تحول لرجل آخر بعد الخطبة!

ما أظن دي غيرة هذا شك وعدم ثقة في نفسه وكلها أفكار كانت في تفكيره قبل الخطبة والحين طلعها بعد ماأصبح عنده شعور انه يملكك وضحي كل شي وراعي شعوره دون السيطرة المطلقة منه وحددي الحدود بينكم حتى يمكن ان تدوم علاقتكم

الغيرة مرض خطير اتكملي معاه و علميه انك متضايكة من تصرفاته و لو ما تغيير الأفضل تسيببه و ارحمي نفسك

حقه يغار ويطلب اللي بده اياه .. هو رجل البيت وحقه يفرض شروطه، وانت لما تصيري زوجته لازم تنفذي شروطه .. يا بنت الحلال انتبهي لبيتك واولادك ولا تضيعي حالك بين الفيس بوك وغيره

من وجهة نظري كأم مرت ابنتي بتجربة مشابهة، وأنا استاذة ولست فقط أم لذا سأقول لك ما أخبرتها،  الغيرة الطيبة ضرورية وهي دليل على الحب، الا انها قد تكون قاتلة عندما تتحول الى شك، لأن ذلك يعني عدم الثقة، وهذه كارثة في العلاقات الزوجية، إذا دخل الشك بينكما سيقتل الحب مهما كان كبيرا، لذا انتبهي اذا سبب الغيرة الشك والاتهامات الباطلة لن تستطيعي العيش في سلام مع هذا الخطيب، ولن تستطيعي عبور فترة الخطوبة بأمان طالما أنه يشعر اتجاهك بعدم الثقة، فسخ الخطبة سيكون الحل الأمثل في هذه الحالة. 

شوفي يا عزيزتي، كتير ناس ممكن يعطوكي نصائح حول الموضوع، بس استفتي قلبك، انت الوحيدة اللي عندك الصورة كاملة وبتعرفي التفاصيل وبتعرفي امتى بكون معه حق وامتى ما معه حق. 

لكن اذا كنت فعلاً مو عارفة تاخدي قرار ومحتارة كتير وبدك مساعدة، فأنا برأيي هاد بصير على خطوات:

1- احكي معه في الموضوع وافهمي سبب غيرته وشوفي اذا في شي معين مدايقه وما عم يحكي عنه وعم بترجمه بردات الفعل هادي، واحكي معه من قلبك وبينيله انه ما في سبب للغيرة. بعدها شوفي اذا بتلاحظي تغير عليه. اذا ما تغير، انتقلي للنقطة التانية.

2- اذا ما تغير من النقطة الأولى، احكي معه بطريقة جدية فيها نوع من التهديد المبطن، انه هاد الموضوع كتير مدايقك وممكن يأثر على حياتك وقرارك بالاستمرار معه، وشوفي اذا هاد الشي حيخوفه ويخليه يحاول يتغير. 

3- اذا ما تغير اطلبي منه يروح على دكتور واستشيروه في حالتكم وشوفوا اذا بزبط الموضوع. 

اذا ما رضي يروح عدكتور وما حاول يتغير وضل الموضوع كتير مدايقك وخانقك فأنا برأيي هاد طبع فيه ما حيغيره، وبنصحك تتركيه لأنك حتنخنقي اذا تزوجتي وهو مو مستعد يتغير.

في النهاية، برضه استفتي قلبك، لانه انت الوحيدة اللي عندك الصورة كاملة وعارفة وفاهمة الظروف اللي حوليكي. 

الله يوفقك يارب

طبعا لا تتزوجيه، شو هاد التصرف؟ .. في مثل بحكوه "أول الرقص حنجلة"، بكرة بسوق فيها وبضل يضيق عليك لتتنازلي عن كتير أشياء في حياتك، نصيحة أخوية وعن تجربة لجارتنا .. لا تتنازلي واحفظي حقوقك حتى لو صفحة على الفيس بوك .. اللي أوله شرط اخره سلامة، لا تردي عليه ومشي شروطك .. عاجبه أهلا وسهلا مش عاجبه، مع السلامة

انا صار معي شي بيشبهك بس انا ما اكتشفت هاد شي الا بعد زواج وطبعا كان متل المحقق داخ المنزل انا اولادي دايما متهمين و عم يبحث عن أدلة لا تخربي حياتك وفكر منيح بالموضوع