تأنيب الضمير يعذبني خاصةً بعد انتقام الله لطليقتي

add_commentأضف إجابتك

thumb_downلم يعجبني0

تأنيب الضمير يعذبني خاصةً بعد انتقام الله لطليقتي
انا شاب مهندس تزوجت من فتاة الكل يمدحها ويمدح اهلها وهي مهندسه وايام الخطوبة كانت رااااااائعه جدا واول شهر بالزواج كذلك من ثاني شهر بالزواج انقلبت هالبنت راسا على عقب بدات تغار من والدتي رغم اني اعيش بمنطقه بعيده عن اهلي لكن لو امي اتصلت عليي تلفون تقلب الدنيا فوق راسي تسبني وتشتمني وتدعي عليي وتصرخ بالبيت وانا كنت بسكت وتجرحني بالكلام وتطلب الطلاق وانا ساكت فقررت اني اسجل لها صوتها وعي تصرخ واحيانا اصورها فيديو وهي تعمل هذه التصرفات واحيانا تبعث لي مسجات وتس اب وهي بتسبني وتشتمني فاحتفظت بهذا كله لغايه في نفسي وهي ان انتقم منها وبعد ٣ شهور زواج طفح الكيل معي طردتها عند اهلها واخذت ذهبها وفضحتها بين الناس وخبرت كل الناس عن رسائلها وتسجيلاتها الصوتية وعلقتها عند اهلها سنه ونصف وبعدين طلقتها بعد ان فضحتها عند كل الناس رغم ان اهلها لما عرفوا رفضوا تصرفاتها حتى ان والدتها ضربتها امامي وهي اعتذرت لكن بعد ماذا بعد ان جرحتني لكن انا رفضت ارجعها وحصل الطلاق والان انا بدات اشعر بتانيب الضمير خصوصا بعد ان تطلقت اختي من زوجها بدات اشعر وكان الله ينتقم لهذه البنت باخوتي كيف اتحلل منها هل يمكن ان يتزوجها احد بعد ان شوهت سمعتها ؟؟؟ ساعدوني انا لا انام الليل من التفكير ولا تقولوا لي اني قصرت معها والله ادلعها واكرمها وهدايا وسفر وكلام حلو
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا سيدي والحقيقة ان الطلاق تشريع كما هو الزواج تشريع، وفي قصتك تتناصف الذنب مع طليقتك وساوضح لك بعض النقاط فقط لتكون دروس مستفادة مستقبلا اولا بدلا من ان تجلس تسجل وتصور لزوجتك وهي غاضبة كان يجب ان تاخذ بيدها وتجلسها في حضنك وتفهم منها سبب غضبها وصراخها وتعينها على حل المشكلة وربما انت كل مخطأ وسبب في اثارتها ولكن نيتك لم تكن الاصلاح ولم تكن حل الخلاف بل كانت لديك نية استفزازها وتوثيق كل اقوالها واصواتها وصراخها وفيديوهاتها لانك كنت تبيّت نية الطلاق، وهي اخطأت بأن عالجت الموقف الذي يضايقها بالصراخ والشتم والسب وهذه ليست صفات بنت متربية حتى لو في موقف صعب لان الاصول ان تتحدث وتناقش وتطالب بحقها وتذهب لبيت اهلها مثلا ولكن لا تظهر هذه السلوكات السيئة وتكرارا، واقول ربما في لحظة غضب وانفعال رفعت صوتها او شتمت ولكن مرة في موقف واحد او عند لحظة انفعال. واعتقد انه تكرر ربما لأمر تفعله انت بها ورغم هذا هي اخطأت بطريقة الرد عليك، ولكن صدقني لا بد وان امرا اكبر من اتصال من والدتك هو الذي اثار جنونها وان كنت صادقا مع نفسك ستعرف السبب لعله منك انت فانتبه لنفسك ولا تتزوج من امرأة ثانية الا بعد ان تعرف السبب وتعالجه. الان وصلنا للطلاق وانتما متكافئان في الخطأ ولكن انت يا سيدي ضاعفت الخطأ بتعليقها لمدة سنة ونصف وضاعفت الخطأ اكثر بالتشهير والأصل هو السترة ومن ستر على مؤمن ستر الله لعيه يوم القيامة، وتأنيب ضميرك ما هو الا يقظة منك لما فعلت وطلاق اختك لا علاقة له بطلاقك ولكن هي مشيئة الله. الان الوقوع في القلق والكابة ليست حلول ولا تفيدك ولا تصلح الأمر، المطلوب منك اولا ان تستغفر ربك، وثانيا اينما شهّرت بها في اي جلسة ارجع واعتذر وانك اخطأت وانك تصرفت بلحظة عصبية وقل ربي يستر على الجميع فكلنا لنا اعراض وكلنا عندنا ولايا ويجب ان نحفظ سمعة الناس ليحفظنا الله واظهر ادبك في الحديث وربما تكون هذه نقطة مفصلية في حياتك لتتغير ان شاء الله نحو الأفضل وربي يوفقك.
  • صورة علم Saudi Arabia
    صورة علم Saudi Arabia
    مجهول

    التشهير فيها خطأ 

  • صورة علم Egypt
    صورة علم Egypt
    مجهول

    هي دي القصة كلها باختصار يا دكتورة وحسبنا الله ونعم الوكيل في حاجات كتير متقالتش ولا ينفع تتقال ولو اتحكت هنقعد سنين نحكي ولسه من يومين كمان اتصل تاني وبيقول حاجات غريبة انه البنت مش بنته والمحكمة هتثبت ده وبيتهمني للمرة الالف بشرفي وبيقول اني كنت بخونه مع واحد اسمه محمد حسبنا الله ونعم الوكيل اللهم اني مغلوب فانتصر والموضوع اهوه الموضوع اني كنت متجوزة حصل بينا مشاكل كتير فاول شهر فالجواز بسبب تدخل الاهل ووداني عند اهلي من خامس يوم جواز بعد ما ضربني كنا متفقين اني جاية ع عيشة مستقلة وانه اول اجازة هتبقي فشقته فبيت اهله وبعد كده هننقل شقة فطنطا لانه عنده شقة فطنطا جه هو ووالده وجواز اخواته وحلف مش هيمد ايده علي تاني بس كان بيطنطط فالقاعدة ويقول كلام محصلش علي ولما روحت اكتشفت انه حاكي ادق تفاصيل واسرار بينا لاهله وكلام مزودة من عنده اني قلته بعدها رجع تاني وضربني وكسرلي موبايلي عشان عاوزني انزل عند باباه بالعافية انا مشكلتي اني مباخدش عالناس بسرعة وفهمته كده كتير كان بيجي معايا بالعند وانا مشكلتي اني عنيدة ودي غلطتي فرفضت بيضرب ويشتم وبعدها كسر موبايلي حتت والدي واخواتي جم يخدوني اعصابي كانت تعبانة اوي رفض وطرد اخويا من الاوضة ووعدهم كل واحد هينام فاوضة عشان انا كنت خايفة منه والصبح هو هيوديني فضل يخبط طول الليل لحد ما والدته طلعت الصبح ووالده ووالدته دخلت وقالتلي لما انتي عاوزة تمشي كنتي بتتصوري فحضنه ليه وكلام كتير القصة تطول فعلا واتصلت بوالدتي وقالتلها تعالو خدو بنتكم مريضة عالجوها مش عاوزينها ووالدي جه تحت باباه قاله انزل افتحله قالتله لا ارميله المفتاح متنزلش يله ووالدي جه ياخدني باباه قاله اتاكد انها مخدتش الدهب شوفه فشنطتها ولا لا ومامته قالتلي تطلعي كده زي مانتي بشبشبك وعاوزة تشيلي مفتاح شقة والله بشنبك لو شلتيه وهو يقولها هطلقها والله لا هتجوز عليها واسيبها معلقة كده مش هقدر احكي كل الكلام كتابة ورحت فعلا مع والدي بعدها اخويا ووالدي قالو لازم يبقي في قاعدة فيها ناس تلزمهم لان قال مش هضرب وضرب تاني انتو مش داخلين حرب وفعلا كلمنا الناس اللي كنا سألين عليهم للاسف رجعو قالو احنا حاسين بذنب كان في ٢ من وسط ١٠ قالو مش كويسين وشفنا ناس من اللي بتقعد قعدات عرفية ومنهم بتوع اصول دين واخويا بلغ والده راح بعت ابنه وسامحوني انا كنت بنتقم منها وبشد ودنها عشان اللي كانت بتعمله فيا ففترة الخطوبة بس متقعدونيش قاعدة وانا اسف والدي قاله يا ابني الكلام كان قدام اهلك ومحدش الزمك بحاجة وفالاخر خاله جه وقال عشان منظره بلاش تقولو حاجة فالقاعدة ونقول احنا كنا مختلفين وجايبنكم عشان نتفق وان شاء الله هي تستحمل كلها كام يوم وهو يسافر واول ما ترجع هترجع ع شقة طنطا زي ما انتو متفقين الناس جات فالقاعدة وفوجأنا بعدد كبير جدا منهم وقعدو يحكو فحاجات كلها غلط من ايام الخطوبة ووالده انكر شقة طنطا وقعد يقول عاوزين ياخدو ابني مني وهيسجلوه باسمهم وهي ممكن تاخد ميراث اخواته انا هكتب كل حاجة باسم اخواته البنات ولو حاجة اتنقلت من شقته ع جثتي وفضل يتنطط ويلطم ع وشه وفالاخر الناس معرفوش ياخدو معاهم حق ولا باطل وهما ماشيين حتي الناس اللي جايبنهم قالو لوالدي واخواتي انتو مناسبين الناس دي ازاي ومتفقوش ع اي حاجة وهو كان كل مشكلة تحصل بينا يقولي انا معمولي عمل انا مش متظبط وبعدين جه اخر مرة قالي انتي امك او جارتكم عملالك عمل انا من اول ما اتجوزت ولا خدت مفتاح شقتي ولا مفتاخ بوابة وقال قدام الناس هيديني ومدانيش وقعدت مع الناس بعد القاعدة واتحايلت عليهم حد يقعد معاه يفهمه ازاي يتعامل ومينفعش يحكي كل حاجة ويزود من عنده زي ما قعدو معايا يفهموني وقالولي هيحصل ان شاء الله لان اخواتي قعدو معاه كتير وقالوله لازم تبقي حيطة سد بين مراتك وبين اهلك متنقلش كلام ومتكرهمش فبعض ولا نتيجة والناس فالقاعدة قالو عمره ما هينصلح حاله الا لو قعد لوحده وقالولي حاولي باي طريقة متخليش ابوه يتدخل بينكم نزلت الشغل بتاعي كان اول مرة انزل الشغل بعد الفرح منزلش يفتحلي البوابة ونزلت قعدت اخبط ع والده عوبال ما فتحلي البوابة ولا نزل حتي يعرفني الموقف او هركب ازاي وانا غريبة عن البلد ولما قربت اجي من الشغل طلبته وقلتله وطلبته تاني وانا فاول الشارع عشان ينزل يفتحلي ولا نزل ودخلت بيت غلط والناس ضحكت فالشارع وفالاخر رحت وخبطت لحد ما والده فتحلي وطلعت الشقة وانا كنت شارية حاجات وانا راجعة ارن الجرس كتير عوبال ما فتح انا فعلا كنت اتعصبت اوي وصعب علي نفسي وفالاخر شدينا مع بعض وقعد يقولي انتي شورة امك وقالي انا اندهلك ابويا بقي قلتله لا ابوك مش هيتدخل بينا ومفيش حد يدخل بينا تاني نحل مشاكلنا لوحدنا وكفاية بقي ابوك متحكم فيك انت مفروض تاخد قراراتك بنفسك وده كان غلط مني لانه كان وقت غضب وفي تفاصيل كتير عاوزة اقولها لحضرتك لما مامته جات تباركلنا قالتلي قدام اخواته وولادهم وباباه ابقي حطي روج ٢١ عشان لون شفايفك يبقي حلو وابقي حطي لبن تحت عنيكي عشان علامات السن وجسمك كده حلو ميزدش عن كده وحافظي فالاكل المهم يا شيخ قعد يزعق ويزقني وينده لباباه وفجأة لقيت باباه بيتصل باخواته واجوازه وقاله لم عمامك وخالك وتعالو بسرعة واتصل بابوها واخواتها ويجو حالا والناس اللي كانت فالقاعدة يجو وفعلا مفيش نص ساعة وكله جه ولقيته مشغل تسجيل مسجلي فيه وقعد يقول للناس الدكتورة المحترمة بتقول كذا وكذا وقعد يكذب فكلام كتير وكانت بتبقي عينها فالحاجة والتانية فالسوبر ماركت وقعد يقول كلام انا فعلا قلته من ايام الخطوبة ولقيت كل اللوم علي فجأة من اهله ويقول لاهله والناس هي حامل ومش عاوزة تسمي ابننا يس وانا والله ولا كنت اعرف انا كنت حامل ولا لا ووالده يقول هنسميه يس غصب عنك وقعد يقول انا دافع فاتورة الكهربا ٧٥ جنيه عشان الهانم مشغلة التكييف ع طول وسايبة بلكونتها تقرف ومبتكنسهاش ويشهد ربنا انا والله عمر ما سبت البيت مش نظيف والبلكونة عشان من كتر الغضبات كنت سبتها وكنت يومها هكنسها وامسحها وده كلام والده وفجأة هو قايل لوالدي بنتك عاوزة واحد خول انا اسفة فاللفظ والله قاله كده روح جوزها لواحد خول وجوز اخته انا مش عاجبني الكلام ده خلص خلاص وقام وابوه خلاص هي خلصت احنا هنطلق الناس فالقاعدة قالوله البنت شرياكم ومغلطتش الغلطة الكبيرة وتوعدكم انها هتنزل وهتعملك اكل يا حاج ووالدي مردش بولا كلمة وابوه يقول انا مكلتش من ايد مرات ابني لحد دلوقتي ونديها فرصة ماشي بس ابني مسافر كمان كام يوم والدهب هيفضل عندي امانة وهي هتقعد فبيت اهلها وهتاخد مفتاح الشقة بس نسخة ومش هتاخد مفتاخ البوابة لان لو حاجة اتاخدت من عندنا هنشك انها هي اللي هتبقي وخداها ووالدي روح وسابني وانا من وقتها منهارة ولا عارفة ايه اللي حصل ولا حاسة بأمان معاه سجلي ازاي وهحس معاه بامان ازاي وكل ما يقربلي كنت بخاف يكون بيسجلي وقلتله انا مش حاسة بامان وفضلت اعيط طول الليل والصبح قالي انا اسف بس انتي عملتيلي قاعدة عرفتي بقي احساسها كنت مصدومة ونزلت الشغل واتفقنا هيجي ياخدني بعد الشغل وع اساسه مخدتش فلوس معايا كتير لاني اصلا مش معايا فلوس وهو كان واخد فلوس نقطتي من اهلي بعد ما خلصت شغل طلبته انا خلصت هتيجي امتي قالي انا مش هاجي قلتله ازاي احنا متغقين انا مش معايا فلوس قالي انا مديكي من يومين ١٠٠ جنيه قلتله انا اشتريت حاجات للبيت بيها ومكنش معايا باقي منها غير ٢٠ جنيه ومش هيكفي اجي غير للموقف بتاع الجلاء قالي مليش فيه اتصرفي استلفي من اصحابك او روحي لاخوكي مش هو دكتور فالجامعة اتصرفي انا كنت هتجنن وطبعا كان مكسرلي موبايلي فمعايا موبايل جديد معلوش ارقام والده كنت طلبته كان عليه رقم حد من القاعدة بتاع قبلها بيوم كلمته وقلتله قالي ازاي يا بنتي انا لو فطنطا كنت عديت عليكي وانا هتصرف لقيته بيتصل بيا وبيقولي مش انتي اتصلتي بكذا خليكي بقي قاعدة ساعة ولا ساعة ونص فالشارع عوبال ما اجي وفعلا قعدت فالشارع عوبال ما جه وخدني جرجرني طب راحين فين ملكيش دعوة وروحنا لحد ما وصلنا الاستديو بتاع الصور بتاع الفرح جاب الصور بقوله اشوفها قالي والله مانتي مسكاه وفميكروباص بلدهم قعد يقول للي جنبه تخيل مراتي حامل فاحمد انت ابنك اسمه ايه اصل المدام حامل وهتجيب احمد ويقول السواق بالراحة يسطي المدام حامل المطبات يسطي اقسم بالله انا كنت بتمني ربنا ياخدني من كتر ما الناس بتبصلنا وروحنا حلف منا ماسكة البوم الفرح وقالي اي حاجة انتي بتحبيها انا بحرمك منها عشان تعرفي اني انا الراجل وكلمتي تللي تتسمع انا مكنتش قادرة استحمل خالص بس والدتي قالتلي كل الجوازات كده فاولها استحملي يا بنتي معلش وهو مسافر بعد بكرة استحملي يمكن بتغير جينا ليلة سفره وانا بلم الحاجات رافض تماما اني المها او اشيلها اقوله هتتبهدل انت هتنزل كمان سنة يقولي ابويا هيطع يقعد فالشقة وهيسمع التليفزيون اقنع فيه السجاجيد والعفش هيلم تراب الدنيا وانا اللي هتبهدل فتنضيفه بعد محاولات وافق عالسجاجيد وقالي مع نفسك مش هتساعدني لا طب شيل السفرة بس هرفع السجادة مرضيش انا كنت تعبانة جدا وربنا الاعلم قعدت ازق السفرة ومش قادرة لقيته جاي جري هتكسري السفرة يا حيوانة انتي عارفة دي بكام عشان سجادة عرة من اللي انتم جايبنها انا البنت الوحيدة والحمد لله اهلي جايبنلي جهاز حلو جدا سكت وكملت شيل لقيته بيقولي اخواتي جايين حالا يسلمو علي اعمليلهم عصير وعملت وقدمته ليهم واستأذنت اني بغسل ادراج التلاجة والفريزر فالبانيو وفضيت التلاجة وفالاخر جه المطبخ بعد كل الهلكة دي من الصبح ل ١٢ صباحا ومن ربكتي وقعت طبق اتكسر قالي انتي لما تيجي تطالبي بقايمتك متقوليش انه مكسور ابقي اعرفي انك انتي اللي كسراه انا اتصدمت بقوله ايه وبفضي المكتبة في شمعدان اللزق بتاعه فك اخته كانت جيباه ليا فالخطوبة هدية راح قالي انا هساعدك وراح شادد المفرش بالشمعدان بتاعي وراح منزله متكسر فالارض قعدت احلفله ان التاني فك لزق والله غصب عني انت بتكسر التاني ليه قالي ابقي اعمليلي تبديد قايمة بس انتي متعرفيش انا ناويلك ع ايه انا كنت خلاص فعلا معنتش عارفة انا عملت ايه لده كله تعبت بمعني الكلمة وعبيت الحاجات فشنط وقلتله ممكن تنزل ده لوالدك يحطه فتلاجته لانه حرام يترمي كان اكل لحمة وفراخ وبانيه وكبده وكفته وحوواشي وفاكهة وخضار وجبن وبصل وتوم وزيت وزبدة وتوابل ومكرونة ورز قالي انتي عاوزة ادي ابويا بواقي قلتله مش متسويين والله حرام يترمو يا اما تاخدهم معاك بس انا فصلت التلاجة وغسلتها فحطها عند باباك قالي الا ابويا قلتله خلاص هاخدهم انا والدي جاي يسلم عليك هياخدهم معاه وهو كده كده اللي كان جايبهم قالي تاخدي ده لامك لا طبعا قلتله طب مش انت مش هتديني فلوس وانت مسافر قالي عاوزاني اصرف عليكي وانتي فبيت اهلك وخدهم رماهم فالزبالة خدتهم منها ونزلت كيسين مع والدي وحطيت الباقي فكيس لوالدي راح قال لوالدي انزل انت يا عمي وقفل الباب وفتح الشنطة فالارض كلها وشاط كيس الرز برجله وحط كل حاجة فالزبالة وبعدها دخلت نمت كانت ٣ صباحا وصحيت الصبح جهزتله شنطته الساعة ٦ وجهزتله فطار وكنست الشقة ومسحتها وصحيته عشان اروح شغلي وهو هيسافر الساعة ٢ رحت وطلبته اتطمنت عليه كذا مرة وروحت بعدها انا مستغربة من شهر ونص قعدت فبيته ١٥ يوم انا حاسة انهم ١٥ سنة تعبت جدا وقلت لاهلي انا مش هقدر اكمل معاه بعد ده كله فضلو لا اهدي بس واستحملي قلتلهم هثبتلكو انه مش هيتغير واستنيت لما وصل واطمنت عليه وقلتله كل الكلام اللي فقلبي انا استحملت كتير وانت عملت معايا كذا وكذا انت واهلك وانا مش هرجع المكان اللي انت اذتني فيه اوي تاني وزي ما اتفقتو فاول الجواز انا هرجع ع شقة طنطا لو فعلا انت باقي علي وناوي تتغير ان شاء الله حتي تأجرلي لو اوضة بس ابقي مرتاحة البال قالي انتي حامل الاول ولا لا قلتله هتفرق ايه انا لسه معملتش التحليل قالي وانا مش هسيب اهلي ولا بيت اهلي لما تبقي تجبيلي عيل ولا ٢ ولا ٣ ابقي افكر قلتله انا عمري ما قلتلك سيب اهلك عاوز تروح ان شاء الله تروح يوميا وتبات اما انا لاء انا اتأذيت كتير قالي خلاص وقفلنا وعدي اسبوع وانا عملت تحليل وطلعت حامل اخويا قالي حرام تخبي وبعتهوله قعد اسبوع مردش بعدها بعتله اني مختاحة فلوس عشان الدكتور طالب مني تحاليل وادوية عشان الحمل قعد ٣ ايام وبعدها لقيت خالي عندنا جاي وبيقول ان ابوه راحله وقاله اني رميت حاحات فالزبالة ابنه شاريهم من كارفور وقعد يقول حاحات كتير كذب وخالي قاعد لقينا ابوه بيتصل بيه خالي فتح الاسبيكر بيقوله بنت اختك باعته لابني عاوزة فلوس ابني مش معاه ولا مليم ومديون لاخواته ومش هديها ولا مليم مرتبه مش هينزل الا كنان ٣ شهور هي تجيب الروشته نسأل عليعا دكتورة عندنا لو قالت تتصرف نصرفهالها سكتنا برده بعدها باسبوع لقيناه بيتصل عالارضي من غير سلام عليكم وبيقول لوالدتي انا كنت جايب طابعة لبنتك هدية فالخطوبة انا والدي جاي ياخدها بالليل بصراحة يا شيخ والده مادي جدا ومن ساعة ما اتجوزنا القايمة القايمة هو بيلم حاحته كده ولا ايه دنا جهازي كله عنده وبعد ده كله والدي قال خلاص مش هتنفعو مع بعض يا بنتي خلاص واخواتي ولا والدي هينفع يقعدو معاهم فقعدات تانية محدش بيعرف ياخد معاهم حق ولا باطل فاحنا نرفع قضية وتتطلقي انا كنت بحبه جدا يا شيخ لانه مشفتش منه حاجة وحشة ففترة الخطوبة اهله اللي كانو بخلا فالخطوبة ووالده بيفاصل فكل حاجة بس اللي شفته اثر فيا جدا محستش اني عروسة خالص الا فال ٣ ايام اللي كنا فالغردقة بعيد وكل يوم بنام معيطة وهو كان بيعمل كل حاجة تعصبني وكل حاجة تضايقني فعلا رفعنا قضية لقينا المأذون جه بعدها ع طول عندنا وبيقول في ايه وحصل ايه حكيناله كل حاجة كان يقول لا هما قالو غير كده لقيت المأذون بيقول كلام غريب ان والده اداني ٤٥٠٠ جنيه بايده وانا رحت اشتريت حاجات من كارفور بنفسي ورمتهم فالزبالة واقسم بالله ما حصل ولا اخدت مليم من ابوه وابنه اللي رمي الحاحات اللي اهلي جيبنها فالزبالة وقعد يقول اني كنت بعصي ابنه فالسرير طيب ايه المطلوب المأذون قال انا كررتها عليه ٣ مرات ابنك عاوز يكمل قاله لاء وعاوز يخلص من غير خساير بالمعروف تتنازلو عن الدهب والخشب والمؤخر رفضنا والده لف فكل البلاد وراح عند عمدة بلدنا وقاله هو ابني كان لحق نام معاها عشان تبقي حامل والله حصل باللفظ والناس جات قالت لوالدي بعدين بعدها بشهر ابنه اتصل بيا وبيقولي انا رحت لشيخ وقالي انتو معمول ليكم عمل واتنازلي عن القضايا واتنازلي عن القايمة وانا اشوفلك شقة قلتله اتنازل عن قايمتي ليه طب قوليلي حل قلتله انت لو باقي علي مكنتش عملت ده كله انت حتي سألت عالحمل ولا حسستني بفرحتي كعروسة ولا حسيتني بفرحة حملي قالي طب عاوزة ايه انا الشقة دي استثمار ومش هعرف اجهزها قلتله طيب اسافرلك وتأجرلي نحط جهازنا لما نرجع نقضي اسبوع فاي فندق او فالشقة قالي لا مش هدفع ايجار الف جنيه انا يفضل فشقة ابويا قلتله والدك قال لو خدت مفتاح البوابة لو حاحة اتسرقت هنشك فيها وعاوزني انا امنه ع حاجتي وبعدين والدك حلف للمأذون ٣ مرات انه انت مش هتكمل قالي انتي كذابة واقفلي هتصل اسأله اتصل ولقيته بيقولي اقسم بالله ما حصل ابويا حلف بالطلاق وقعد يشتم انا اللي خليتك مرة عيب عليكي وانا وسخ وهوريكي الوساخة قلتله مش كنت بتقولي بحبك وعمري ما هستغني عنك قالي ع ايه فيكي عدل هو انتي بصي لجسمك الاول وانتي خلاص خدتي غرضك اديني اللي ممشية البيت امك مهي اللي بتتحكم فالبيت قفلت السكة لانه كفاية غلط وكفاية كلمة والده بعدها والده راح لعمدة بلدنا وواجهوه بكلامه انت قلت عالبنت هو ابني كان لحق نام معاها عشان تبقي حامل قعد يعيط وقالهم دنا اشيل حفيدي فاللفة وشوفولنا حل بس نقعد قاعدة والدي رفض مفيش قعدات معاهم بتجيب نتيجة وبعد الغلط ده كله راح لعضو مجلس شعب والراجل قال طب قولو طلباتكم قلنا شقة ايجار حتي رد قال الراجل بيقول لا هنديها مفتاح للشقة وتغير الكالون بس ابني مش هيسيب الشقة وانا تعبت فيها وكده فالوقت ده كنت ببعتله كتير اوي رسايل انت عملت كل ده ليه ليه اتغيرت عن فترة الخطوبة انا نفسي تفوق عشان اللي فبطني كان بيعملي بلوك لحد فشهر ١١ لقيته حاطط صوري عالواتس اب قلت يمكن يتغير وسكتت وقلت اكيد هينزل يحل وميخربش بيته لقيته بعدها بشهر بالظبط مطلقني غيابي وباعتلي بيقولي حسبي الله ونعم الوكيل يا رب يخلص ع جلدك وتمرضي بيها اافلوس اللي هتاخديها مني وربنا ينتقم من ابوكي وامك واخوكي يا شيخ بعدها لقيناه طاعن ان الامضا مش امضته فالقايمة وطاعن بالتزوير وقال انا متحوزة من ورا اهلي وان المؤخر متفبرك بالتواطئ مع المأذون وكلام كله افترا كان وقتها شهر ١٢ جه وقت الولادة فشهر ٣ عشان تسجيل المولود خالي كلم والده عشان التسجيل قعد فترة كبيرة يماطل عوبال ما رد عليه وقاله لما اخطار الولادة يجي خالي بعدها كلمه كتير ميردش وبعدين عمله حظر طلب من رقم مراته بعد كتير ردت مراته قالها الاخطار جه فين الحاج عشان نسجل المولود قالتله مش هنا قالها احنا متفقين قالتله لا البركة فيك قالها مينفعش لازم العصب قالتله لا اتصرفو وبعدين هي مش ولدت بنت خالي بعت جوز بنته ليه رفض ولقيت ابنه باعتلي رسالة محدش من عندكم يتصل بينا تاني نهائي واحنا بينا محاكم واتبهدلت يا وانا والدة قيصري بجرحي تالت يوم فالاقسام عشان اسجل واغير البطاقة وقعدت ٥ ايام كده لحد ما سجلتها بعدها لقينا ابنه بيتصل عالارضي شتم والدي يا مزور يا حرامي والدي قفل ومكملش بعدها بعتلي لا يدخل الجنة قاطع رحم بعون الله وبعدها اتصل شتم والدي تاني لما رفعنا نفقة لان ولا حد سأل فيها ورفضو يسجلوها قاله بترفع نفقة باسم بنتي يا حرامي يا شيخ بالله عليك انا كده علي وزر اني طلبت الطلاق لانه بيقولي الحديث بتاع ايما امرأت طلبت من زوجها الطلاق بغير سبب حرمت عليها رائحة الجنة وبرده قالي اني السبب فقطيعة الرحم وربنا وحده يعلم والله رفضو يسجلوها ولا حد سأل عليها ولو حد سأل مش همنعه وحتة الطلاق ربنا يعلم انا كان نفسي يتغير ونبعد عشان يبقي كويس وميبقاش في تدخل من والده؟ وهو اللي قال فالاتفاق فالبداية اول دخلة بس فبيت العيلة وبعد كده هنبقي فشقة طنطا ؟

  • صورة علم Egypt
    صورة علم Egypt
    مجهول

     كل ساق سيسقي بما سقي ولا يظلم ربك احدا بس هي عمرها ما شتمت هي كانت بتتعصب بس وصوتها بيعلي ولما شتمت كان ففترة الخطوبة بكلمة اختك قالتها عليها هي وجوزها بعد ما كان الحوار كالاتي اختك بتسألك هي عاملة ايه معاك قلتلها شايفة نفسها قالتلك انفخ فيها اصل جوزي بيقولي النوع ده بيحب اللي ينفخ فيه ولما تتجوزو ابقي سستمها علي مزاجك راحت ردت يا رب اللي قال انفخها يتنفخ هو بمنفاخ وفسختم الخطوبة بس رجعتم تاني لان محدش بيقبل الاهانة ومش هيرد حتي بعدين حصل مهازل فكتب الكتاب وفصال فمؤخر طب وبعدين لا ومعتبرهاش مراته واتفق يجيبو فستانها مع بعض كذب عليها عشان يشتري بدلة ب ١٥ الف اصله بيحب المظاهر اتصلت واتعصبت خايفة ع فلوسه وتحاول وحرام وهتتسأل عليها عشان بدلة تتلبس ساعة لا نقوم نعمل ايه نقفل السكة ونتعصب عليها وصاحبي معايا راحت قالت طظ فصاحبك هو اصلا ولفظ خارج واهلها عرفو وضربوها واعتذرت وقالولك لو مش عاوز تكمل متكملش وحقك علينا وراجع نفسك تخيل وده كان بعد كتب الكتاب لا انا سامحتها وهي بنتي ازاي تقولو كده فالاخر تكون بتكمل عشان تنتقم وتحتفظ بحاجات من ايام الخطوبة 

  • صورة علم Egypt
    صورة علم Egypt
    مجهول

    فعلا زي ما الدكتورة ردت عليك انت كنت بتتفنن فانك تستفزها عشان تطلع اسوأ ما فيها وبعدين تقولها هي دي حقيقتك وليه نيتك كانت من البداية تحتفظ بالحاجات دي ربنا يجبر خاطرها ويعوضها بالزوج الصالح اللي يتقي ربنا فيها ويعمل بوصية الرسول عليه الصلاة والسلام فاحترام زوجته ومعاشرتها بالمعروف واذا نفر من خلق منها رضا الاخر هل فكرت فاي فضل كان بينكم تشيله ليها طب اشتكي لاهلها لكن تفضحها وتنتقم منها  كما تدين تدان وكل ساق سيسقي بما سقي

  • صورة علم Algeria
    صورة علم Algeria
    مجهول
    عاشروهن بالمعروف أو سرحوهن باحسان،
  • صورة علم Saudi Arabia
    صورة علم Saudi Arabia
    مجهول
    لاحول ولا قوة الا بالله
  • صورة علم Saudi Arabia
    صورة علم Saudi Arabia
    مجهول
    سامح الله الجميع ويهديكمعموما اذا ودك ارجاعها لبيت الزوجيةفاتحها واعتذر منها اذا هي رغبت العودة فيبارك لكم
  • صورة علم Algeria
    صورة علم Algeria
    مجهول
    ولماذا صرخت عليك وعلى والدتك أكيد أهلك أهانوها. أو عملوا لها مواقف محرجة. وبتواؤطئك أنت زاد غضبها. فانفجرت أظنها إنسان له كيان ومشاعر كما لأهلك كيان. يا أخي هي كانت مجرد عروسة. وهل هي مجنونة حتى تنتفض بهذا الشكل من دون سبب أكيد فيه. أكثر من سبب والأدهى من كل هذا. بدل أن تستمع لها وتعرف السبب صورتها و فضحتها أمام أصدقائك والناس تأكد جيدا. حتى لو حاولت الزواج مرة أخرى فلن ترضى بك أي إمرأة خاصة لما تعلم ما فعلته بزوجتك. الكل يتطلق بسبب سوء التفاهم أو تدخل الاهل أو لسبب آخر ولكنهم لا يفعلون كما أنت فعلت وقد استفقت بعد طلاق أختك وأحسست فعلا بمرارة موقفها. تذكرت طليقتك. هي لو تعود إليك ولو فعلت المستحيل هل ستأمنك على نفسها مرة أخرى توب الى الله واستغفره عسى يفعل لك خيرا
  • صورة علم Iraq
    صورة علم Iraq
    مجهول
    والله ياخي الي سويته قليل بحقها ولاتحتار ولا تتندم ولا تفكر فيها لانها من جنت عل نفسها وليس انت امضي بحياتك ولاتلتفت الى الخلف ابدا انت قدمت طيب المعامله والعشره وهي اسائت لك وسبتك فلاتستحق اي شفقه ولا تفكير بمصيرها اصلا انت قدمت خدمه للناس حت لاتوكع في ماوكعت انت فيه وتتحذر منها فلا تفكر كثيرا بها على نفسها جنت براقش
صورة علم United States
أضف إجابتك على السؤال هنا