أهل زوجي سرقوا عفش بيتي

add_commentأضف إجابتك

thumb_downلم يعجبني0

أهل زوجي سرقوا عفش بيتي
قصتى غريبة ،يمكن اول مرة تسمعوا عنها، عمركوا شوفتو عروسة تفرش شقتها قبل الفرح بايام فيروح العريس واهله تانى يوم فرش علشان يسرقوا حاجتها اللى فرشتها!!!! انا حصل معايا كدة بس طبعا اكتشفت ده بعدين ، اولا مش انا وماما اللى فرشنا الشقة لوحدنا كان معانا قرايبنا بيساعدونا علشان كدة مكنتش فاكرة كل حاجتى كويس وجهازى معظمه ماما اللى اشتريتهولى المهم كذا مرة ماما تقولى انا حاطالك فى الدرج بتاع المطبخ مثلا ٢٠ فوطة مطبخ وانا ابص فى الدرج ما الاقيش غير ١٠ فوط بس وقلبت الدنيا على الباقى مفيش وده مثال اكتشفت انهم سرقوا حاجات من ملابسى وحاجات المطبخ و فوط السفرة وفوط الحمام واطقم كاسات من النيش حسبى الله ونعم الوكيل يعنى سرقونى قبل ما ادخل حتى شقتى وانا عروسة انا مصدووومة واول مرة اشوف كدة دى نقطة اصلا فى بحر مشاكلى معاه،انا اكتشفت ان جوزى زير نساء وبيخونى بمكالمات التليفون مع الستات ومش بيعمل حاجة غير باذن امه ،و بخيل وبياخد مرتبى يصرف بيه على البيت وبيحوش مرتبه اللى هو اكتر من ضعف مرتبى فى البنك، وغير كل ده بيتحول لوحش فجاة مع نقاش عادى بيتعصب جدا وبحسه بيتحول قدامى وببقى خايفة منه اوى ويفضل يضرب فيا بالساعات ويركلنى برجله وبعد ما يخلص يطبطب عليا وينام جنبى ويقولى تعالى اما استمتع بيكى بقى يعنى مريض نفسى للاسف انا بقى عايشة فى صدمة كبيييييرة مالهاش اول من اخر مش عارفة الاقيها منين ولا منين ولا منين واكتشفت ان امه منافقة بتعاملنى كويس فى وشى ومن ورايا بتسلطه عليا وبتشجعه على ضربى ليه ده كله ده انا نفسى صعبانة عليا اوى اوى علشان كنت بعشق تراب رجليه وعملت معاه مواقف كتير حلوة ووقفت جنبه فى المشاكل وحاربت كل الناس عشانه واهلى فى فترة الخطوبة كانو مش مرتاحين له ولاهله وعايزين يفسخوا الخطوبة بس انا اتحايلت عليهم علشان يسيبونا نتجوز كانت عائلته مالهاش كلمة كل حاجة اتفقوا فيها معانا رجعوا فيها وغيرو كلامهم وده ماكنش مطمن بابا وماما،المهم انا اتطلقت بعد ٥شهور جواز و مفيش اطفال انا عندى ٢٥سنة ومطلقة حالى صعبان عليا اوى علشان مكنتش متوقعة الضربة القاضية تكون من اقرب انسان ليا نفسيتى تعبانة اوى بضيع وقتى فى عملى ولكنى عايشة كدة وخلاص محطمة الاهداف،ونفسى اتكسرت نفسى حد يدينى طاقة ايجابية استعيد بيها قوتى من جديد وشكرا لكم يا اخواتى
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • صورة علم Saudi Arabia
    صورة علم Saudi Arabia
    أمل السديري خبيرة تأهيل ورعاية إجتماعية وناشطة بحقوق الم
    عزيزتي.. أوجعتني مشكلتك ولكن تأدي أن حظك ليس بسئ الحمدلله أنك تخلصتي من هذ الارتباط ولم تنجبي من هذا المريض أطفال ، نصحتي لك أن تطوي صفحه الماضي وتنسي كل الجراح والآلام التي عنيتي منها من طليقك وعائلته ، فأنتي لازلتي صغيره وستجدين الرجل المناسب الذي تكملين معه حياتك بسعاده ، وأعتبري مامررتي به تجربه لم تكسرك بل تقويك وتجعلك تدقيقن الإختيار في المره القادمه وتحكمين عقلك قبل قلبك اتمنى لك التوفيق والسعاده .
animate
  • صورة علم Saudi Arabia
    صورة علم Saudi Arabia
    أمل السديري خبيرة تأهيل ورعاية إجتماعية وناشطة بحقوق الم
    عزيزتي ..
  • صورة علم Saudi Arabia
    صورة علم Saudi Arabia
    مجهول
    الله يعوضك خير ويسهل امورك ويرزقك الي يستاهلك
  • صورة علم Saudi Arabia
    صورة علم Saudi Arabia
    مجهول
    ااخخخ لك لا تدايقي ولا علا بالك اصلن حمدي ربك انك نفدتي منو و من امووو لا فترة و بتنسي و بتغيري حياتك للاحسن طمني
  • صورة علم Kuwait
    صورة علم Kuwait
    مجهول
    اختي الكريمة قبل أن أقرأ بقية الرسالة وتحديدا قبل أن أصل للجزء الذي بينت فيه أنك تطلقت كنت اجهز في ذهني جوابا واحد هو :-من لا يؤتمن علي متاع زوجته لا يؤتمن علي زوجته ويبدو أنك أخطأت في الإختيار ووضعت ثقتك في غير محلها فهذا الذكر (أسميه ذكرا وليس رجلا) لا يحبك وإنما اتخذ منك مشروعا استثماريا وأنت في نظره مجرد بنك للمال وآلة للفراش وحسب ومثل هذا لا ينبغي أن تدوم معه العلاقة بل ينبغي قطعها فورا والاكتفاء بما حدث من خسائر حتي لا تتطور الخسائر الي خسائر أكبر اكتفي بما حدث واعتبري أنه كان ابتلاء من الله فاحمدي الله واصبري ولعل الله يخلف عليك بخير والسلام
  • صورة علم Egypt
    صورة علم Egypt
    مجهول
    بس انت كنت مستعجله على الجواز ليه وانت صغيره كده يعنى اللى تقع فى ناس زى دى بتبقى عايزة تتجوز اى واحد وخلاص عشان السن لكن انت صغيرة و امك قالت لك دول ناس مش كويسه فليه اختارى المرة اللى جايه ناس كويسه انا ليه واحدة قريبتى حصل ليها اكتر منك ميت مرة بس كانت مضطريه للزواج عشان عمرها عدى الثلاثين و فى النهايه تطلقت برده
  • صورة علم Egypt
    صورة علم Egypt
    مجهول
    بصى اغلب الزيجات اللى انا سمعت عنها كانت كده تسلط امهات مرضى نفسيين بتربى رجاله مرضى نفسيين مسلوبى الارادة انت مش اول واحدة يحصل ليها كده تاكدى فى كرم الله و انه هيبعت لك الاحسن منه بس البيئه والله بتحكم و الاهل لما يكونوا مش مرتاحين لاهل العريس بيكون رايهم صح انت ربنا حاش عنك الكتييير من معاشرتك لاهله
  • صورة علم United Kingdom
    صورة علم United Kingdom
    مجهول
    قصة أليمة لكن لا تعتقدي أنك المظلومة الوحيدة في هذا الكون، أنت لم تسيئي لأحد والحمدلله أنك لست ظالمة مثلهم أهم شيء أرجو أن تكون هذه التجربة القاسية قد زادتك الكثير وعلمتك أكثر لا أن تكسرك وتهزمك وتجعلك تدخلين في اكتئاب وحزن وبكاء..من يظلم هو من وجب عليه التحسر والندم والبكاء لا تحسي بالذنب وتزيدي نفسك غما فوق غمك وهمك.. نحن بشر نتعلم من الأخطاء والتجارب ونصبح واعين مدركين للأشياء ليس هكذا لكن بعد الظلم والخذلان ومعاشرة المنافقين والمخادعينغيري من نمط حياتك: ابدئي بممارسة رياضة استشيري أخصائيين في علم النفس والاجتماع للتخلص من الماضي، الجأي الی الله اقرئ كتبا واطوي صفحة الآلام ...موفقة لكل خير
  • صورة علم Jordan
    صورة علم Jordan
    مجهول
    ده مش اقرب انسان ليك ده حيواناحمدي ربك الف مره انك اتطلقتي من غير اولاد وانه سنك صغيرغيرك نفس مشكلتك مش عارفين يتطلقوا لانه عندهم اولاد وسنهم مش صغيرانسي الماضي بكل ما فيه واتعلمي تاني مره كيف تختاري وانك تردي على اهلك لما يقولولك مش كويس
  • صورة علم Tunisia
    صورة علم Tunisia
    مجهول
    إحمدي الله انه ليس لديك أطفال منه انت مازلت صغيرة السن والحياة كلها أمامك ما حصل لك هو مقدر ومكتوب ولابد ان تتقبليه لكن في نفس الوقت تجاوزيه وحاولي ان تخلقي جو ونفس جديد في حياتك غيري روتين حياتك اليومية وستنسين الماضي شيئا فشيئا بإذن الله المهم ان لا تيأسي من رحمة الله وعسى القادم خيرا ان شاء الله
صورة علم United States
أضف إجابتك على السؤال هنا