صورة علم Saudi Arabia
من مجهول
منذ 4 شهور 8 إجابات
0 0 0 0

لن أبكي على طلاقي بل على الأيام التي عشتها مع زوج ظالم

انا مو مرتاحه بزواجي ابدا وكثير مواقف مؤلمه وجارحه صارت لي وياه ما اقدر حتى اكتبها عشان ما انفجر بالبكي الصدمات كانت قويه علي💔غيرت شخصيتي ١٨٠ درجه كنت شخصية مرحه ولا اهتم لشيء وكان تفكيري بريء بشكل كبير لكني تغيرت بعد زواجي والمشاكل والصدمات صرت انسانه عمليه اكثر جديه اكثر،الالم دايما يدفعني اني اكون انسانه ناجحه اكثر واني أؤمن نفسي من مكر الدنيا صرت اطور هواياتي واهتم بدراستي اكثر تغير منظوري كثير بس بدون سعاده!بدون فرح! كان يسعدني اي شي الحين ماحس انه فيه شي يسعدني واذا انسعدت لازم يجي موقف ينكد علي زوجي قلب حياتي جححححيم لايطاق،انسان حقود ولمن يقهره فيني شي يضل ساكت ويطنشني ويحقد علي ويضل بالايام ويعاملني بمعاملة سيئه لمن انفجر واعصب واطلع انا الغلطانه،جربت معاه كل الاساليب عشان اغير فيه هلشي ضل فتره تغير وصار كويس لانه صارت بيننا سالفه كبيره قبل الزواج قلتله مابي اطفال الا بعد٥ سنين ووافق بهلشي لكن خلف وعده كلعاده وحملت السنه الاولى واجهضت وضليت سنه ظهري يالمني ما اقدر  اوقف طويل ولا امشي واحيانا حتى النوم ماعرف انامه وتحسنت الان ولكن يضغط علي ويعصب ويجبرني بالقوه!فيه وحده تصير ام بلقوه؟طيب كيف ولده رح يجي وامه مو مستعده له ابدا قلتله انتظر اسوي رياضه عشان يشتد جسمي بتنازل انا لكن انتظر اخلص الترم هذا الي ادرس فيه اخاف اجهض مره ثانيه لكثرة الحركه قال انا مالي شغل فيك!تجيبين يعني تجيبين تجهضين مره مرتين ثلاث واربع ماعلي منك ابي ولد ابي عايله! نسى الفتره اللي اجهضت فيها شلون كان جسمي متعب وكنت عند اهلي وجبرني ارجع له وسوا لي مشاكل ورجعت له ما اقدر اطبخ او اسوي شي اتعب من اقل حركه عصب وقال انا ما ابيك كذا انتي ليش جايه؟ وليش وليش،قلتله انت اللي تبيني ارجع شفتني ما اقدر اتحرك ظهري ورجولي انا ما اقدر عشان كذا مابي ارجع الشقه ،هجرني وطنشني موتني من القهر كأنه ذنبي ورجعت عند اهلي واهو مو راضي وسوا لي مشاكل بعد لاني رجعت لهم ما افهم له ابداً صج انسان مو ناضج مايقدر يغير نفسه ودايما يجبرني على اشياء مابيها ولايهمه زعلي اهم شي الشي اللي يبيه ، ساعات احاول اتذكر الايام الحلوه اللي بيننا لكن تجيني طاقه سلبيه منها ومن ذكرياتي معاه حتى الحلوه ما ابي اذكرها لاتها تذكرني بمشاعر وايام سيئه ابي امحيها،انا ما اقول اني خاليه من العيوب لكني احاول اغير نفسي كثير واسوي الشي اللي يحبه هو نفس الشي بس مايعرف!مايقدر،يعدل شي ويخرب شي هو يحبني ودايم يفتخر فيني يم اهله ويكرم اهلي ويحبهم ومايقصر معاي بشي ومايقدر على فراقي مع اني اكثر من مره اطلب الطلاق بس شلفايده اذا شخصياتنا وميولنا شتان، واذا معاملته زفت انا صرت ماابي حبه ومايهمني فعلياً قمت افكر باالانفصال ودايما اقول انه لو ينفصل عني مارح ابكي عليه ببكي على الوقت اللي ضاع معاه ودايما اتخيل واتمنى انه عندي وظيفه وراتبي عالي عشان ما ارجع عند اهلي،العائق في هلقرار اهو اهلي!!ورجعتي لبيتهم،كان يسعدني منه اي شي الحين ما انتظر منه ولاشي لاتقولون الرجال يحبك مابي حب😪ابي راحه وسعاده💔دلوني الله يخليكم والله مو قادره اتحملللللل بموت