صورة علم Egypt
من مجهول
منذ سنتان 21 إجابات
2 0 0 2

بسبب العقم لجأت للمخدرات وطلقت زوجتي

انا شاب عندى ٣٠ سنة اتجوزت و طلقت اكتشفت ف اول جوازى أنى مش بخلف والامل معدوم عرفت مراتى بالوضع قالتلى نصبر ونستحمل بس انا اللى اتغيرت للاسوأ ابتديت اشرب مخدرات معدتش بحس براحة معاها بالذات بعد ما امها عرفت أنى مش بخلف وابتدت تزن علي بنتها بالطلاق وانا عرفت وعديت كنت بعاملهم حلو بس بطلت اقولهم بابا و ماما وهما حسوا وسألوا بقيت اقول عادى واتوه ف الكلام لغاية لما ربنا كرمنى وجبت عربية قسط تساعدنى ف شغلى ف الوقت

دا حماتى سكتت وبطلت كلام بس ف الواقع بعدها بشهرين اتخانقت انا و باباها ولقيت معاملتها ليا اتغيرت ل عدم اهتمام ومشاكل كتير على اى حاجه لحد ما جه اليوم اللى لمت هدومها فيه ومشت وانا نايم وبعتتلى رسالة ع الفيس تقولى انها عاوزة تتطلق وطلقت كل دا مش المشكلة المشكلة أنى محبتش غير مراتى ولو رحت لاهلها علشان ارجعها كانوا باعوا واشتروا فيه ويرضه مكنتش هترجع لانهم ماصدقوا ولا انا عارف اعمل اى حاجه بسبب أنى حاسس أنى عملت كدا ف نفسى ولا عارف ادور على زوجة ثانية بسبب ظروف النفسية مش حاسس أنى هعرف احب تانى وخصوصا أنى

معرفتش حد غير مراتى فى حياتى كلها وبقيت حاسس أن السبع سنين اللى فاتوا هما حياتى كلها والمشكلة أنى استحملت علشان خاطرها كتير و ضحيت كتير علشان كنت حاسس انها بتحبنى وعاوزة تعيش معايا وعلشان كدا عيشتها ملكة على حساب نفسى وقلتلها بدل المرة مليون لو عاوزة الطلاق تقولى وانا هعملها كل اللى عاوزه بكل ذوق واحترام ودا اللى محصلش ياريت لو عندكوا حل تساعدونى ..... و شكرا

أضف إجابتك

صورة علم United States
السؤال التالي