضوع، ولكن الامر انتهى، ويبدو ان ابن خالك عرف بالموضوع وقرر الحصول على بعض المال، وهو من قام بهذه الأفعال الاخيرة لأنه ظن ان هذه طريقة سهلة لابتزاز المال منكم، انت اعطيته المبلغ ولم يشهد عليك احد، ودخل بيت اهلك واخذ المبلغ بدون ما يراه أحد، بمعنى اخر هل يمكن تبليغ الشرطة ورفع البصمات الان ام ان الوقت قد فات، ان كان ممكن يجب ان يتم البحث في من دخل البيت وهذا امر مهم، والنقطة الثانية ان لم يكن اثبات اي امر يجب عدم الخوف منه وان هدد مرة اخرى لا تتدخلي انت بل اجعلي ابوك او عمك يتدخلوا به ويقولا له احضر الوصولات وخذ مالك وحينها نعرف ان كان كاذب ام صادق، نصيحتي لك توقفي تماما عند اعطاء اي مال لأي شخص بدون تحقيق وتوثيق من ابوك وعمك لتكونوا على وعي بما يحدث، وان لم تثبتوا عليه الجريمة اهو درس تعلمتيه وهو عدم الثقة بأحد وصدقيني مال الحرام لا يثمر، فان لم يكن هناك دليل قاطع لا داعي لاثارة مشاكل مع خالك ولكن يجب مراقبة الولد وعدم الثقة به ابدًا. وان كان هناك دليل مهما كان بسيطا يجب احضاره امام الرجال وبكل حزم اخافته ان هناك دليل وانه سيتم تبليغ الشرطة عنه او يرجع المال افضل له. وربي يوفقك
  • صورة علم
    صورة علم
    من مجهول

    استعوضي ربنا على ما حدث وابدأي من جديد ولا تحتكوا مع هذا الشاب حيث لا يسبب لكم اي ضرر مرة أخرى

  • animate

  • صورة علم
    صورة علم
    من مجهول

    اطلبي من أخوكي أن يفرز مجموعة الاصدقاء الموجودة حوله لكي يبتعد عن المشاكل واثارة الجدل حوله

  • صورة علم
    صورة علم
    من مجهول

    خذوا حذركم من ابن خالتك ولا تجعلوه يدخل منزلكم أو يحتك بأحد من أفراد العائلة حتى تكونوا في أمان

  • صورة علم
    صورة علم
    من مجهول

    صدقيني لن تطولي حق ولا باطل كما يقولون فأنت حمد الله على سلامة اخوكي وسلامة ابنتك التي رأت شاب غير صالح كان من الممكن أن يتعرض لها ويأذيها وقت السرقة

  • صورة علم
    صورة علم
    من مجهول

    احمدي ربك على عطياه واذكريه دائما لأن إذا كان فعل بأحد منكم سوء هذا الشاب كانت الأموال لا تفيدكم بشيء

  • صورة علم
    صورة علم
    من مجهول

    كيف تفكرين أن تأخذي منه حقك وحقك أمك وأخوكي وهو من الاساس فاقد الوعي لتناوله المخدرات! استعوضي الله وأهم شيئ أنكم بخير

  • صورة علم
    صورة علم
    من مجهول

    أظن أن كل هذا الحديث لن ينفع معه رد سوى إن جميعكم تبتعدو عن ابن خالكو الذي جلب لكم العديد من المشاكل لن هو خارج ارادته هذه التصرفات ولا تاخذو أي حق منه

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟