زوجي انقلب حاله وخائفة أن يكون قد اكتشف الحقيقة؟

انا وجوزى كنا روحنا نقضى اسبوع فى القريه اللى اهلنا عايشين فيها فضينا ٤ ايام عند اهله و ٣ ايام عند اهلى العلاقه بنا مستقرة مفيش اى مشاكل تذكر لغاية قبل نرجع المدينه بيومين انا كنت روحت اجيب بنت ابن عمى من الحضانه هى فى حضانه حكوميه لما روحت اجيبها لقيت بنت صغيرة خالص واقفه بتعيط بره الحضانه لان اه معاد الخروج ومفيش حد من اهلها جيه ياخدها وقفت معاها وكلمتها وطمنتها لغاية ما سكتت وبعد نص ساعه لقيت باباها جاى ليها وطلع الشخص داه هو البنى ادام اللى كان مجنون بيا من وانا فى اولى اعدادى لغاية اللحظة دى كان بيعشقنى كان عنده استعداد انه يعمل اى حاجة عشان احبه كان مسمى بنته على اسمى انا مكنتش بحبه كنت بحب جوزى كان زميلى ف الدراسه وحبينا بعض واتجوزنا اول ما شفته كنت زى ما اكون بجرى انا والطفله اللى معايا اول ما روحت كان جسمى بيترعش من الخوف لانه فضل يمشى ورايا ويقولى استنى نتكلم وكلام تانى بعد ما رجعت بنص ساعه جوزى رجع من بره بس كان متغير وسألنى فيه حاجة حصلتلك قلتله ابدا دايخه بس شوية جوزى من النوعيه ادام سألك سؤال مبيكرروش تانى حتى وهو متأكد انك بتكدبى معرفش ايه اللى حصل بس كنت شاكه الاول انه موضوع متعلق بالانسان اللى بيحبنى بس حاليا بقيت متأكدة جوزى بقالها اسبوعين ونص مبينامش جمبى يفضل يتهرب لغاية ما انام وبعدين ينام على الكنبه او فى اوضه المكتب او الاطفال حتى الاكل معظم الوقت يقولى مش جعان ويستنى لغاية ما اكل وبعدين ياكل لوحده كل ما سكاتى بيطول كل ما المشكله بتكبر بالنسبه لجوزى بس انا خايفه احكى ليه خايفه اقوله انه فضل ماشى ورايا لغاية بيت اهلى اقوله انه مسمى بنته على اسمى اقوله انه وصل لرقمى عشان كدا قفله موبايلى الايام دى اقوله انه بيبعتلى كل لحظة رساله على الفيس يقولى قد ايه هو بيحبنى وكلام تاتى مش عارفه اقوله ايه ولا اى انا اصلا سايبه القرية من وانا فى اولى جامعه واتنقلت للمدينه عشان ابعد عنه وحتى لما كنت بنزل القريه كنت افضل اتحجج لجوزى عشان احازتنا مطولش عن بومين