زوجي غير مقتنع بي كامرأة

أعاني من عدم اقتناع زوجي بي بتمنى الكل يدخل ويقرا مشكلتي الله يسعدكن انا أمرأة عمري ١٨سنة متزوجة من سنتين عندي ولد عمرو سنة حياتي مع زوجي كتير كئيبة وحزينة بعد ما اتزوجت ب١٥يوم بلست معاملة زوجي معي تتغير كان اول شي يبينلي انو بحبني بعدين صار يعمل كتير مشاكل بدون سبب يحكي حجج اوقات يقول ما بتحبني اوقات نكدية اوقات ما بتفهم عليي اوقات طفلة وانا كنت كل صفة يقولا اغيرها واتحسن وكانت علاقتنا الجنسية بالشهر مرة انا فكرت معو ضعف لان وقت افتحمعو الموضوع أسئلو يعصب لوقت صرت بالشهر ال٧من حملي حكالي انو ما بيتقبلني ك مرة ما بيحبني اخدني غصب عنو هوي ما بدو ياني وقتا كتير انهرت وصار معي الضغط وانا اهلي ماتو بالحرب ماعندي اهل انا  قلت بكرة بس اولد بيتغير وبيتحسن قام صار يكرهني بزيادة صار يحكي مع بنات قدامي ويحكو فيديو ويحرق قلبي وبيعمل معهن الحرام عالهاتف ووقت احكي يعصب ويضربني ويطلع ينام برات الغرفة كتير صارت مشاكل بسبب هالموضوع اخر شي تقبلت هالوضع وتأقلمت بس نفسيتي كتير تعبت ماعداعرف شو اتصرف صرت كل يوم بتصرف شكل يوم اعمل مشاكل مشان ما يحكي البنات ويوم اتقبل الواقع ويوم احاول اجذبو الي بس وقت يشوفني لابسة شي مغري ما يطلع عليي ابدا ويعصب لحتى اغيير تيابي والبس لبس عادي وقت بسكت وما بحكي شي وبعملو مساج لجسمو لان ((هوي دوامو كتير طويل من ال١٢الصبح لل٢باليل طبعا بيشتعل دوامين من يوم الي تزوجنا مشان ما يشوفني واهتم في بس يخلص حكي مع البنات بيجي بيحضنني وببوسني وبقلي انتي مافي منك طبعا مو دائما احيانا ولما الحقو واعمل مشاكل واقلو اني ما بتحمل بغار يضربني ويذلني وما يسأل عني هالشي يدمر نفسيتي وطلبت منو الطلاق ما فعل مشان ابنو بقلي ما بتخلى عن ابني انتي روحي تصطفلي وكمان وقت بكون مضايق ومنتكاون بيبكي وبقلي كلو مناعلي جبروني عليكي خلوني اغضب الله واظلمك وهلق عمي بقلو اذا بتطلقها انا بغضب عليك وبقلعك من يومين صار في مشكلة بيناتنا وشافتني امو عم ابكي راحت لعندو قالتلو الحق عليك خلص اقتنع واتقبلها بس هوي يقلا بسببكن دمرتو حياتي وحياتا ووقت فتت انا قلي انا بكرهكككك بكرهك شي اسمو وذكر اسمي انتي دمرتي حياتي انا ما تحملت كتير بكيت وانهرت ضليت عايفتو تقريبا اسبوع كل واحد ينام لحالو ما احكي معو ولا يحكي معي حاول من تاني يوم يراضيني ما افعل كلامو كان كتير قاسي عليي حاولت شي ٤مرات يصالحني يسحبني لعندو ليحضنني ويراضيني بس انا ما افعل اخر شي حضني وانا نايمة وصار يقلي اشتقتلك ويبوسني قلتلو مو بتكرهني ؟شلون اشتقتلي قلي ما بكرهك بس كنت معصب وحكيت هيك بس وقتا كان كلامو طالع من قلبو ما حكي تعصيب اوقات بقلي لو بحبك كنت اقتنعت فيكي واتقبلتك متل ما انتي واوقات بقلي لانك ناعمة ما بحبك انا بحب الكبيرة كلشي فيها كبير واوقات بقلي لو ما بحبك ما بنيمك بحضني كل يوم ونحنا هلق عايشين كل واحد بحالو بقرب عليي ب الشهرين مرة وكا بداعبني ولا بيطلع ع جسمي فورا بنام معي وخالص مع انو عندو قدرة كل يوم بس ما بيتقبلني بتمنى تساعدوني انا مكسورة الخاطر قلبي مكسور ساعدوني