أشعر بالظلم لأن زوجي طلقني واتهمني بشرفي رغم صبري

add_commentأضف إجابتك

thumb_downلم يعجبني0

أشعر بالظلم لأن زوجي طلقني واتهمني بشرفي رغم صبري
مشكلتي اني مقهورة و راح اطق الي ٦ سنين متزوجه و الي بنتين و عايش ب امريكا و اصلي فلسطينيه اول سنة بلشت الاحظ انه جوزي عصبي جدا لدرجة أنه ما بمر أسبوع إلا ويضربني ويشتمني ويشتم أهلي وحتى وصلت فيه الوقاحة انه كمان كان يبصق على وجهي و كل هاذ قدام اهله لكنهم دائما كانو يقولون احنا ما بنحب نتدخل بين الوحده و جوزها حتى بقا يوخذ كل عيدياتي و كل انقوط البيبي و ما يخليلي دولار و هو اله شهادة جامعيه و بشتغل شغل كثير كان يقولي انه بجمع في المصاري عشان نوفر حق بيت الي و لبناتي مرت السنين على هاذ الحاله و كان دائما يطلع مع اصحابه على ملاهي ليليه و يقول انا السبب انه بيروح لهيك اماكن لاني نصحت بعد ما خلفت اول بيبي بس والله يا بنات اني اضعفت بعد كم شهر من ولادتي و دائما بقيت اهتم في حالي و هاذ اصلا مش سبب انه يسوي هيك شي فيا و كل يوم يشتم اهلي من دون سبب و اهلي في فلسطين بس كانو يجو في الصفيه للولايه الي احنا فيها و حتى ما نشوفهم غير كل اسبوعين مرة كنت انضرب اكثر شي اذا عرف اني فتحت جواله و شفته بحكي مع وحده و بغازلها فوق القهر و الضيق بقيت اكل قتله ٦ سنين وانا صابره عليه و عمري ما اطلعت كلمه عنه ولا عن اهله لحدا ولا حتى لامي لاني والله يا بنات بدي الستيره ما راح تصدقون الي هقولكم اياه من تقريبا سنتين بلش يتهلوس و يشك في كل حد هو بعرفه و يقول انه كل العالم عيونهم عليه و كان يفكر انه الكل بشتغل في الFBI و كلهم براقبوه و اتهم كثير من الناس الي بقربوله و بقربولي انهم بشتغولو في الFBI و بتجسسو عليه و بعرفو وين بروح و كديش معاه مصاري مرة يقولي الشركه الي هو بشتغل فيها ورا كل هلشي و مرات يقولي ابوك ورا كل هلشي الي بصير معاي و يشهد الله انه ابوي مش شغل هشغلات ورجل بخاف الله و ما هيخرب بيت بنته و ما عمره اتدخل فيه فصرت اشك انه زوجي صار مريض نفسي و شككاك و مش عارف مين يتهم و مرت سنتين و هو بحكي هلكلام هاذ و صار ضعيف اكثير و بطل يهتم في حاله من كثر التفكير و الهلوسه و يطلع كل يوم بعد الشغل يرجع بس يتعشى و يطلع في السيارة و ما يرجع ل٢ الصبح و ما يعرف ينام كثير منيح حتى كل واحد كان يجي يزورنا يشك في زيارتهم و يقولي هاذول الfbi ودوهم يعملولنا زيارة و كان يفتح ذنيه منيح لاي كلمة ممكن تطلع من الضيوف و بعد ما يروحو دائما كان يراجع بينه و بين نفسه الكلام الي انحكى هذيك الليله و يحاول انه يطلع اي شي قلتله الف مرة انه هاذ كله وسواس و كل شي بفكر فيه مش صح يا بنات من حد ما صار كل هلوساوس معه ترك الصلاة و يوم اقله لازم تصلي كان يقولي انه بده يرجع يصلي بس ما يسويها من تقريبا شهر صار بينا اشي كبير كنا انا وياه طالعين و مبسوطين و دايما بعد ما يرجعنا انا و البنات على الدار لازم يرجع يطلع لحاله و ما يرجع ال ١-٢ الصبح ذي ما انا متعود انه مش هيرجع غير هاذ الوقت حطيت راسي و نمت يوم ما هو رجع من بره اجا علي و حكالي شغلة عمري ما اتوقعت اسمعها منه قلي عمرك خنتيني والله يا بنات انصدمت و بطلع عليه وانا مصدومه و بقوله شو هلكلام قلي بدك تجاوبيني والله فكرته بمزح و قلتله بضحك are you ok و قلي انا بحكي معك بجد قلتله وين القران تحلفلك قلي لا ما بدي اياك تحلفي بس احكيلي قلتله والله عمري ما سويت شي حرام الحمدالله في حياتي قلي بدي اجيب دليل عليك قلتله اذا معك دليل جيب و كل ما يشوفني بعدها يقولي يلا قوليلي قبل ما اجيب الدليل و قوليلي عشان نروح نفحص لمرض الaids والله يبنات اتحملت الضرب و الخيانه و السب و السب على اهلي و طبعا كل هاذ قدام اهله الختياريه الي عمرهم ما حكو شي بس كانو يتفرجو قلتله كل شي الى الحكي عن شرفي و تحملت يومين و هو يحكي عن شرفي وانا مثل الهبله تلفنت على اهله قبل ما اتلفن على اهلي عشان يسمعو بذنيهم شو بحكي ابنهم عني و مثل دائما ما حكو شي و قالو بيجوز معصب من شي و بتفشش فيك و هان انا عنجد ما قدرت اتحمل و قلتله راح احكي مع اهلي وقلهم بكل شي و هو بكل دم بارد قلي احكي و هو بضحك و العرق نازل من وجه و تلفنت على اهلي و حكتلهم عن كل شي والله انجنو و قالولي احنا النا زمان ملاحظين انه مش على بعضه و تصرفاته مش صح من خلال زيارتنا للك بس قلنا انه بيجوز معه مشاكل في الشغل و ما حبينا نسالك و نتدخل و بعد ما احكيت على اهلي قلي بدنا كلنا نروح على البلاد و تخرف عنك كل شي و اجيب معاي دليل قلتله والله ما بروح معك ولا بقعد معك بعد ما قذفتني بشرفي و فعلا اجو نفس الليله ناس من قرايبه و ناس من قرايبنا و شافوه تصرفاته مش صح و قالولي تعالي معنا و اخذت بناتي و رحت على دار خالي و بعد يومين تلفن علي جوزي والله ما حبيت ارد عليه لاني بقيت كماي مصدوم و كرهانه بس قلت تشوف شو بده و يوم رديت قلي انا حبيت اقلك انك طالق بلثلاث و سكر في وجهي هان اسودت الدنيا في وجهي و هاذ الكلام من قبل شهر و كماي عند دار خالي ولحد الان مقهورة و مكسورة و مظلومة والله يا بنات الكل بقولي احمدي ربك انك ابعدتي عنه لانه مريض نفسي و لو لستر الله كان قتلك سويت TRO ضده عشان ما عمره بقرب مني ولا من بناتي و كمان اسبوع اول محكمه بينا وانا مش حابب اشوفه بلمرة والله حاسس اني بفلم و كماي مش مصدق الي صار والله تعبان كثير
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userلقد أنعم عليك زوجك بالطلاق بعد كل العذاب الذي عشته معه من ضرب وتعينف معنوي حتى وصل به الامر إلى طعنك بشرفك ، فما الذي كان ينتظرك بعد  ؟ مزيد من الاذلال والاهانة والتحطيم المعنوي ؟  خاصة وأنه بدأ يعاني من مرض نفسي، لا يريد أن يعترف به أوصله إلى الهلوسة  بأن كل من حوله يتجسس عليه ويريد الاستيلاء على ماله ، فما أدراك ما الذي كان يتعاطاه في سهراته اليومية ؟ لقد أنقذت ابنتيك  من هذا الجو المسموم ومن التوتر الذي تعيشون فيه يوميا ، ومن مشاهدة انكسارك أمام أبيهما والذي سيترك آثارا سلبية على شخصياتهما. انقذيهما وابحثي عن أي عمل مناسب. المفروض ألا تشعري بالظلم الآن ، بل بالانتصار على الظلم الذي كنت ترزحين تحته . انظري إلى الغد بتفاؤل وأمل ، فلقد آن الاوان لتمسكي بزمام الامور في حياتك ولا تعيشي ضحية أو مستغلة. 
  • صورة علم United States
    صورة علم United States
    مجهول

    مش فاهم كيف كماكي معه ٦ سنين ؟؟؟ شو كنتي بتستني؟؟ خذي حقوقك وحقوق بناتك من بين عنيه زوجك شكله مدمن مخدرات

  • صورة علم Oman
    صورة علم Oman
    مجهول

    إحمدي ربك أنه طلقك, هذا مال حانات ومخدراتي منذ زمن حتى وصل به الأمر إلى هذا المستوى+ هو ليس أصيلآ في ذاته, ولو كان لن يمسك بسوء لفظي أو غيره وحتى  وعلاقاته لن تغيّر مكانتك عنده- ردآ على رسالتك ولم نسمع منه.

  • صورة علم Jordan
    صورة علم Jordan
    مجهول

    بحاجه الى علاج نفسي 

  • صورة علم Jordan
    صورة علم Jordan
    مجهول

    السؤال ليش صابره عليهطول هذا الوقت 

  • صورة علم Algeria
    صورة علم Algeria
    مجهول

    يعني بصعوبة اكملت ما كتبتي لانك بصراحة احسست بقرف وانا اقرأ .يااختي علاه عليك هذا الذل والتذلل الى ان وصل الى شرفك تحملتي كثيرا ...هذا ليس قيمة بل ذل وخذلان لو كان اخوك او ابوك لاشتكتيه ع الشرطة ولكن من زوجك .فهذا على قلبك زي العسل

  • صورة علم Greece
    صورة علم Greece
    مجهول

    احمدي ربنا اختي انك ارتحتي منو. هذا كان ممكن يقتلك لانو أصبح عندو الهلواس القهري و يمكن كمان يعمل اي شيئ و هوا مو في وعيو. هذا ربنا انزل عليه عقابو لانو كان بيعمل اشياء مو منيحة

  • صورة علم Tunisia
    صورة علم Tunisia
    مجهول

    زوجك مصاب بالفصام "شيزوفرينيا"اهم أعراضه الشك و الوسوسة.. الحمد لله انه نجاك منه.. لكن كيف استطعت ان تصبري على كل هذا الذل و الإهانة.. يلعن ابو العيشة مع شخص يستبيح كرامتك و يضربك و لا يهتم بك! كلكم تقولوا عشان الاولاد.. لكن الحقيقة عشان انتن ضعيفات ما تقدروا تعيشوا بلا رجل ! الاولاد الأحسن و الانفع لهم يعيشوا في بيئة صحية و سليمة بين اب و ام يحترمان بعضهما و ان كانا منفصلين خير من العيش بين ابوين أحدهما لا يحترم الاخر! 

  • صورة علم Saudi Arabia
    صورة علم Saudi Arabia
    مجهول

    ضرب واهانات وشتم ومعاملة سيئة بدو ياكِ تطلعي من حياته مبينة وانتِ ولا معك خبر قال بتصبري وبتتحملي هو غلطان لازم قلك مباشرة بس كمان انتِ غلطتي مو كل اشي بنصبر عليه وهاي مش اخلاق انك تكملي وتسكتي عن حقك اول مرة مد ايده لازم قطعتيلو ياها وشكيتي لاهلك والشرطة وربيتي فيه الي زي اشكاله ليش نسكت ع ظلم ما بفهم هدول النسوان الي بقبلو يكونوا ملطشة قال بطلعني وبرجع يسهر لحالو برا .. هاي علاقة مزبوطة؟ انا بقول روحي افحصي ايدز هاد يمكن جايب المرض ونقلك اياه وانجن ... بعيد الشر عنك ونصيحة اعرفي قيمة حالك وتنوري وتثقفي رح تعرفي انو هاي الاشكال ما بينزعل عليها هاد احلى حدث بحياتك انك تحررتي منه الله يهدي البال 

  • صورة علم Tunisia
    صورة علم Tunisia
    مجهول

    أنت التي أخطأت في حق نفسك و تركت له المجال لإهانتك و كل يوم يتفنن أكثر في الإهانة طبعا .. حبي نفسك 

صورة علم United States
أضف إجابتك على السؤال هنا