ضرتي تتفنن في حرق دمي وزوجي يتودد لي لكنه لا يستطيع فعل شيء

اين الرد علي مشكلتي بالله عليكم انا في عذاب ومشكلتي كانت انا متزوجه من ابن خالتي وزواجنا دام 28 سنه وفجاه تزوج عليا واحده غنيه وعاش معها حيات الطرف وتركنا انا والاولاد وهو عنده 57 سنه وانا 53 ولدينا ولدين وبنت والبنت عندها 27سنه والاولاد 24و21 وزواجه من 3سنوات وبعد ان علمت انه تزوج وانا بحاول اتقبل الوضع لكن لم استطع لانها واكله عقله بالملابس الجديده والفسح والرحلات وبعد سنه رفعت قضيه خلع وكنت فاكرة انه هيفوق ويرجع لبيته لكن لم يحدث وفضل ساكت لغايه ماتم طلاقي وكل شويه يقولي انه هيطلقها ويرجع ويديني في مواعيد لكن لم يحدث ومن سنه وقع طليقي في مشكله انه اختلس من عمله مبلغ 40 الف جنيه ولا اعلم اين صرفهم مع العلم انه عايش في بيتها من غير مايدفع لها اى نقود المهم ان صاحب العمل كتب عليه 4 وصولات عاي بياض فقامت هي بدفع المبلغ واخذت الوصولات وكل ماتشعر انه مال علينا تهدده بالسجن وقامت بكتابه مبلغ 50 الف علي كل وصل يعني وصل المبلغ الي 200 الف جنيه والان طالب مني اني استحملها ونعود الي بعض بس هي معترضه ومنعته عن المجيء عندنا وانا عايشه في عذاب الوحده والفراغ القاتل وحالتي النفسيه صعبه لاني مش مصدقه وبعد هذا العمر انه خاني وتركني والاولاد اصبحو مش طيقينه وانا مش قادرة اعيش لوحدى ومحتاجاه جنبي في هذا العمر لكن الواضح للكل انه عايش في سعاده ومش بيفكر حتي يسال علينا وبعد عده اسابيع يقول انه عايش في عذاب مع العلم انه طوال الوقت مفلس ومقصر في مصاريفنا برغم الترف الي عايش فيه ومن كتر تمثيله بصدقه لكن بيحصل حاجات تخليني اندم اني باصدقه وكل الناس بيقولو لي اني انساه لكن انا مش قادرة انساه وفي نفس الوقت مش قادره اقبل الرجوع اليه مع العلم انها بتتفنن في حرق دمي بالله عليكم اعمل ايه اعود اليه وارضي بالوقت الي هي سامحه به ام انساه الي الابد افيدوني بالله عليكم