بالرغم من انفصالنا إلا أن طليقتي مازالت تغار عليّ

قضايا اجتماعية
animate

انا لسه منفصل عن المدام حديثا كم ٧ شهور وقع الانفصال حدث بهدوء تام مراعة لمشاعر الاولاد عندى ولد كبير فى اعدادى و ولد وبنت فى ابتدائى الانفصال حدث لاسباب كتير اهم كثرة الخلافات وغيرتها الزايدة ممكن نكون اتسرعنا فى الخطوة دى بس هى كانت مصرة على الطلاق كنا بنتجمع كلنا باستمرار عشان اشوف الاولاد وهى بتكون موجودة معانا اى مناسبة كنا بنتجمع سوا حتى عيد الحب الاولاد صمموا اننا نتقابل وفعلا اتجمعنا واشتريت هدية لمراتى وهى فرحت بيها جدا وانحرجت وعلاقتنا دلوقتى مبقاش فيها اى نوع من التوتر او الخلافات نهائى بالعكس الانفصال فعلا كان خطوة كويسة عشان اعصابنا ونعيد تانى نظرنا فى العلاقه ونقدرها اكتر دلوقتى انا حاسس انها لسه بتحبنى حتى لما بتبص ليا بتبص ليا بكل حب وحتى الاسبوع داه كنت بره مع الاولاد واحنا بره تيلفونى رن ورديت كانت مهندسة زميلتى فى الشغل المكالمه مستغرقتش اكتر من ٣ دقايق ولما خلصتها المدام كان وشها محمر واتعصبت وقالتلى علاقتكوا فى الشغل اما بره دى حياتنا احنا واولادك كانت غيرانه جدا وبعدين روحتهم و كلمتها باليل قولتلها انا اسف متزعليش منى اعتذرت هى كمان وقالتلى عارفه ان مليش حق فى كدا بس على الاقل عشان الاولاد انا فاهم انها بتكدب والموضوع ملوش علاقه باولاد بس لاحظت حاجة ان انا زمان لما كانت بتغير ونتخانق بسبب كدا كنت بشوف نفسى عندى حق وعمرى ما روحت اعتذرت انما دلوقتى بس بمجرد ما قولت اسف المشكله اتبخرت هى ظاهر من ناحيتها انها عايزة ترجع وانا بردة نفسى نرجع بس فى نفس الوقت لما حصل الانفصال اهلها اتكلموا عنى بصورة مش كويسه وغلطوا فيا جامد وانا مش هقدر اتعامل معاهم تانى وبصراحه اخواتها كانوا ومازلوا كويسين معايا جدا كمان والدها و والدتها متوفين اهلها اللي اتكلموا قرايبها من ناحية باباها ومامتها يعنى خالها وعمها وكدا وهى قريبه من العيلتين جدا والمشكله ان عمها غلط فى امى يوم الطلاق وقالها حرفيا لو مكنتيش يا بومه تدخلى بينهم كانت المركب مشيت انا مكنتش موجود ساعتهاولو كنت موجود كان هيبقى فيه تصرف تانى ولا المدام شافت حاجة بس لما روحت عرفت من ناس وروحت لامى فى الاول فضلت تقول محصلش وبعدها لما المدام عرفت راحت لامى واعتذرت وباست راسها وقالتلها اوعى تزعلى انتى امى وحقك عليا مع ان الوقت داه انا ومراتى مكناش اصلا قادرين نبص فى وش بعض ومع ذلك راحت لامى وتعتذر ليها

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا سيدي ولا عليك من كلام الناس انت لك في اولادك ومن رايي ان تفكر بجدية باعادة زوجتك ولكن ضع لها شروط واول شرط ان الثقة هي الاساس والقاعدة في التعامل بينكم وانك لو كنت تريد النساء لتزوجت بعد طلاقها وان عليها ان تكبر عقلها شوية وتفهم ان ليس كل امرأة تكلمت معها يعني تحبها وتخونها، وانها ليست اول ولا اخر امراة في الدنيا ولكن هي ام اولادك وانت تريدها فان تفهمت الموقف وقررت ان تغير من نفسها وفي المقابل انت تفصل بين هاتف العمل وهاتف البيت بحيث لا يتدخل العمل في حياتك اليومية في البيت كنوع من التغيير من جانبك لتقريب وجهات النظر اعتقد ان الأمور ستكون طبيعية، ولا عليك في قول الخال والعم اذهب لاخيها الكبير واطلب منه ارجاع زوجتك وتابعا حياتكما والعمر واحد ولا تضيعا المزيد من الوقت وربي يوفقك.
  • صورة علم Saudi Arabia
    صورة علم Saudi Arabia
    من مجهول
    استهدي بالله ارجعها لحضنك وحضن أبنائك قم انهض وربي يجمعكم بسعاده وهنى ورضى يارب
  • animate

  • صورة علم Germany
    صورة علم Germany
    من مجهول
    يا أخي الواضح من كلامك انك لسه بتحب طليقتك و هي بتحبك و عندكم أطفال ليش متردد انك ترجعها. . استهدي بالله و استعذ من الشيطان و لا تخلي كلام الآخرين يأثر على علاقتكم ...عمها أو خالها لما سب و شتم كان ساعة غضب من اللي حصل ليش تحملها هي و أطفالك ذنب خطأ غيرهم.. و هي لما عرفت اعتذرت نيابة عنهم رغم سوء العلاقة بينكم ساعتها ..خلص المفروض انك تنسى أو تتجاوز الموضوع علشان المركب يسير. .كل واحد منكم غلط و عرف خطأه و أتمنى أنكم بعد تجربة الطلاق تبتدو بداية جديدة و تتفقوا انو كل واحد منكم يحاول يكون متسامح لما الطرف الآخر يغلط و يرخي لما الطرف الثاني يشد. تكلم معها صراحة و اتفقوا على أهم الأشياء التي يتمناها كل طرف من الآخر حتى لا تكرروا أخطاء الماضي ...الاعتذار و الاعتراف بالخطأ فضيلة عندما يعتذر المخطيء فهذا لا يقلل من قيمته بالعكس يدل على أنه انسان فاضل و يعزز مكانته عند الطرف الآخر. . طليقتك فيها مميزات كثيرة و طريقة تعاملها الراقية معك رغم الطلاق تدل على انها امرأة محترمة لا تضيع الفرصة و فرح أطفالك و لم شمل اسرتك بعد الفراق ..بالتوفيق
  • صورة علم
    صورة علم
    من مجهول

    هذه فرصة امامك لتجعل اولادك يعشر أنهم في بيت مستقر، وطالما الحب لا يزال موجود بينك وبين زوجتك تأكد أنك قادر على تجاوز اي شئ معها

  • صورة علم
    صورة علم
    من مجهول

    بصراحة يا اخي من الممكن ان اقول لك ان كل شئ راح يمر بمجرد عودتك لزوجتك ولكن هذا كلام رومانسي لا مكان له في الواقع بالعكس ربما تواجه مشكلات جديدة يجب ان تكون مستعد لها قبل العودة لزوجتك حتى لا تتفاجئ وتصتدم بها عند العودة لها قرار العودة ليس بسيط

  • صورة علم
    صورة علم
    من مجهول

    الاعتذار يا اخي الكريم هو الحل لكل مشكلاتنا وهذه علامة من الله تظهر لك أنك كنت مخطئ في التعامل في السابق، حتى زوجتك اثرت فيك عندما اعتذرت لامك اي شئ مشكلة قادرين على تجاوزها بمجرد الاعتراف بالخطأ

  • صورة علم
    صورة علم
    من مجهول

    اخي الكريم انسى كل ما فات وابدأ من جديد أنت حتى بدأت تعترف أن تعاملك في الماضي مع يرتها كان غير جيد ولم يكن مناسب اظن أن هذا الشئ كافي كي تبدأ من جديد لاصلاح ما مضى

  • صورة علم Algeria
    صورة علم Algeria
    من مجهول
    يا أخي رجع مراتك بسرعة , أنتو الاثنين تحبو بعض ارجعوا بسرعة عشانكم و عشان الأولاد .اتصل بولادك و قلهم أنك عايز تعشيهم برا هما و مامتهم و لما يجو جيبلها خاتم و اطلب ايدها قدامهم من جديد , صدقني رح تكون سعادتكم جميعا لا توصف , و قرايب مراتك أنتا مالكش دخل فيهم و مش ملزم تتكلم معاهم و الغلطة مع أمك مراتك مالهاش ذنب فيها و عمها عايش حياتو مبسوط و انتو شتتو عيلة علشان كلمة قالها , ممكن يكون قالها في ساعة غضب ...
  • صورة علم
    صورة علم
    من مجهول

    اخي الكريم طليقتك امرأة طيبة ولكنها مثل أي شخص في هذا العالم لديها بعض العيوب التي لا تستطيع التحكم فيها مثل الغيرة، ولكن في نفس الوقت هي بنت اصول وما فعلته مع امك خير دليل على ذلك، وما فعلعه اهلها أيضا شئ متوقع فهم في النهاية يرون بيت ابنتهم يهدم امام اعينهم لذلك تفوه بعبارات غير جيدة انسي يا اخي الماضي وعود لزوجتك التي تحبك والتي تحبها أنت ايضاا

  • صورة علم Egypt
    صورة علم Egypt
    من مجهول
    ياعم ارجع ولم بيتك ومراتك واولادك وعفا الله عما سلف واتهنوا وافرحوا وانسوا اللى فات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟