صورة علم Saudi Arabia
من مجهول
منذ 24 يوم 15 إجابات
0 0 0 0

صديقة أمي رأتني وأنا أسرق

صاحبة أمي رأتني وأنا أسرق انا عايش مع اهلي ابي وامي واختي الكبرى ابي وامي ميسورين الحال وربونا تربية الكل بيحسدهم عليها ولكن ده اللي ظاهر بس لكن داخليا انا عندي مشكلة كبيرة في ثانوي كنت بشرب مخدرات ولما فلوسي تخلص كنت بسرق من امي وابي لدرجة اني مرة بيعت خاتم امي بسبب المخدرات وكان ادماني لها عاميني عن كل حاجة وسقطت في ثانوي بدل المرة 4 مرات جربت كل شي محرم المخدرات والسكر وحتى الزنا والسرقة يعني كان فاضلي تقريبا القتل عشان ابقى أكبر عاصي في الدنيا خناقاتي مع ابي كترت بسبب السقوط والتأخير وشكه في اني اتعاطى مخدرات وتركت البيت وطبعا الحال بقى اسوأ لاني قعدت مع صحابي فبقى اليوم كله مخدرات وبنات ومافوقتش من كل ده إلا موقفين الاول لما اعجبت ببنت وحبيتها جدا ولكنها رفضتني رغم اني عارف انها بتحبني واتخطبت لشخص أخر بتقول عليه انضف مني بالف مرة وطبعا ده حقيقي ، اتهزيت كتير لاني فعلا كنتا بحبها واتمنى اكمل حياتي معها لكن ماعرفتش أبطل ، الموقف التاني لما سرقت موبايل واحد في الشارع وشافتني صاحبة والدتي وجوزها بالنسبالي كان اهلي يعرفوا عني كل حاجة الا السرقة لانهم هايعرفوا اني السبب في كل سرقات البيت والمشاكل اللي حصلت من وراها واني اتهمت قريبتنا ظلم في سرقة وفعلا قطعنا معاهم ذهبت لها وترجتها ماتقولش حاجة لاهلي طبعا ماقتنعتش انها مش هاتقولهم خصوصا انها قربية منهم جدا لكن جوزها كان متفاهم جدا وهو ليه الفضل بعد ربنا في اللي حصل ، اشترط اني حضر تدريب مدته ساعتين في الاسبوع لمدة شهر وهو مش هايقولهم ، افتكرته علاج الالدمان لكن اكتشفت انه جلسات نفسية مهمتها ترغيب الشخص انه يتخلى من نفسه عن العادات السيئة ، طاوعتهم وورحت معه اول يوم وخرجت غير منقتنع انه ممكن ارجع عن الطريق لاني مشيت في طريق اللاعودة فلن يسامحني الله ولا اهلي ولا انا هاعرف اكون سوي لكن بعد الجلسات طلبت منه انه يساعدني اني اتخلص من كل ده ، وفعلا خضعت لعلاج من الادمان لمدة سنة ، واصبحت اصلي وبحثت عن عمل عشان شي واحد وهو اني اطلع صدقات للناس اللي سرقت منهم . القصو مش قصة نجاح مدمن وسارق وعاصي لشخص ملتزم وجاد ولكن كمان درس ليكم للرقابة عى ولادكم ومعرفة الطريق الصح لمعالجتهم ومعاملتهم خصوصا في سن المراهقة وبالمناسبة انا ماكانش باين عليا غير الالتزام يعني ماتاخدش بالشكل مع و لادك قرب منهم وحتى لو اضطريت تراقبهم ادعولي الله يسامحني وانجح واعوض اهلي عن كل اللي عملته معاهم