كيف أتهرب من أختي وابنتها بدون إحراج؟

مرحبا... لو سمحتوا حد يفيدني او يساعدني بحل مشكلتي انا متزوجه وغير عامله ...،،وغير عامله،،هاي محور مشاكلي بحياتي واكتر من مره بعتلكم مشكله الي برضو تتعلق باني غير عامله..واليوم بدي اطرح مشكله جديده...ما اعتقد انه سهل يكون الها حل ..وسامحوني لاني رح احكي كتير .....في الي بنت اخت بالمدرسه بصف تالت ابتدائي...اختي موضفه وما بتكون موجوده ببيتها وقت وصول البنت للبيت ...مشان هيك اختي اختارت انها بنتها تروح من مدرستها علي انا على بيتي...ولما تخلص اختي من شغلها بتيجي تاخدها ..بالبدايه كانت تضل تستنا عندي تقريبا ساعه وربع اكتر شوي او اقل شوي....المشكله اني مو فادره اتحمل هالبنت فضوليه كتير وبتفتش وبتسال كتير عن كل اشي بتشوفه او بتسمعه وانا بعرفها انها حكيها كتير يعني متاككككده انه كل شي بصير بتحكي لامها ا....انا عارفه انها اختي واكيد حد رح يقولي ليش بلتفت لهيك شي لاهنا اختي وبين الخوات ما في تحسس من هيك امور...بس يا جماعه مع انها اختي انا بحب يكون في خصوصيه الي ببيتي وما يطلع اشي لبرا البيت حتى لو لاختي مو كل شي بيصير مناسب انه حد يعرفه من برا البيت حتى لو اختي.. خاصه انو زوجي بيكون بالبيت مرات اوبيجي وهي موجوده وما برتاح لوجودها...عفكره البنت قويييه كتير ولماحه ودكيه يعني ما حد يقولي صغيره وما بتفهم...يارب تكونوا فهمتوني....هلا لو بدي اتجاوز هاي الامور واتحمل واقول معلش مشان اختي....مع العلم اني انا اصلا ما بحب الاطفال وبتدايق منهم يعني اقد ما احاول اتحمل ما بقدر.... المشكله التانيه اني بطلت اقدر اطلع من البيت لانها بتروح بكير . وصرت ادا بطلع اضل مستعجله وما الحق اعمل شي من الي بدي اياه مشان ما اتاخر عليها...وهلا صارت تروح كتير بكير يعني عال12 الضهر بتكون عندي!!!! شو بدي الحق اعمل قبل ال12 ...ياجماعه صرت الغي طلعاتي ومشاويري مشان ما اتاخر عالبنت وحتى لو ما بدي اطلع وجودها بالبيت عندي كتير بيقيدني وهلا صارت تقعد عندي تقريبا 3 ساعات لحتى امها توصل...انا بموقف حرج من ناحية شعوري انا والي بيصير معي واختي مو متوقعه لانها برايها اني،، قااااعده بالبيت،، وشو بدو يكون عندي مشاغل....ومن ناحيه تانيه ما بدي ازعل اختي مع العلم انها كتير حساسه وبتاخد موقف ادا لمحتلها.... انصحوني بشي مع العلم اني حكيت لماما عن الوضع بس قالتلي اتحمل مشان اختي وادا ما اجت البنت عندي وين بدها تروح.... ساعدوني لو سمحتوا...