صورة علم Saudi Arabia
من مجهول
منذ 7 شهور 16 إجابات
0 0 0 0

وفاة أخي هي السبب في حياتي

وفاة أخي السبب في حياتي السلام عليكم، أشكركم علي منحي الفرصة للكتابة عن تجربتي في المرض، التي كان تجربة جيدة رغم ما مر بي من ألم، كان لدي شقيق أكبر مني بعامين وكنا مقربين للغاية، بالطبع كان بينا غيرة الأخوة بس كنا في النهاية متفهمين، خاصة أن والدنا اتوفي لما كان عمري 7 سنين، وأمي هي اللى تعبت لحد ما ربتنا. هو كان حلمه يدخل طب، وأنا سياحة، وفعلا حقق حلمه ودخل كلية الطب كان نفسه يبقي دكتور أطفال كان ديما


بيقول أن ده أصعب تخصص، أنك تقدر تشخص وتعالج إنسان مش قادر يعبر عن ألمه. هو كان في أخر سنة في الطب اللى هيتخصص فيها، وأنا أكملت تعليمي، واشتغلت في شركة سياحية كنت بسافر دولتين في الشهر على الأقل، وكنت سعيد جدا في حياتي، لكن تأتي الرياح دائما بما لا تشتهي السفن، في يوم تعبت شوية، برد وارتفاع حرارة مش بيروح والعلاج مش جايب أى نتيجة، رحت أكشف الدكتور كتب تحاليل كتيرة جدا متناسبش دور برد ولا انفلونزا، حاولت اسألة، قالي أنا بطمن عليك مش أكتر. خلال 10 أيام نتيجة التحاليل ظهرت، لوكيميا الدم المزمنة، أنا مريض بسرطان الدم المزمن، وهضطر طول حياتي أمشي علي دواء وعلاج وشعري يقع، إذا كان في حياتي بقية، دخلت في نوبة اكتئاب صعبة جدا، لدرجة اني فكرت انى انتحر واخلص من حياتي. في الوقت ده قررت أرجع على بلدي، على الأقل أموت في بلدي وأوصي أخويا على أمي اللى مالهاش غيرنا، لما رجعت كان أخويا سافر يستريح من تعب دراسته ، راح الغردقة، وهو بيعوم فجأة مبقاش قادر يكمل وقبل ما يوصل الشط كان غرقان. بلغوني الخبر وأنا بكتب جواب اعتذر بيه لأمي ولأخويا لأني هنهي حياتي، في الوقت ده أمي دخلت الأوضة وقالتلى ان أخويا مات، وشفتها وهي بتموت قدام عيني بسبب أخويا. شعرت بانهيار أسوء وكنت قررت أموت نفسي واندفن معه، لكن شوفت كسرة عين أمي، مقدرتش استسلم، منعتني تماما، بالعكس حسيت أنها اديتني طاقة كبيرة وقوية أنى أقاوم المرض، وبدأت بالفعل اتابع مع دكاترة وأخد الأدوية بتاعتي، لو مش عشاني عشانها على الأقل. مكنتش متخيل ابدًا أن كارثة زي وفاة أخويا الكبير ممكن تكون دافع أن أنا أعيش، وأديني بقاوم بقالي أكتر من 5 سنين، حالتى بتتحسن أوقات كتير وبتسوء أوقات تانية، بس قدرت أكمل واتجوزت، وعارف ان اخويا شايفني وحاسس بكل خطوة ، زي ما كان معايا في كل خطوة زمان .. وهو سبب حياتي زي ما كان دايما بيساعدني في كل خطوة.

أضف إجابتك

صورة علم United States
السؤال التالي