كان كل شيء على ما يرام إلى أن زارونا أهل زوجته الكرام!!

add_commentأضف إجابتك

thumb_downلم يعجبني0

كان كل شيء على ما يرام إلى أن زارونا أهل زوجته الكرام!!
مشكلتى بقالها فترة كبيرة بس انا كنت ساكته وصابرة على امل ان كل حاجة تتغير للاحسن بس انا دلوقتى بكتبلكوا وانا محطمة كليا انا دكتورة والدتى ليها اخوات من الاب علاقتهم فوق الرائعه منهم اخ كبير بمثابة اب للجميع عندة ٣ اولاد علاقتى بيهم كويسه جدا ماعدا ابنه الكبير هو ضابط حربية فى نفس سنى علاقتى بيه كانت سطحية بحكم تقارب السن كنت بنحرج منه فبالتالى مكنش فيه كلام غير طفيف خالى كان راغب ان ابنه داه يتجوزنى بس هو كان بيحب واحده وصمم انه يتجوزها وفعلا اتجوزها والبنت وانا كنا اصحاب وخلفوا بنت وبعدين وهى حامل فى ولد عملت حادثة والبيبى وهى اتوفوا ابن خالى كان فى صدمة وانا بكامل رغبتى وارادتى اخدت الطفله لان مكنش فيه حد متولى مسؤليتها فى ظل الظروف دى كان عمرها ٩ شهور وكمان البيت مكنش مهيئ ان طفلة تقعد فيه فى ظروف زى دى وخالى وافق اخودها لان مرات خالى متوفيه ومكنش فى البيت غير خالى و ٣ اولاد ابنائه وفضلت معايا ٧ شهور كانت بتنام معايا وكل حاجة بس كنا بنزور خالى كل يوم وبيشوفها او يجوا عندى يقعدا معاها بعدين ابن خالى قرر يتقدملى خالى مكنش مقتنع بخطوة الارتباط عشان كان خايف انه يظلمنى بس للاسف انا كنت بحب ابن خالى ومشاعر الحب ناحيته عمتنى عن الخطوة الصح واتجوزنا وفضلت ٣ سنين ونص مش راضيه اخد خطوة الحمل عشان البنت الصغيرة كنت بحبها بجنون زى ما اكون امها واكتر كمان و بعدين حملت وجبت ولد وجم اهل مراته يباركولوا على المولود الجديد اللي هما اصلا مجوش مرة واحد وشافوا بنت بنتهم نهائى وهنا فضلوا يقولوا لجوزى البنت متغيره مراتك مبتعاملهاش كويس والكلام داه قدامى وانا ساكته وبعدين جم مرة كمان فى سبوع البيبى وقالت ام مراته لجوزى عارف محدش كان هيحب بنتك قد بنتى تقصد اخت مراته وقالتلوا ياريتك اتجوزتها هى بس احنا محبناش نجبرك هو قالها نصيب بعد ما مشيت بعاتبه اتعصب وقالى انا عمرى فى يوم ما ازعل اهلها قولتوا وانا مطلبتش منك تزعل بس على الاقل متسمحش بحد يهين مراتك قالى انتى عارفه كويس ان بحبها وعمرى ما ازعل اهلها منى قولتلوا وانا عارفه اتك بتحبها وعارفه انك محبتنيش بس على الاقل حافظ على بكرامتى قالى كويس انك انتى اللي قولتى كدا مش انا جرحنى اوى بردة عليا مكنتش اتخيل انه يرد كدا كنت متوقعه انه بيحبنى تعامله معايا هو اللي خلانى اتوقع كدا هو حنين عليا وبيحترمنى بس من بعد زيارات اهل مراته من بعد ولادتى وهو متغير وكل ما يبدا يتحسن هما يجيوا تانى ويرجع تانى بتغير معايا اخر اسبوع فى رمضان كنت بجهز الفطار وابنى نايم وبنتى قاعدة بتلعب وكنت بحط شوربة وهى دخلت المطبخ ومسكت الطبق وايديها اتلسعت من الشوربة وفضلت تعيط لسه بحاول اسكتها وابرد ايديها لقيت جوزى داخل متعصب ويقولى مهى لو كانت بنتك كنتى خوفتى عليها شديت معاها فى الكلام وقررت امشى واسيب البيت قالى لو عايزة تمشى انسى انك تاخدى العيال قولتلوا دول عيالى ملكش حق تمنعنى قالى لو سمحت انك تاخدى حد فانتى متقدريش تاخدى بنتي  قعدت بعد ما كنت جهزت الشنطه عشان البنت عشلن مقدرش امشى واسييها وعلاقتنا مدمرة من يوميها انا بفكر جديا فى الطلاق بس ذكرياته الحلوه معايا زمان دى اللي مصبرانى واقول يمكن يرجع تانى كويس هو متغير بالشكل السلبى داه من بعد ولادتى من بعد ما اهل مراته معدش بيمر اسبوع من غير ما يجوا لينا هما فضلوا طول الفترة اللي فاتت حتى مكنوش يعرفوا شكل البنت  ايه هو سافر مع صحابة تانى يوم العيد ورجع امبارح ومفيش كلام بنا نهائى وعشان مبقاش جيت على حقة وظلمته ومذكرتش غير عيوبة هو انسان كويس طيب جدع متفهم كريم حنون بس هو نصيب انه محبنيش للعلم انا طلبت الطلاق فى اخر خناق بتاع يوم الشوربة وقالى بتحلمى وانسى كلمة طلاق دى من حياتك طب هو متمسك بيا كدا لبه لما هو مبيحبنيش
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userشكرا لك سيدتي على ثقتك بموقع حلوها . أهل زوجك يريدون طلاقك ليتزوج من ابنتهم ، شقيقه زوجته المتوفاة . هم يفعلون كل ما بوسعهم ليفرقوك عن زوجك ، فلا تعطيهم هذه الفرصه ولا تغضبي مهما أساؤوا إليك ولا تعاتبي زوجك بعد انصرافهم . اكدي لزوجك أنك تحبيه ولا تسأليه مره ثانيه إن كان يحبك ، فهو ما زال يحن إلى زوجته المتوفاة ويحب رؤيه أهلها ، خاصه وأن موتها بحادث كان صدمه كبيره له . مع الوقت والعشرة ، سيتعلق بك ويعرف منزلتك في قلبه فأنت والده طفله وقد وقفت الى جانبه في أسوأ أيامه واحتضنت ابنته وأحببتها وكأنها ابنتك . لا تطلبي منه منع أهل زوجته من زيارتكما ولكن باستطاعتك الانشغال عنهم أثناء زيارتك. إنها معركتك لتحافظي على زوجك الذي تحبيه ، فلا تضعفي وتصرفي بحكمه وذكاء.
  • صورة علم Saudi Arabia
    صورة علم Saudi Arabia
    مجهول
    لا تفتعلي المشاكل معه بسبب اهل زوجته السابقة لكن من حقك الذهاب من المنزل وقت زيارتهم وترك الاب مع طفلته كونهم اساوا الادب معك وانت غلطتي لمن وضحتي انك غيرانه من حبه للمرحومة وانك حسستيه بعدم ثقتك بنفسك لمن قلتلي انا عارفة انك ما حبيتني رغم انه كان كويس معك لو ما حبك ما كان تعامل معك كويس على فكرة
  • صورة علم Egypt
    صورة علم Egypt
    مجهول
    ما تديهمش الفرصه يدمروا بيتك والحمد لله انك بتحبى البنت زى بنتك حافظى على بيتك وجوزك وان شاء الله ربنا يصلح حالك وربنا يهديه هو بيحبك صدقينى بس اهل مراته بقى ربنا يبعد شرهم عنكم وهو يمكن مش بيعبر فى رجاله بتعتبرها خيانه لمراته المتوفيه اصبرى ربنا يصلح لكم حالكم ان شاء الله
  • صورة علم Saudi Arabia
    صورة علم Saudi Arabia
    مجهول
    يمكن على شان الاطفال مين بيراعيهم غيرك انتي والله اعلموالله يصلح قصة فيلم مع اضافات بسيطه
  • صورة علم Saudi Arabia
    صورة علم Saudi Arabia
    مجهول
    قال تعالى( ولا تنسوا الفضل بينكم) أن الله عز وجل ينهانا أن ننسى الفضل والمعروف والإحسان في تعاملنا فيما بيننا اصبري على زوجك فهو يحبك ولكن ربما احساس الذنب لوفاة ام ابنته يجعله لا يصرح لك بحبه ومودته فلو كان لا يريدك لطلق ولما تمسك بابنائه حتى لاتتمسكي بالطلاقجاء رجل إلى عمر بن الخطاب يريد طلاق امرأته فسأله عمر ولِمَ؟فقال لأني لا أحبهافقال له عمر وهل كل البيوت بُنيت على الحب فأين المروءة والذمة..حافظي على بيتك واولادك وزوجك وضعي ايجابياته امام عينيك وتغافلي عن سلبياته وتجاهلي اسلوب وتصرفات اهل زوجة زوجك المتوفاة رحمها الله وعامليهم بالحسنى والطيبة حتى يذهبوا (وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ () وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ)واتاكدي ان الله لن يضيع لك عملا وستجدين نتيجة اعمالك مع البنت اليتيمة باذن الله ( وهل جزاء الاحسان الا الاحسان) اصبري اختي واسال اللله ان يتولاك برحمته...كرري هذا الدعاء دائما خاصة في سجودك وقبل السلام من الصلاة( اللهم اني اعوذ بك من الهم والحزن والعجز والكسل والخوف والجبن واعوذ بك من المأثم والمغرم وغلبة الدين وقهر الرجال) فوالله وجدت فيه فرجا وصبرا لكثير من الهموم ..اعانك الله وجعل لك من لدنه وليا ونصيرا
  • صورة علم Syrian Arab Republic
    صورة علم Syrian Arab Republic
    مجهول
    عزيزتي اول شي الله يبارك فيكي و بحنيتك و يجعل تعبك بهالبنت بميزان حسناتك ، هنن خطتن طلاقك من زوجك لا قدر الله و يزوجو بنتن لالو ، انتي قدريها بعقلك لو كانت خالتها احن عليها منك ما كانو تركو الطفلة كل هالوقت بلا سؤال و لاقدر الله اذا انفصلتي عن زوجك مصير ابنك شو ح يكون ، زوجك بحبك ااااكيد بس اوقات الواحد بلحظات الانفعال بقول كلام جارح و غير مقصود بس ليستفز اللي قدامو او يسكتو و هاد اللي صار ، هي معركتك لازم تربحيها بالحنكة مو بالزعل منو بالعكس بالتقرب
  • صورة علم Kuwait
    صورة علم Kuwait
    مجهول
    هاي معركتك حاربي بالعقل والحكمه وحافظي على زوجك وبيتك ولا تجيبيلو سيره اهلها بعد زيارتهم ولا تعطيهم فرصه يعكننو عليكم تصرفي بحكمه واحضني زوجك واكيد بيحبك وما عاد تجيبيلو سيره الطلاق اهدي وتصرفي بحكمه وتعقل
  • صورة علم Netherlands
    صورة علم Netherlands
    مجهول
    عزيزتى اهل مراة زوجك ناويين لك نية مش كويسة وناويين يخربوا بيتك حتى يزوجوه اختها مستغليين حبه للمتوفيه وانتى هنا كونى ذكية ولا تنوليهم الفرصة تمسكى بزوجك مدام هو متمسك بك ومش ناوى يطلققك وهذا يعتبر عنوان حبه لك اعملى على استقطابه بالصبر اولا وتانيا اظهرى له حبك واهتمامك به وببنته وشيلى موضوع الطلاق من دماغك خاصة انتى لك ابن منه واعملى على الحمل مرة تانية
  • صورة علم Jordan
    صورة علم Jordan
    مجهول
    حاولي انك تكوني هادئه ومتتعصبيش شر ما قالوا أهل زوجته السابقة وردي عليهم بهدوء بدون انفعال مثلا لما قالتله لو أخذت بنتي قوليلها نصيب بهدوء لا تعطيهم سبب لتدمير بيتك حاولي أنت تغيظيهم بهدوءك ولا تتخانقي مع زوجك
  • صورة علم Algeria
    صورة علم Algeria
    مجهول
    تعاملي معه ومع كل اهل زوجته على ان رأيهم لا يهمك ولا يعنيك اطلاقا، لا تحاولي مجادلته او جذب الحديث معه بل اتركيه يهدأ لوحده وفي هذا الوقت زيدي الاهتمام بالاولاد والبيت خاصة البنت واخلقي جوا من السعادة والمرح مع الاولاد واتركيه يتفرج ويلاحظ، عندها سيدرك تلقائيا انك الافضل وأنك حقا تحبين ابنته كما لو كانت ابنتك
صورة علم United States
أضف إجابتك على السؤال هنا