إهمال زوجي لمشاعري العاطفية جعلني أكرهه

السلام عليكم ياجماعة ممكن تساعدوني من الهم اللي انا فيه ،، لي خمس سنوات متزوجة من زوج عكسي تماما في كل شي حاولت اتقبله ماقدرت كل مااتقرب منه هو بتصرفاته يخليني اكرهه مثلا من ثاني يوم زواج اكتشفت انه يكلم بنات ويشرب حشيش وبشهر العسل ضربني وبعدين يعتذر ولا كأنه شي صار بس هالأشياء كسرت كثير اشياء فيني ،، انا ك أي أنثى احتاج للحب والرومانسية والامان والحنان بس للأسف صار مصدر خوف وقلق لي اعطيكم اخر موقف صار معي اليوم جا من برا زعلان ومعصب وحط الحرة كلها فيني كسر دولاب المطبخ والثلاجة ويكسر المواعين ويقولي يلا اطبخي والبيت فاضي حتى موية مافي وصابرة على وضعه والعيشة اللي معيشنا فيها ديون وفقر و بعدين يعتذر ومهما حاولت اهديه باللين او اهرب عنه مافي فايدة مايهدأ انا تعبت معاه ونفسيتي تعبت صرت اكره اشوف زوجين متحابين اقول في نفسي ليه انا لا ليش هذي زوجها يدلعها ويسويلها ويفسرها ويلبي احتياجاتها وانا لا هالشعور غصبا عني مو حسد بس اغبط الناس اللي كذا ويحز في خاطري وش اللي ينقصني عن باقي الحريم وعلى فكرة حاولت بكل الطرق اللي تقربني منه مافي فايدة اخر شي اليوم في جمعة اهل زوجي اتصل اخو زوجي على زوجته والابتسامة شاقتها ماشاءالله ويمزح معاها وكلام رومانسي والله مااحسدها بس أتمنى اكون مكانها ومسفرها اكثرمن مرة وانا ولا مرة بصراحة رحت بيتي وبكيييت احس مخنوقة من حالي نفسي اكون متفاهمة مع زوجي ويكون بيننا ود وتفاهم بس هو كرهني فيه حقيقي صرت اكرهه مايصير حنون الا وقت حقه الشرعي والمشكلة لي منه بنت يلوي ذراعي فيها