كذبت على زوجي وضميري يؤنبني ماذا أفعل

السلام عليكم انا عندي مشكلة شخصية قديمة ومحتاجة استشارة اجتماعية ونفسية تساعدني افهم اتعامل معاها ازاي كذبت على زوجي وضميري يؤنبني ماذا أفعل انا متجوزة من سنين طويلة وقبل الجواز كان بيني وبين زوجي علاقة عاطفية وجسدية وكان واعدني بالجواز لكن في وقت من الاوقات قرر ينهي العلاقة بسبب عدم التوافق واختلاف المستوى بينا انا وقتها خفت اخسره ولجأت لتصرف غلط جدا عشان اخليه يتمم الجواز وهو اني اوهمته اني ممكن اكون حامل ولما رحنا نعمل تحليل استخدمت عينة بول من صديقة ليا كانت حامل بالفعل وده خلاه يقتنع ويتمم الجواز وفعلا اتجوزنا وعشنا سنين طويلة وخلفنا اولاد كبروا وبقينا اسرة ورغم ان حياتنا شهدت مشاكل وخلافات كتير حصل انفصال مرتين وبعدها رجعنا لبعض واستمرت حياتنا الزوجية لحد دلوقتي

المشكلة ان الواقعة دي لسه مأثرة عليا نفسيا رغم مرور كل السنين دي وبقيت افكر كتير في اللي حصل واحس بالذنب والخوف ومش عارفة اتعامل مع مشاعري دي ازاي ولا هل المفروض اصارح زوجي بالحقيقة بعد كل السنين دي ولا ده ممكن يسبب مشاكل اكبر ويأثر على استقرار البيت والاولاد انا مش بسأل عن حكم شرعي لان ده هسأل فيه جهة مختصة لكن محتاجة اعرف اتعامل مع الموضوع من الناحية النفسية والاجتماعية ازاي وهل الافضل اتكلم مع متخصص اسري قبل ما اخد اي قرار كل اللي بتمناه اني اقدر اتعامل مع الماضي بشكل صحيح من غير ما اظلم نفسي او اضر اسرتي واولادي اللي مالهمش ذنب في اي حاجة حصلت زمان ياريت حد متخصص يقدر يوجهني ويساعدني اعرف اتصرف ازاي في الموقف ده