صورة علم Egypt
من مجهول
منذ 3 سنوات 10 إجابات
0 0 0 0

تربية زوجي جعلتني أخدم عائلته!

عندى مشكله يا جماعه فطريقه تربيتى وتربيه جوزى المختلفه انا اهلى صغيرين ومتفاهمين وبيشتغلوا الست عندنا زى الراجل واسلوبنا فبيتنا صحاب يعنى عادى اهزر مع ابويا نلعب علطول بنضحك ودمنا خفيف متربيه فمنطقه راقيه ومتعوده ع الخصوصيه فالحياه زوجى اهله كبار جدا فالسن فتربيه قديمه جدااا تربيه كويسه جدا بس من العصر الجليدى مفيش اى نوع من انواع الهزار عندهم الست اقل من الراجل بمعنى مجرءش انطق ولا فقرار من قررارت البيت ولا الى تخصنى ممشينى برموت وانا قبلت اسكن فمنطقه وحشه جدا وانى اتحمل كل ظروف جوزى الصعبه زى اى شاب زوجى جاب والده واخوه قعدهم عندى شهر وانا شقنى 60 متر فضلت اخدم واطبخ ومحبوسه فاوضتى وعلينا ديون كتيره وبيصرف الفلوس عليهم والناس تكسر الشقه علينا عاوزين فلوسهم اخوه خد المفتاح منى من ساعه ما جه ووصلت جراءته فتح بالمفتاح ودخل الشقه علينا ولما اعترضت على الوضع كان رائيه انى مدلعه ومش بتاعت شيل مسئوليه وراح قال لاهله انى رافضه وجودهم وعملت مشاكل دلوقتى اهله عاملين كويسين معايا وهما كلو فروتى من كتر الكلام الوحش عليا وسخنوه عليا ودلوقتى بيقولى ان اخته مصدومه فيا وهى بتعاملنى وحش كلهم مش طايقين ابوهم لانه متعب جدا عاوز خدمه 24 ساعه ومش مرتاح ولا مريح حد واخت جوزى متحملتش تخدم ابوها يوم اتصلت بجوزها يجى ياخدها جرى لان والدها عاوز يتشال ومش متحكم حتى فالحمام طيب انا مرات ابنه ازاى هخدمه فالحاجات الى مقدرتش بنته عليها وهما كده لو مخدوش منك الى هما عاوزينه تبقى وحشه ويكرهوك انا عاوزه اعرف كونى فضفضت مع زوجى بالى حساه وانى تعبت ده غلط مش من حقى اكون مرتاحه فبيتى وابو زوجى عنده اربع عيال بجوزى كله بيترمى على جوزى محدش فيهم بيشتغل جوزى بس وبيصرف عليهم وعلينا ديون ومبتكلمش بتصدر للمواقف الوحشه قصاد الناس الى عاوزه فلوسها اما يخبطوا عليا بجد حقى اعترض وادخل والدى ولا لا انا مبحبش شقتى تبقى مستباحه اسبهم فالشقه وانزل ومحتلين اوضتى وطبعا تلات رجاله فالبيت يعنى محدش بيشيل طبق والبيت بقى زريبه قولولى انا غلطت فايه وهل اعد مع امه واخته واواجههم ولا اعمل مش واخده بالى