السلام عليكم ورحمة الله وبركاته مشكلتي باختصار هي: انا تزوجت بعمر 22 بشكل تقليدي من رجل يكبرني ب6 سنوات فقط كنت متوقعه انه المناسب لكن بعد اول سنه اكتشفت الفروقات الكبيره اللي بيني وبينه في كل شيء .. بعد سنتين عرفنا انه عنده مشاكل بالانجاب وانه عقيم .. اخترت اني اصبر عقضاء الله وقدره لانه هالمشكله ممكن تكون في اي انسان وماله ذنب فيها ... تحملت الفروق والمشاكل اللي وصلت لحد الشك والضرب .. بعد سنوات عرفت بالصدفه المصيبه الاكبر وهي انه كان يعرف عن نفسه انه عقيم هو واهله بالاخص والده ووالدته ... كنت متحمله كل شيء لان مجتمعنا ما بيرحم فكنت ست البيت العاقله بنت الاصول الصابره .. اشتغل واصرف عالييت من فلوسي واكمل على فلوسه وكان باختياري عأمل التقدير منه .. لكن بدون جدوى الى ان حصلت مشكله كبيره من طرفه كانت خيانه وسرقه وافتراء كاذب امام الجميع والحمدلله انه الموضوع كان باين فيه الخدعه والكذبه قدام الكل .. هالمشكله ادت اخيرا الى طلبي الطلاق منه ... بصراحه ارتحت نفسيا بعد الطلاق بعد سنتين تزوجت من رجل كان عباره عن ملاك عايش عالارض تعرفت عليه لمدة 3 شهور عن طريق الاهل وكانت الطريقه محترمه جدا ما شفت منه الا كل خير حتى الكلمه ما يغلط فيها لدرجه صديقاتي يحكولي الله عوضك اضعاف مضاعفه عن الاول تم النصيب وتزوجت وبعد يومين بس من الزواج عرفت اطار الكذبه اللي كان متقنها قدام الكل طلع للاسف عكس تماما ما يظهر ... انا من الصدمه ما عرفت اتعامل الا بالسكوت خفت وانصدمت وسكتت لعل وعسى انا اكون فاهمه غلط لكن تبين انه الرجل الكريم هو من ابخل من واجهتهم في حياتي .. الرجل الشريف .. هو صاحب علاقات محرمه ومع جنسيات مختلفه ... الرجل الصادق .. كذاب درجه اولى .. كل هالشي ما اكتشفته باحساسي لا بالعكس اكتشفته بالدليل وبحوارات خزنتها عندي ... المهم صبرت الا ان يبين لي الله ما سوف اعمل ... الا ان اتخذت القرار في داخلي بمواجهته لكن سبحان الله كانه كان حاسس في هالشي فاستبق علي الخطوه وسافر للترفيه عن نفسه مع مجموعة اصحاب وكنت عند اهلي زياره لما بعثلي رساله بيحكي فيها هاد رقم المحامي الخاص فيه اتصلي عليه واتفاهمو ما فهمت الاول وحاولت ارن عليه لافهم الموضوع لكن عملي بلوك ... اتصلت عالمحامي واكتشفت انه رافع دعوى طلاق ضدي ... هنا حياتي انقلبت 180 درجه فعلا ... حصل الطلاق بدون اي ذنب مني ومن وقتها ما عرفت اكلمه ولا اوصله ولا اهلي عرفو يتفاهمو مع اهله لان اغلبهم مسافرون. .. انحسب علي الطلاق مرتين .. الله الشاهد علي انه لا ذنب لي لا في الاول ولا في الثاني .. المشكله انه طلاقي الثاني ما خبرت الناس فيه عاساس هو مسافر وصارله عقد عمل برا ولسا ما رجع من سنه ...وانا منشغله بعملي يوميا بحاول انسى خبيت عن الناس لانه ما عندي سبب مقنع لاطلاق احكيه الهم بعرف انه اصابع الاتهام حتتوجه الي وانه انا السبب ما عرفت احافظ عبيتي وزوجي ... بس والله العظيم مو انا السبب في المرتين لكن ممكن احكي تخاذلي عن اخذ حقي منهم في الوقت الصح هو اللي خلاني اوصل لهالمرحله حياتي الان شبه واقفه وفرصة زواجي مره ثالثه وانجابي لاطفال وانا بعمر 36 اصبحت شبه مستحيله الا برحمة ربي اولا واخيرا . شو اعمل دلوني ... ساعدوني .