رسالة إلى خطيبتي المريضة بالسرطان أنتي ملاك على الأرض سخره الله لي

رسالة لخطيبتي المريضة بالسرطان خطيبتي ملاك على الارض بها كل الصفات التي يتمناها اي رجل وانا متاكد ان كل الرجال بيحسدوني عليها في عيني هي اجمل نساء الارض يوم وافقت على لاخطبها كنت طاير م الارض من كتر فرحتي وكل يوم يمر في خطوبتي معاها بعرف اديش امي دعيتلي واديش الله راضي عني ليرزقني هاي المخلوقة هي اطيب إنسانة في الوجود قلبها مليء بالحنان لا يعرف يبغض حدا ولا يزعل حدا بتوقف جنبي اكتر من اي حدا حتى اكتر من اهلي وقرايبيني ضلت صابرة على ظروفي واستحملتني شهور هي امي اللي بتكون حنونة عليا دايما وبدا مصلحتي واختي ياللي بتخاف عليا اكتر من نفسا وصديقتي اللي بتفهمني اكتر من اي حدا وبتسمعني لساعات وعندا طاقة تستوعب كل شي وحبيبتي اللي حاملة بقلبها حب العالم لي كيف ممكن يخطر ببالي تركك الا على قبري؟؟؟؟ خطيبتي الله ابتلاها بسرطان الثدي واكتشفناه من 3 اشهر ومن هالوقت وهي بتقلي دايما اننا لازم نفترق عشان ماتظلمني لانا بتظن انه بياخد جمالها واكتشفت بالصدفة انا باعتة رسالة لصفحة بعرف انا بتتابعها لتستشيرهم بانا تحس بالذنب وانا بتظن اني بكمل معها لاني بعطف عليها!!! انا بقولها هنا وفي كل مكان ان مابحس باي ظلم فهالعالم الا لو حدا بعدها عني، وهي في عيني اجمل ناسء العالم بل زادها المرض جمالا ع جمالها وقوة فوق قوتها انا بحبها اكتر ما كينت بتخيل وما في قوة عاهالارض ممكن تفرق بيني وبينها راح ننضل سوا ونواجه المرض ونتغلب عليه معا وبعدا نواجه العالم كله ونتحدى الكل ونكون اسعد اتنين بالكون لنخلف بنت تشبهلك في كل شي جمالك و روحك وطيبتك وحنانك وبحكيلها ع امها اقوى مخلوقة في الكون. بس ضلي معي وضلي متل ما انتي وضلي قوية أنا بحبك