خطوبتي القريبة سبب توتري

سلام عليكم بعد اذنكوا مشكلتى انه دايما قلقانة وخايفة ومترددة. انا خطوبتى قريب ان شاء الله بس كل ما الوقت يمر بقلق ومش عارفة احدد او اميز دة قلق طبيعى ولا قلق له سبب انا مش عارفة احدده. مشكلتى ان دايما افكر هل أنا فعلا بحبه بجد وهل هو دة الانسان الى عايزة اكمل معاه حياتى ولا انا استعجلت. ومش عارفة تفكيرى وترددى دة يدل انى مش بحبه بالقدر الكافى ولا دة بردو توتر طبيعى. هو يمكن فى بعض الصفات الى ببقى قلقانة منها او قلقانة انى مقدرش اتكيف معاها زى انه هو هادى زيادة كتير عنى مثلا. احيانا احس انى محتاجة اهتمام اكتر من كدة. انا متلخبطة ومش قادرة احكم بشكل صح على اى حاجة الفترة دى. انتوا شايفين ايه ؟؟؟

أضف إجابتك

السؤال التالي

بعد عودتي اكتشفت أنه متزوج
اقرأ السؤال

تكلمني وكأنها خطيبتي
اقرأ السؤال

من المدرب و الكاتب ماهر سلامة

منذ سنتان

هذا طبيعي سيدتي، القلق حين اتخاذ خطوات مصيرية شيء مقلق فعلا. لكن أنت لست مقبلة على زواج بعد، أنت مقبلة على خطوبة، والاْساس في الخطوبة هو اكتشاف بعضكم لبعضكم. نعم هذه مرحلة تختبرون بها انفسكم مع بعضكم، والتفاهم حول الاْشياء الغامضة بكم. عليكم ممارسة الصراحة والشفافية في كل شيء. الخطبة ليست نهاية الطريق. بالتوفيق دائما

بسم الله الرحمن الرحيم حبيبتى أنتى بتقولى خطوبتى قريبه اذا لم تحدث الخطوبه بعد ولديك قلق ومترددة وقولتى السبب أنه هادى زيادة كتير عنى ومحتاجة اهتمام اكتر من كدة اذا أنتى لاتريدى هذه الشخصيه بالطبع أنتى تريدى الولد المخلص الولهان بتاع الرومانسيه والشقاوة والعلاقات ويعرف بنات بعدد شعر راسة ويمطرك بكلمات الغزل والحب والغرام ويدوب فيكى ليل نهار وبعد الزواج لاتجدى اى شئ من دا نهائى الا السراب دا كمان ممكن تجدى الاهانه والضرب والشتيمة وتحدث الصدمات وتقولى دا اتغير مش دا اللى كنت اعرفة وحبيته وعشت معاه اجمل ايام حياتى قبل الزواج ودا اللى خلاكى متلخبطة ومش قادرة تحكمى بشكل صح على اى حاجة الفترة دى اذا انا وضحت لك ماتريدى . ودا واضح انك ماعشتيش فترة حب من قبل وتريدى ان تعيشى هذه الفترة وطبعا دا من حقك لكن حبيبتى اسمعى منى الخلاصة الحب قبل الزواج يتبعثر و يزول بعد فترة من الزواج ولا يحافظ على الحب الا المودة والرحمة بينكم ودا متوقف على حسن الاختيار ان تكون بينكم تكافؤ ثقافى واجتماعى ومادى وتتحلون بالاخلاق الرفيعة والاحترام المتبادل لاشك انه ستقابلكم مشاكل وتحدث اختلافات لكن لاتكون الفجوة بينكم كبيرة نظرا لقرب التكافؤ بينكم وتستطيعون السيطره على الوضع فى حاله تأزم اى مشكله الله لايقدر ثم انتى امام مازال فترة الخطوبه لا تتعجلى الفرح اعطى نفسك مهله كيف أنتى تراها مناسبه لك وأتكلمى فى كل شئ يخطر على بالك معاه تخص حياتكم المستقبليه واستنتجى الخلاصة من اسلوبه معك وقررى لانك فى الاخر أنتى اللى هتكونى معاه لوحدك وهتبقى دى حياتك أنتى واذا ارتحتى معاه خير وبركه ماارتحتيش خلاص كل شئ نصيب دا جواز ومسئوليه كبيرة ومستقبلا اطفال خلى بالك كويس قوى قبل اى خطوة وخاصة فى ظل الظروف الصعبه جدا فى وقتنا هذا

تخوفاتك لا مبرر لها انا كنت مثلك عندما خطبت وقرب زواجى وكنت خايفة وحزينة وقلقة من زواجى ولكن بعد الزواج اختلفت نظرتى للحياة

انتى على البر ما تتسرعى وتقبلى الزواج اذا انتى غير مرتاحة لخطيبك فكرى جيدا واتخذى قرارك لان قرار الزواج حاسم ومصيرى فى حياة الانسان

اطردى هذه المخاوف من راسك وما تجعليها تنكد عليكى حياتك لساتك باول الطريق مع خطيبك وانت على وشك الزواج فخلى كل تركيزك وتفكيرك فى المستقبل وكيف تسعدين خطيبك بعد الزواج

كان المفترض ان تكونى مرتاحة نفسيا ومقتنعة بخطيبك قبل ان توافقى عليه انا لا اعرف اسباب قلقك وتوترك من ناحية خطيبك وما هى طبيعة العلاقة بينكم ولكن استطيع ان اخبرك ان الحب ياتى بعد الزواج من خلال العشرة والمعاملة الحسنة بين الزوجين