صورة علم Saudi Arabia
من مجهول
منذ 6 شهور 16 إجابات
0 0 0 0

أعيش مع رجل يعيش في عقلية بالية

السلام عليكم مشكلتي مع زوجي تزوجنا زواج تقليدي هو اكبر مني تزوجنا من 4 سنوات حينها كان عمري 26 وهو 46 ..... رجل منعزل منغلق لم افهمه حتى الان يغضب عندما المسه او امازحه لا ينام في غرفة النوم فاضطر اني انام معه بالصاله لكنه ينزعج ويرفض قربي انام بفراش لحالي وهو لحاله في البدايه قلت ربما حاله مؤقته ربما منزعج او.... لكن حتى الان وهو لم يغير طبعه لا يجمعنا شيء افكاره مختلفه كثير لا تشابه افكاري لا يحب ان يراني ابتسم او اضحك او العب مع اطفالي لا يريدني ان البس او اتجمل يريدني طول الوقت بقميص طويل عندما البس بجامه يغضب حتى ولو كانت واسعه او بنطال واسع ويقول ( وش هاللبس العرى اعوذ بالله قومي البسي ثوب يسترتس) عندنا اضع ميكب خفييف يغضب ويقول( وش هاللي في وجهتس صايره تسنتس قرد وش هالخبيط اللي حاطته روحي اغسليه ) ولا يكلمني حتى اغسله عندما العب الكره مع اطفالي يقول ( كنتس ورعه اجلسي وصيري حرمه مثل الحريم العاقلات) عندما اطلب منه الذهاب الى الحديقه ليلعبو اطفالنا يغضب ويقول ( بنروح للبر يلعبون بالتراب احسن من هالالعاب الخاويه اللي مامنها فايده ) ويذهب بنا الى بر مافي اشجار ولا شيء حلو مجرد غبار وشمس نتعب ويرجعنا واذا طلبت منه ان نسافر يرفض ويقول ( وين نروح اعوذ بالله تبيني اروح للاماكن الخاويه اللي مليانه نسوان عاريات ...) واذا طلبت منه يودينا للمطعم لو مره بالسنه قال ( ليه يعني ما تتهني بالزاد الا في المطاعم اكلي في بيتس استر لتس ) وحتى الاكل بالبيت على مزاجه طلبت منه همبرقر قال ( هذا معرف وش يخلطونه به موب زين اكلي اكلنا البر عندتس بالمطبخ اطبخيه واكلي خلينا من هالخرابيط ..) ويطلع ويخليني واذا طلبت السوق قال ( اعوذ بالله المراه تجلس ببيتها ما تروح للاسواق والدولاب عندتس مليان ما يحتاج ..) تعبت نفسيا من هذا الرجل اعيش بسجن مع عقليه باليه من العصر الحجري الكماليات عنده شيء تافه ومايحتاج وتبذير بيتي مافيه الا الاشياء الضروريه .. ما يوديني الا للمستشفى صرت اشوف انو ذهابي للمستشفى نزهه وتغيير جو ... يالله كيف لي ان اكمل هذه الحياة ..كل شيء مغلق في وجهي