صورة علم Saudi Arabia
من مجهول
منذ 8 شهور 15 إجابات
0 0 0 0

كيف أتخطى حبي الكبير لطليقي الذي تركني من غير سبب؟

السلام عليكم حابة احكي قصتي انا اتزوجت وعمري ١٨ سنة من واحد عمره ٢٦ كنا نحب بعض ومبسوطين بعد الملكة اول مشكلة حصلت من أمه دقت علي وتصرخ باني اخدت ولدهم وخيرته بيني وبينها وبعدها هديت الامور أمه تحبه وهوا يحبها ورضاها فوق كل شي المهم وكملنا في كل مناسبة تحصل مشكلة من الأهل في ملكة في الدبش في الزواج في حياتنا وزوجي كان يعاقبني انا في الدبش حصلت مشكلة بين اختي واختو وكان بيسيبني انا في الزواج حصل انو بابا دخل انزف بعد م راحو الناس سابني وراح وانا سبت اهلي والعالم كلو ورحت بيتو اترجاه م نسيب بعض في شهر العسل اكتشفت انه كان يخونني ويقابل نساء وسامحتو حملت من اول شهرين كانو اهلو يعملو مشاكل نحنا ساكنين ببيت واحد هما فوق وانا تحت كانه شقتين ويقولو مني لاني بتوحم كانت المشاكل تافهة جدا طالعت ف زوجي ولفيت وجهي مشغولة أمه زعلت كيف تشمق فوجه ولدي مع انو هوا م زعل ولا اخد ع بالو ، كلم السواق يغسل زبالة بيتنا وبيت اهلو امو زعلت كيف يغسل الزبالة ليش مو زوجتك الي تغسلها وخرجت من البيت وقالت ي انا ي زوجتك وكنت اسمع تقله وحمها مشاكل وديها بيت اَهلها ومن دا الكلام حصل موقف بيني وبينها كنا نتكلم وكانت تسب اهلي تقول عليهم خرا ونا قلت لها لا تقولي كدا على اهلي زعلت وبكيت وداخت وطاحت ضغطها ارتفع كيف انا اقلها م تقولي ع اهلي كدا وحطو السبب فيني اني انا طيحتها و اخته كانت تغار مني وهو عارف تحاول تخرب بيننا كثير ، كذب علي وقلي بوديكي عند اهلك عندو انتداب لمدة اسبوع قلت طيب ورحت ع اساس اسبوع وارجع كنت أكلمه يلا خلاص برجع م رضى الين اشتد النقاش ورميت له كلام جارح مثل منت رجال وزعل وقلي استنى تولدي وخير وسابني ٦ شهور عند اهلي وقلت لماما الي حصل بس م سوت شي ماتحب تتدخل بين الاثنين يوم ولادتي سابني كمان بحجة العمل بابا كلمو وعملو مجلس رجال يعني صلح بيننا واتصالحنا ورجعت بيتي بعدها بأسبوع اكتشفت انو ف فترة حملي كان يخونني ويخرج شقة مع وحدة انهرت وكنت ابغا الطلاق وأمه هدتني وكلمته ووعدتني مح يحصل تاني كدا بعد المشكلة دي صارت حياتنا كلها شك اتفقنا اروح عند اهلي عشان بيفكر ف امورنا وكيف تزبط حياتنا ع اساس كم اسبوع بس فيوم كانت عندي مناسبة ورحت بيتي اتجهز وفتحت شنطته لقيت واقي اول م جا فبالي انه بيخونني طبعا انهرت وبكيت وزعقت وهوا ابدا م احتواني وهداني كان معايا منفعل وشدني من شعري وطيحني بالأرض وكلم أمه تتدخل بينا جاتني واتكلمنا وقالت نامي ارتاحي وروحي عند أهلك يومين وانا اتكلم معاه ويرجعك قلت طيب رحت عند اهلي وكلمتو الخميس تعال نتفاهم قال طيب أمه مصرة انها تكلم اهلي وكلمتها انا بحل أموري معاه مابا احد يتدخل لان وضع الأهل مع بعض جدا سيء وهيا رافضة كلمت ماما واتفقو انو انا وزوجي يجيني ونحل امورنا عدا اسبوعين ثلاثةونا اعتذر واترجاه كلمني زوجي قلي انا مقدر اكمل معاكي وابغا ننفصل ليش وبينا بنت وانهرت يقلي مقدر اعطيكي ومقدر اظلمك تكوني معايا اتزوج او أخونك يعني قادر تعطي غيري وانا لا! كلمت بابا وأتدخل وجابو وخلاني اعتذر منه وأسلم ع رأسه بعده بأسبوع كلم بابا وقله مقدر اكمل معاها وكلمت امه قالت انا مابغاكي وهوا مايبغاكي بايعك وقالت تستاهلي لو اني اتدخلت بالموضوع كان حبيتو بس خليكي وبعدها راح المحكمة وطلقني الان عمري ٢٢ بعد كل المعاناه دي كمان سابني فكل موقف حلو سابني والله م قصرت معاه ف بيت الحمدلله مرتب ونظيف ف اغراضه ف أكله ف كل شي يجي تعبان أحط رجوله بموية ودلع ومساج وقلتله بس طلب واحد من بداية م عرفتو انك م تسيبني أبداً وانا بفني عمري كلو لرضاك والله م قصرت مع أهله أمه م اشوفها الا اسلم ع راسها عمري م سبيتها او رفعت صوتي عليها واعاملها زي امي وأحسن اطبخلهم من اكل من مالح من حلو وادلعهم لما ينزلو عندي بس أمه كانت جدا تغار مني هيا مطلقة وتحب ولدها لدرجة تقول دا حبيبي وزوجي لانه هوا شالهم بعد ابوهم ودا شي جدا جميل منه بالعكس انبسط لما اشوفه قد المسؤولية بس مشكلته كل صغيرة وكبيرة بينا يقولها لامه وهيا تزعل مني وتطردني من عندها وتقول ماتبا تسمع صوتي او تشوفني وانا أراضيها وعلى دا الحال ومشكلتي انا معاه اني ارمي كلام جارح وارجع اعتذر عليه وما اخليه ينام الا اقله سامحني ارضى عني واطيب بخاطره رغم كل المشاكل دي احب بيتي وزوجي وبنتي واستقرارنا وفعلا كنت ناوية اثق فيه ونكمل حياتنا نساند بعض على الحلوة والمرة انا صاينته لدرجة اني عند اهلي ٣ شهور والله ماقلت لاهلي بالمشكلة قلتلو احلها بيني وبينك دي خصوصيتنا بس هوا باعني وطلقني وانا الان في العدة والله احبه ماني قادرة أنساه ولا قادرة اكل اشرب اخرج ولا اسوي شي حاسة حياتي انتهت احبه ونفسي يرجعلي ونكمل حياتنا فبيت ثاني ونساند بعض ف الحياة دي لاني احبه بس هو رافض هل كل دا بسببي ؟ ايش اسوي ؟ وكيف أتخطى المرحلة دي ؟ لانها اصعب مرحلة بحياتي .. وشكرا